Ифтитоҳи толори нави мебели ширкати «EMBAWOOD» дар шаҳри Хуҷанд

Имрӯз бо иштироки Раиси вилояти Суғд Раҷаббой Аҳмадзода дар таҳхонаи бинои баландошёнаи микроноҳияи 19-уми шаҳри Хуҷанд маросими ифтитоҳи толори нави мебели ширкати «EMBAWOOD» дар шаҳри Хуҷанд баргузор гардид.

Раиси вилояти Суғд Раҷаббой Аҳмадзода зимни ифтитоҳи толори фурӯши мебел гуфт, ки мақсаду ҳадафи асосии давлату Ҳукумати мамлакат таҳти раҳнамоиҳои Асосгузори сулҳу ваҳдати миллӣ-Пешвои миллат, Президенти мамлакат муҳтарам Эмомалӣ Раҳмон ин амалан фароҳам овардани шароити мусоид барои фаъолияти соҳибкорӣ ва ҷалби бештари сармоя ба иқтисодиёти шаҳру ноҳияҳо мебошад, ки дар айни замон ба некӯаҳволии сокинон, ғанӣ гардонидани буҷети маҳаллӣ ва ҷумҳуриявӣ ва таҳкими ҳамкориҳои давлат ва бахши хусусӣ равона мегардад. Механизми шарикии байни давлат ва бахши хусусӣ дар соҳаҳои мухталифи иқтисодиёт, самаранок истифода мешавад. Иштироки бахши хусусӣ дар рушди соҳаҳо барои ташкили ҳамкориҳои созандаи байни мақомоти давлатӣ ва бахши хусусӣ, баланд бардоштани самаранокии истифодаи амволи давлатӣ, рушди иқтидори сармоягузорӣ ва инноватсионӣ имконият фароҳам оварда, дар маҷмӯъ ба баланд бардоштани иқтидори иқтисодии мамлакат такон хоҳад бахшид.

Оғози фаъолияти Маркази савдо ва хизматрасонии “Амид” дар маҳаллаи «Суғдиён”-и шаҳри Хуҷанд

9 август бо иштироки Раиси вилояти Суғд Раҷаббой Аҳмадзода дар микроноҳияи 19-уми маҳаллаи “Суғдиён”-и шаҳри Хуҷанд Маркази савдо ва хизматрасонии “Амид” мавриди баҳрабардорӣ қарор дода шуд.

Маркази савдо ва хизматрасонии “Амид” дар ошёнаи якуми яке аз биноҳои баландошёна бо тарҳи муосир бунёд шуда, дохили он бо ороиши миллӣ зеб дода шудааст.

Иншоот аз ҷониби соҳибкори ватанӣ роҳбари ширкати ҶДММ “Амид” Саидамон Исомаддинов бунёд гардидааст.

Иттилоъ дода шуд, ки бо мавриди баҳрабардорӣ қарор додани иншоот дар маҷмуъ беш аз 60 нафар сокини маҳаллӣ бо ҷойи кор таъмин карда шуд, ки аз аксарияташонро занону духтарон ташкил медиҳанд.

Мирзоқосим Каримзода раиси Кумитаи иҷроияи ҲХДТ дар вилояти Суғд интихоб шуд

Дар бинои Кумитаи иҷроияи ҲХДТ дар вилояти Суғд маҷлиси Кумитаи иҷроияи ҲХДТ дар вилояти Суғд доир гардид, ки дар он Раиси вилояти Суғд Раҷаббой Аҳмадзода, муовини якуми Раиси ҲХДТ Абдуҷаббор Азизӣ, аъзои кумиҷроия, фаъолони ҳизб, собиқадорон ва аъзои ТҶҶ “Созандагони Ватан” иштирок намуданд.

Ҳозирин пас аз тасдиқи ҳайати раёсат, котибот ва регламенти кори ҷаласа ба баррасии масъалаи якуми кори рӯзнома – ҷамъбасти фаъолияти КИ ҲХДТ дар вилояти Суғд оид ба шашмоҳаи аввали соли 2003 шурӯъ намуданд.

Муовини Раиси КИВ ҲХДТ Замира Мансурӣ дар баромади ҳисоботӣ зикр дошт, ки шумораи аъзои ҳизб дар вилоят ба миқдори 4541 нафар зиёд гардид. Яъне ба ҳолати 1-уми августи соли 2023 он ба 170 334 нафар расид, ки аз он 97 471 нафар ё худ 57,2%-ро занҳо ва 67 224 нафар ё худ 39,4%-ро ҷавонон ташкил медиҳанд.

Ҳунармандони Самарқанд низ дар таъмиру бозсозии Қалъаи Хуҷанд саҳм мегузоранд

Раиси вилояти Суғд Раҷаббой Аҳмадзода бо корҳои таъмиру бозсозии Қалъаи Хуҷанд, ки бо ҷалби олимону бостоншиносон ҷараён дорад, шинос шуд.

Қалъаи Хуҷанд иншооти бузурги фарҳангӣ буда, дар асоси дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо ибтикори мақомоти иҷроияи ҳокимияти давлатии вилоят аз нав барқарор гардида истодааст.

Дар асоси лоиҳа эҳёи деворҳои куҳандиз, бунёди бинои маъмурӣ, намунаҳои хонаву ҳавлиҳои қадимии шаҳри Хуҷанд, меҳмонхонаву осорхона, чойхона, ҳаммому нуқтаҳои хизматрасонӣ ва дигар иншооти ёрирасон ба нақша гирифта шуда, корҳо бо суръат идома дорад. 

Машварати корӣ бо фаъолони шаҳри Конибодом

3 август дар шаҳри Конибодом Раиси вилояти Суғд Раҷаббой Аҳмадзода бо роҳбарият ва фаъолони шаҳр машварати корӣ доир намуд.

Дар машварат нахуст ҳисоботи раиси шаҳри Конибодом Абдусалом Тӯхтасунзода оид ба вазъи иқтисодиву иҷтимоии шаҳр шунида шуд. Тавре иттилоъ дода шуд, сокинони шаҳри Конибодом фаъолияти худро баҳри дар амал татбиқ намудани дастуру супоришҳои Пешвои миллат муҳтарам Эмомалӣ Раҳмон, ки зимни ироаи Паёми навбатиашон ба Маҷлиси Олии Ҷумҳурии Тоҷикистон баён гардиданд, равона карда, баҳри расидан ба натиҷаҳои баланди меҳнатӣ кӯшиш ба харҷ дода истодаанд.

Баҳри татбиқи ҳадафи чоруми саноатикунони босуръати кишвар дар шаҳр тадбирҳои зарурӣ андешида шуда, давоми соли 2023 таъсиси 12 корхонаи саноатӣ ба нақша гирифта шуда, аз он дар давоми нимсолаи якуми соли ҷорӣ 6 адад корхонаи нав мавриди истифода қарор дода шуд. Дар давраи ҳисоботӣ ҳаҷми умумии истеҳсоли маҳсулоти саноатии шаҳр бо нархҳои муқоисавӣ 126 млн. 828 ҳазор сомониро ташкил дод.