Дар Истаравшан ба сохтмони ду бинои нави мактаб санги асос гузошта шуд

Азназаргузаронӣ: 363

Дар деҳаи Кӯли Ҷамоати деҳоти Гули сурхи шаҳри Истаравшан бо иштироки Раиси вилояти Суғд Раҷаббой Аҳмадзода маросими гузоштани санги асос барои бунёди бинои нави муассисаи таҳсилоти миёнаи умумӣ баргузор гардид.

Иншооти нав дар доираи тадбирҳои ободониву созандагӣ бахшида ба 35-солагии Истиқлоли давлатии Ҷумҳурии Тоҷикистон барои 3000 хонанда дар ду баст бо ташаббуси соҳибкори маҳаллӣ ва муассиси ҶДММ "Адл" Мансур Умаров бунёд хоҳад шуд.

Зимни суҳбат бо сокинони маҳаллӣ Раиси вилояти Суғд Раҷаббой Аҳмадзода таъкид намуд, ки бо таваҷҷуҳи хосаи Пешвои миллат муҳтарам Эмомалӣ Раҳмон рушди соҳаи маориф дар кишвар таъмин гардида, ҳамасола даҳҳо муассисаи нави таълимӣ сохта мешавад. Ӯ инчунин саҳми соҳибкорони ватандӯстро дар таҳкими низоми маориф муҳим арзёбӣ карда, иқдоми соҳибкорро намунаи олии татбиқи сиёсати Ҳукумати мамлакат номид.

Тақдими туҳфаҳо ба кормандони Хоҷагии манзилию коммуналӣ ва идораи роҳҳои шаҳри Истаравшан

Азназаргузаронӣ: 289

Дар шаҳри Истаравшан бо иштироки Раиси вилояти Суғд Раҷаббой Аҳмадзода ба 100 нафар кормандони Хоҷагии манзилию коммуналӣ ва Муассисаи давлатии Идораи роҳҳои автомобилгарди шаҳр маводи ғизоӣ супорида шуд.

Раиси вилояти Суғд Раҷаббой Аҳмадзода зимни супоридани туҳфаҳо таъкид намуд, ки саҳми кормандони Хоҷагии манзилию коммуналӣ ва Муассисаи давлатии Идораи роҳҳои автомобилгард дар ободониву тозагии шаҳр ва нигаҳдории роҳҳо назаррас аст. Бо шарофати меҳнати шабонарӯзии ин қишри заҳматкаш тозагӣ таъмин гардида, зебоии муҳит нигоҳ дошта мешавад.

Таъкид шуд, ки минбаъд низ барои дастгирии кормандон, фароҳамсозии шароити беҳтари корӣ ва ҳавасмандгардонии онҳо тадбирҳои иловагӣ амалӣ карда хоҳад шуд. 

Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати фарорасии моҳи шарифи Рамазон

Азназаргузаронӣ: 252

Ҳамватанони гиромӣ!

Фардо моҳи мубораки Рамазон, ки ҳар рӯзи он барои мардуми мусулмон мактаби парҳезгорӣ, худшиносиву инсондӯстӣ ва ҳимматбаландиву хайру сахо мебошад, фаро мерасад.

Ба ин муносибат ҳамаи шуморо самимона табрик гуфта, ба хонадонатон саломатӣ, файзу баракат ва ризқу рӯзии фаровон мехоҳам.

Тоҷикистони соҳибистиқлоли мо ҳоло дар марҳалаи ташаккул ва такомули давлати миллӣ, яъне дар раванди давлатсозӣ ва давлатдории навини худ қарор дорад.

Конференсияи ҳисоботӣ-интихоботии Федератсияи футболи вилояти Суғд баргузор гардид

Азназаргузаронӣ: 371

26 феврали соли 2025 дар маҷлисгоҳи меҳмонхонаи "Суғдиён" конференсияи ҳисоботӣ-интихоботии Федератсияи футболи вилояти Суғд баргузор шуд. Дар чорабинӣ Раиси вилояти Суғд Раҷаббой Аҳмадзода, ноиби Президенти Федератсияи футболи Тоҷикистон Алишер Ӯрунов, раисони шаҳру ноҳияҳо, намояндагони Федератсияи футболи вилоят, масъулони раёсати кор бо ҷавонон ва варзиш, директорони мактабҳои варзишӣ, аъзоёни кумитаи футболи наврасон, доварон, нозирон ва роҳбарону мураббиёни дастаҳои футболи шаҳру ноҳияҳо ширкат варзиданд.

Дар ҷараёни конференсия таъкид шуд, ки футбол ҳамчун яке аз намудҳои маъруфи варзиш дар кишвар сол то сол рушд намуда, бо таваҷҷуҳ ва дастгириҳои пайвастаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва саҳми назарраси Президенти Федератсияи футболи Тоҷикистон муҳтарам Рустами Эмомалӣ мавқеи устувор пайдо кардааст.

Ниҳолшинонӣ – қадами устувор ба сӯи муҳити сабзу хуррам

Азназаргузаронӣ: 384

Дар доираи корҳои ободониву хуррамгардонӣ ва бо мақсади ҳифзи муҳити зист рӯзи 25 феврал дар боғ ва гулгаштҳои назди бинои Мақомоти иҷроияи ҳокимияти давлатии вилояти Суғд маъракаи ниҳолшинонӣ баргузор гардид. 

Дар маъракаи ниҳолшинонӣ Раиси вилояти Суғд Раҷаббой Аҳмадзода, кормандони мақомоти иҷроияи ҳокимияти давлатии вилоят ва роҳбарияти шаҳри Хуҷанд ширкат варзида, беш аз 100 адад ниҳолҳои ороишиву ҳамешасабз шинониданд.

Аз ҷониби роҳбарият ва кормандон ниҳолҳои санавбар, ёс, туя, лавр, каштан ва арча шинонида шуданд, ки ҳар кадоми онҳо барои зебогии муҳити атроф ва беҳтар кардани вазъи экологӣ аҳамияти калон доранд. 

Мақолаҳои боқимонда...