Дар ноҳияи Ашт 14200 тонна пахта истеҳсол карда мешавад

Азназаргузаронӣ: 74

Раиси вилояти Суғд Раҷаб Аҳмадзода рӯзи 4 сентябр дар ноҳияи Ашт бо раванди ҷамъоварии пахта шинос гардид.

Тибқи иттилоъи масъулин маъракаи пахтачинӣ дар ноҳия оғоз ёфта, то рӯзи 4 сентябр 232 тонна пахта ҷамъоварӣ шудааст. Нақшаи солонаи истеҳсоли пахта дар ноҳияи Ашт 14 200 тонна муқаррар гардидааст.

Айни замон қисми зиёди пахтазори ноҳия шукуфтаву чинакчиён дар ҳамаи хоҷагиҳои пахтакор ба ҷамъоварии ҳосил машғул мебошанд. 

Раиси вилоят зимни боздид аз яке аз хоҷагиҳои деҳқонии пахтакор дар маъракаи ҷамъоварии ҳосил ширкат варзида, таъкид намуд, ки пахта бояд сари вақт ва бе талаф ҷамъоварӣ карда шавад.

Ноҳияи Ашт аз калонтарин ноҳияҳои кишоварзии вилояти Суғд ба ҳисоб меравад ва саҳми заҳматкашони он дар ғанӣ гардидани хирмани пахта назаррас аст.

Боздид аз корхонаҳои ҶДММ “Комплекси агросаноатии Ашт”

Азназаргузаронӣ: 64

4 сентябр Раиси вилояти Суғд Раҷаб Аҳмадзода зимни сафари корӣ ба ноҳияи Ашт бо фаъолияти корхонаҳои ҶДММ “Комплекси агросаноатии Ашт” аз наздик шинос гардид.

Дар ҷараёни боздид иттилоъ дода шуд, ки дар ин маҷмаа корхонаи дӯзандагӣ, корхонаи ҷӯроббарорӣ ва инчунин корхонаи истеҳсоли зарфҳои пластикӣ фаъолият доранд. Истеҳсоли зарфҳои пластикӣ барои содироти гелос ва хушк намудани зардолу ба роҳ монда шуда, иқтидори истеҳсолии он дар як шабонарӯз 2500 адад мебошад. Ин корхона бо технологияи муосири чинӣ муҷаҳҳаз буда, маҳсулоти он воридотивазкунанда аст.

Дар корхонаи дӯзандагӣ низ занону бонувон ба ҷойи кори доимӣ таъмин гардида, ба дӯхти либос машғул мебошанд. Истеҳсолот бо истифода аз матоъҳои хушсифат сурат мегирад.

Паёми табрикии Раиси вилоят ба муносибати Рӯзи авиатсия

Азназаргузаронӣ: 135

Иди касбии кормандони соҳаи авиатсия дар арафаи таҷлили солгарди Истиқлоли давлатии Ҷумҳурии Тоҷикистон баргузор шуда истодааст. Кормандони ҷамъияти саҳомии кушодаи “Фурудгоҳи байналмилалии Хуҷанд”, кулли собиқадорони соҳа ва муштариёни авиатсияи тоҷикро ба муносибати иди касбиашон шодбош мегӯям ва саломативу бардамӣ ва саодати рӯзгорашонро таманно дорам. 

Зикр кардан бамаврид аст, ки фурудгоҳ дарвозаи рамзии давлат буда, меҳмонон аз хориҷи кишвар тасаввуроти аввалинро аз маданияту фарҳанги давлату миллат аз ҳамин даргоҳ пайдо мекунанд. Аз ин лиҳоз, ин масъулияти баланд кормандони фурудгоҳро вазифадор менамояд, ки ба анъанаҳои аҷдодӣ содиқ монда, фарҳангу маданияти тоҷиконро ба меҳмонон муаррифӣ намоянд.

Шиносоии Раиси вилоят Раҷаб Аҳмадзода бо сохтмони иншооти тиббӣ дар шаҳри Хуҷанд

Азназаргузаронӣ: 258

Имрӯзҳо таҳти сиёсати хирадмандонаи Пешвои муаззами миллат муҳтарам Эмомалӣ Раҳмон ба ҳифзи сиҳатии омма таваҷҷуҳи хоса зоҳир гардида истодааст. Дар ин раванд, айни замон дар шаҳри Хуҷанд бунёди бинои инноватсионии назди Беморхонаи клиникавии шаҳрии №1, бинои иловагии Маркази саратоншиносии вилояти Суғд, бинои иловагии Маркази клиникавии эндокринологии вилояти Суғд ва бинои иловагии Беморхонаи клиникавии бачагонаи вилояти Суғд идома дошта, бо мавриди истифода қарор гирифтани биноҳои нав сатҳи хизматрасонӣ боз ҳам беҳтар гардонда хоҳад шуд.

Раиси вилояти Суғд Раҷаб Аҳмадзода бо сохтмони биноҳои соҳаи тандурустӣ аз наздик шинос шуда, барои иҷрои босифати корҳо ба масъулин супоришҳо дод.

Бояд қайд кард, ки бинои иловагии Маркази саратоншиносии вилояти Суғд аз 6 ошёна иборат аст ва он бо маблағгузории мақомоти иҷроияи ҳокимияти давлатии вилоят сохта шуда, фармоишгар Идораи сохтмони асосии вилоят ба ҳисоб меравад. Дар бинои нав ҳуҷраҳо барои 150 кат, шуъбаҳои эҳё ва ҷарроҳӣ ҷойгир карда мешаванд. Маркази саратоншиносии вилояти Суғд ба сокинони 18 шаҳру ноҳияи вилояти Суғд хизмат мерасонад. Беморхона дорои шуъбаҳои эҳё, мулоиҷа, ҷарроҳӣ, муолиҷаи кимёвӣ, табобати нурафканӣ буда, барои қабул, ташхису муоина ва пешгирии беморӣ мутахассисони баландихтисос, ки мунтазам дар кишварҳои перафта таҷрибаомӯзӣ мекунанд, фаъолият доранд.

Сохтмони муассисаҳои таълимӣ ва томактабӣ дар шаҳри Хуҷанд идома дорад

Азназаргузаронӣ: 244

2 сентябр Раиси вилояти Суғд Раҷаб Аҳмадзода дар шаҳри Хуҷанд бо ҷараёни сохтмони муассисаҳои соҳаи маориф шинос гардид. 

Нахуст роҳбари вилоят аз рафти сохтмони бинои иловагӣ дар гимназияи №4 боздид намуд. Иттилоъ дода шуд, ки бинои сохташавандаи муассисаи таълимӣ аз 4 ошёна бо таҳхона ва 32 синфхонаи таълимӣ иборат буда, барои 1600 нафар хонанда дар ду баст сохта ба истифода дода хоҳад шуд.

Сохтмони ин бинои иловагии таълимӣ аз ҷониби ширкати ватании “Тоҷ-сохтмон” амалӣ карда мешавад, ки дар шаҳри Хуҷанд таҷрибаи хуби хонасозиро дорад.

Корҳои сохтмонӣ асосан ба анҷом расида, корҳои пардозкунӣ оғоз гардидааст. Дар паҳлӯйи бинои мазкур сохтмони толори варзишӣ низ оғоз шудааст, ки барои баргузории дарсҳои тарбияи ҷисмонӣ ва машқу тамрин шароити созгор муҳайё хоҳад шуд.

Мақолаҳои боқимонда...