Ҳамасола 16 ноябр дар Ҷумҳурии Тоҷикистон Рӯзи Президент таҷлил мегардад — ҷашне, ки ба шахсияти таърихӣ ва хизматҳои беназири Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бахшида шудааст. Ин рӯз рамзи эҳтиром, сипос ва арҷгузорӣ ба роҳбари хирадмандест, ки миллати тоҷикро аз вартаи парокандагию ноамнӣ раҳоӣ бахшида, ба роҳи сулҳ, субот ва рушди устувор раҳнамун сохт.

Дар аввали солҳои 90-ум, вақте ки Тоҷикистон дар гирдоби ҷанги шаҳрвандӣ қарор дошт, маҳз бо ҷасорат, матонат ва иродаи қавии Эмомалӣ Раҳмон нахустин қадамҳои бунёди сулҳ гузошта шуданд. Пешвои миллат тавонистанд бо сиёсати мардумсолорона ва иродаи сиёсӣ музокироти созандаро бо ҷонибҳои даргир оғоз намуда, миллатро ба роҳи ваҳдат ва ҳамдигарфаҳмӣ раҳнамун созанд.

Дар вилояти Суғд озмуни «Беҳтарин вассофи Пешвои миллат», ки ба ифтихори Рўзи Президенти Ҷумҳурии Тоҷикистон эълон гардида буд, натиҷагирӣ шуд. 

Озмун аз рўи номинатсияҳои «Беҳтарин гуфтор», «Беҳтарин оҳанг», «Беҳтарин эҷоди шеър», «Беҳтарин суруд», «Беҳтарин расм» ва «Беҳтарин ролик» доир гардид. 

Озмун аз ҷониби Раёсати кор бо ҷавонон ва варзиши вилояти Суғд ва бо дастгирии Мақомоти иҷроияи ҳокимияти давлатии вилояти Суғд дар ҳамбастагӣ бо телевизиони «Баҳористон» ва рўзномаи вилоятии «Ворисони Суғд» тариқи онлайн ташкил гардид. 

Дар вазъияти мутантан ба 18 нафар ғолибон ва 31 нафар иштирокчиёни беҳтарини озмун диплому сипоснома ва тўҳфаҳои хотиравӣ тақдим гардид.