6 май мумфаршкунии роҳи дохилии деҳаи Росровути Ҷамоати деҳоти Росровути ноҳияи Деваштич оғоз ёфт.

Дар маросими оғози корҳои мумфаршкунӣ таъкид карда шуд, ки сокинони ноҳия имсол дар тамоми деҳаҳо иқдомҳои шоистаро амалӣ карда, дар партави дастуру ҳидоятҳои Пешвои миллат муҳтарам Эмомалӣ Раҳмон бо ободу зебо намудани маҳалли зист, аз ҷумла мумфарш намудани кӯчаҳои деҳот камари ҳиммат бастаанд.

Боиси таъкид аст, ки сокинони деҳаи Росровут дар пайравӣ ба иқдому ташаббусҳои созандаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон даҳҳо километр роҳҳои ҳудуди деҳотро мутобиқ ба меъёру талаботи пешбинишуда ва бо истифода аз техникаю механизми зарурӣ пурра мумфарш намуда, бо мақсади сазовор истиқбол гирифтани ҷаншни бузурги миллӣ – 35 - солагии Истиқлолияти давлатӣ тадбирҳои ободониро дар муттаҳидию сарҷамъӣ бо сатҳу сифати баланд амалӣ менамоянд.

Бо мақсади амалӣ намудани дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон барои истифодаи оқилонаи неруи барқ дар Қасри фарҳанги шаҳри Истаравшан бо иштироки сокинон ҳамоиш доир шуд. 

Тавре иттилоъ дода шуд, тағйироте, ки ба кодексҳои ҷиноятӣ ва ҳуқуқвайронкунии маъмурии Ҷумҳурии Тоҷикистон ворид карда шуданд, пешбинӣ менамоянд, ки ҳангоми риоя накардан ва вайрон кардани қоида ва меъёрҳои истифодаи қувваи барқ ва гармӣ ҷавобгарӣ дар намуди ҷарима ва ҳатто маҳрум кардан аз озодӣ татбиқ карда мешавад. Аз ин хотир ҳар яки мо вазифадор ҳастем, ки аз неруи барқ ва гармӣ самаранок истифода намуда, маблағи истифодаи онро сари вақт супорем.