Оғози маъракаи иттилотии "16 рӯзи мубориза алайҳи хушунат нисбати занон"

Азназаргузаронӣ: 652

Ҳамасола дар тамоми ҷаҳон аз 25 ноябр то 10 декабр маъракаи "16 рӯзи мубориза алайҳи хушунат " доир мегардад, ки ҳадаф аз он ҷалби таваҷҷуҳи ҷомеа ба мушкилоти умдаи иҷтимоӣ, бахусус зӯроварӣ дар оила ва бартараф намудани мушкилоти иҷтимоии оила мебошад. 

Дар ин радиф Раёсатикор бо занон ва оилаи вилоят якҷо бо ташкилотҳои ҷамъиятии "АЗИТ", "Сарчашма", "Шамс" ва раисони шурои занони маҳаллаҳои шаҳри Хуҷанд дар "Регистони Панҷшанбе" аксия таҳти унвони "Ҳаёт бе хушунат зебост" баргузор намуд. 

Бояд қайд намуд, ки давоми 16 рӯз дар тамоми шаҳру ноҳияҳо, ташкилоту корхонаҳо ва муассисаҳои олӣ ва миёнаи касбӣ гузаронидани силсилачорабиниҳо ба нақша гирифта шудааст.

Вохӯрии судманд бо занону фаъолони ноҳияи Айнӣ

Азназаргузаронӣ: 405

Бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон дар доираи амалишавии “Барномаи давлатии рушди оила дар Ҷумҳурии Тоҷикистон барои солҳои 2024-2026” бо занону фаъолони ноҳияи Айнӣ вохӯрӣ баргузор гардид.

Дар вохӯрӣ муовини раиси ноҳияи Айнӣ Зебо Саидзода, муовини якуми раиси Кумитаи кор бо занон ва оилаи назди Ҳукумати Ҷумҳурии Тоҷикистон Фирӯза Нуруллозода, намояндагони Кумитаи кор бо занон ва оилаи назди Ҳукумати Ҷумҳурии Тоҷикистон, кумитаи занони ҷамоатҳои шаҳраку деҳоти ноҳия, кормандони ташкилоту муассисаҳо, занони фаъол ва собиқадорони меҳнатиштирок намуданд.

Вохӯрии мазкур бо мақсади баланд бардоштани маърифати ҳуқуқӣ ва оиладорӣ, устувору пойдор нигоҳ доштани оилаҳо ва пешгирии пошхӯрии оилаҳо доир шуд.

Таҷлили Рӯзи Парчами давлатии Ҷумҳурии Тоҷикистон дар Суғд

Азназаргузаронӣ: 541

23 ноябр дар майдони Парчами давлатии Ҷумҳурии Тоҷикистон дар шаҳри Хуҷанд ба муносибати Рӯзи Парчами давлатии Ҷумҳурии Тоҷикистон чорабинии идона баргузор гардид, ки дар он беш аз 25 ҳазор нафар иштирок намуданд.

Муовини Раиси вилояти Суғд Анвар Яъқубӣ аз номи Раиси вилояти Суғд, муовини якуми Раиси Маҷлиси миллии Маҷлиси Олии Ҷумҳурии Тоҷикистон Раҷаббой Аҳмадзода сокинонро бахшида ба Рӯзи Парчам табрик кард.

Таъкид гардид, ки Парчами давлатии Тоҷикистон ҳамчун рамзи Истиқлоли давлатӣ барои мо азизу муътабар буда, таҷлили Рўзи Парчам дар радифи дигар ҷашнҳои миллию давлатӣ боиси ифтихор ва эътибору шарафи мардуми меҳанпарасти тоҷик аст. 

Таҷлили Рўзи Парчами давлатӣ, ки бо ибтикори Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рўйи кор омад, яке аз муҳимтарини рӯйдодҳои даврони соҳибистиқлолӣ дар таърихи давлатдории навини тоҷикон маҳсуб меёбад.

Мақолаҳои боқимонда...

Категорияҳои дигари ин бахш

Категорияҳои дигари ин бахш