Тибқи нақшаи чорабиниҳои Раёсати кор бо ҷавонон ва варзиши вилояти Суғд ва бахши ҷавонони шаҳри Хуҷанд бахшида ба 34-солагии Истиқлоли давлатии Ҷумҳурии Тоҷикистон дар шаҳри Хуҷанд ҳамоиши вилоятӣ таҳти унвони "Ҷавонон – таҳкимбахши дастовардҳои даврони соҳибистиқлолӣ ва пайравони Пешвои миллат" баргузор гардид.

Дар ҳамоиш муовини Раиси вилояти Суғд Исмоилзода Зуфар Муртазохон, сардори Раёсати кор бо ҷавонон ва варзиши вилоят Исматзода Бахтиёр, варзишгарон, ҷавонон ва фаъолони вилоят ширкат варзиданд.

Муовини Раиси вилояти Суғд Исмоилзода Зуфар Муртазохон табрикоти Раиси вилояти Суғд Раҷаб Аҳмадзода бахшида ба 34-солагии Истиқлоли давлатиро ба иштирокчиён ироа намуда, аз дастовардҳои даврони соҳибистиқлолӣ ва ғамхориҳои пайвастаи Пешвои миллат муҳтарам Эмомалӣ Раҳмон ёдовар шуд. Таъкид гардид, ки таваҷҷуҳи махсуси Сарвари давлат ба соҳаи ҷавонон ва варзиш заминаи устувори рушду пешрафти соҳа ва болоравии маънавиёти ҷомеа гардидааст.

Дар асоси нақшаи тасдиқгардида аз 1 то 10 сентябри соли 2025 вохӯрии вакилони Маҷлиси намояндагони Маҷлиси Олии Ҷумҳурии Тоҷикистон бо интихобкунандагон баргузор гашта истодааст. 

Дар асоси нақшаи мазкур вохӯриҳои вакилони Маҷлиси намояндагони Маҷлиси Олии Ҷумҳурии Тоҷикистон Аҳрорзода Шӯҳрат ва Набизода Тоҳир бо интихобкунандагон дар деҳоти "Гули Сурх", "Ниҷонӣ", "Сабристон" ва "Қалъачаи Калон" баргузор гардид. 

Дар вохӯриҳо аз ҷониби вакилони ба сокинон оид ба моҳияти Истиқлолу озодӣ, ваҳдати миллӣ, инчунин таҳлили қонунгузории кишвар, баланд бардоштани маърифати ҳуқуқии сокинон, ҷалби онҳо ба корҳои созандагиву бунёдкорӣ, истифодаи самараноки нерӯи барқ, доштани захираи 2 солаи маводи озуқаворӣ, истифодаи ҳар як порча замин ва гирифтани 2-3 ҳосил аз он маълумот ва маслиҳатҳои муфид дода шуданд.