Дар шаҳри Исфара ҷаласаи навбатии муштараки кормандони соҳаи маориф ва Маркази назорати давлатии санитарию эпидемиологии вилояти Суғд баргузор гардид.

Дар ҷаласа масъалаҳои марбут ба пешгирии бемориҳои сироятӣ, таҳкими муҳити солими санитарию гигиенӣ дар муассисаҳои таълимӣ ва густариши ҳамкории сохторҳои маориф бо мақомоти санитарию эпидемиологӣ мавриди муҳокима қарор гирифт.

Мутахассисони соҳа оид ба роҳҳои пешгирии бемориҳои мавсимӣ, аномалии вобаста ба ғизо, ҳолатҳои заҳролудшавӣ ва хатари дуди ангишт миёни хонандагону омӯзгорон корҳои тарғиботиву фаҳмондадиҳӣ анҷом доданд. Ба масъулини муассисаҳои таълимӣ ва намояндагони маорифи шаҳр тавсияҳои мушаххас барои риояи меъёрҳои санитарӣ дода шуд.

Дар толори Кохи фарҳанги ба номи Абӯабдуллоҳи Рӯдакии шаҳри Хуҷанд бахшида ба рӯзи таъсисёбии Ҳизби Халқии Демократии Тоҷикистон ҳамоиши идона баргузор гардид. 

Дар чорабинӣ муовини Раиси вилояти Суғд Исмоилзода Зуфар Муртазохон, Раиси Кумитаи иҷроияи Ҳизбии Халқии Демократии Тоҷикистон дар вилояти Суғд Ҷаҳонгир Салимзода, аъзо ва фаъолони ҳизб иштирок намуданд. 

Нахуст, Ҷаҳонгир Салимзода, раиси Кумитаи иҷроияи Ҳизбии Халқии Демократии Тоҷикистон дар вилояти Суғд меҳмононро хайрамақдам намуда, кулли аъзо ва ҷонибдорони ҳизбро бо фарорасии рӯзи таъсисёбии Ҳизби Халқии Демократии Тоҷикистон табрик гуфт.