Дар доираи таҷлил аз Рӯзи дониш ва оғози соли нави таҳсил дар факултети физикаю техникаи Донишгоҳи давлатии Хуҷанд ба номи академик Бобоҷон Ғафуров лабораторияи муосири тиббӣ ифтитоҳ гардид.
Маросими ифтитоҳи он бо иштироки Раиси вилояти Суғд Раҷаббой Аҳмадзода сурат гирифт.
Роҳбарияти донишгоҳ ба Раиси вилоят иттилоъ дод, ки лабораторияи мазкур дар партави дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи эълон гардидани “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” ташкил ёфта, ҷиҳати таъмини шароити мусоид барои татбиқи донишҳои назарии донишҷӯён пешбинӣ шудааст.
Дар шаҳри Исфара бинои муассисаи таҳсилоти миёнаи умумии рақами 64-и деҳоти Чоркуҳ ба истифода дода шуд.
29 август дар шаҳри Хуҷанд маросими ҷоизасупорӣ ба ғолибони минтақавии чемпионати Тоҷикистон оид ба футбол байни духтарони навраси то 13 сола доир гардид. Дар ин бора аз Федератсияи футболи вилояти Суғд хабар доданд.
