Мувофиқи маълумоти расмии оморӣ дар моҳҳои январ-сентябри соли 2025-ум нишондиҳандаи кӯтоҳмуҳлати рушди вилоят ба 33 млрд. 5,3 млн. сомонӣ ва суръати афзоиш ба 108,1 дарсад баробар гардида, саҳми он дар Маҷмӯи маҳсулоти дохилии кишвар 28,0 дарсадро ташкил додааст.
Дар ҷамъбасти нуҳ моҳи соли 2025 ҳаҷми истеҳсоли маҳсулоти саноатӣ нисбат ба ҳамин давраи соли гузашта ба андозаи 31,9 дарсад, кишоварзӣ 10,0 дарсад, маблағгузорӣ ба сармояи асосӣ 25,2 дарсад, гардиши савдои чакана 5,1 дарсад, хизматрасониҳои пулакӣ 12,7 дарсад, гардиши савдои хориҷӣ 43,4 дарсад ва ғайра афзудаанд.
Дар натиҷаи чораю тадбирҳои андешида ва дар заминаи рушди иқтисодиёти вилоят, иҷрои нақшаи қисми даромади буҷети умумии вилоят (бо назардошти андози иҷтимоии ғайрибуҷетӣ) дар нуҳ моҳи соли 2025-ум ба андозаи 106,7 дарсад таъмин ва ба буҷети давлатӣ 5245,5 млн. сомонӣ ворид карда шуд. Воридоти маблағ нисбат ба нақшаи таҳрезишуда 328,4 млн. сомонӣ ва нисбат ба ҳамин давраи соли қаблӣ 1078,5 млн. сомонӣ ё 25,9 дарсад зиёд мебошад.
