Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад

7 майи соли 2024, соати 11:00 ба вақти маҳаллӣ, шаҳрванди Ҷумҳурии Тоҷикистон Абдуллоев Олимҷон Ҳусейнович, соли таваллудаш 1990, миллаташ узбек, муаллими таърихи мактаби миёнаи №4, ноҳияи Ҷаббор Расулови вилояти Суғд бо мақсади рӯшанӣ андохтан ба қазия ва сарнавишти писари ноболиғаш, хонандаи мактаби миёна Абдуллоев Рамзан, ки дар хати сарҳади давлатӣ боздошт шудааст, ният дошт ба низомиёни қирғиз, ки дар деҳаи Сулюкта мустақар буданд, муроҷиат кунад. Дар ин хусус АМИТ «Ховар» бо истинод ба маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад.

Ягон амал ё кирдоре, ки ба принсипҳои ҳамсоягии нек мухолиф аст, Абдуллоев О.Х. (муаллими таърих) вобаста ба мақоми иҷтимоии худ нишон надодааст, вале ба муқобили ӯ яроқи оташфишон истифода шудааст, ки дар натиҷаи он вай ярадор гардид.

Дар Истаравшан озмуни “Фуруғи субҳи доноӣ китоб аст” доир шуд

Дар гимназияи рақами яки шаҳри Истаравшан маросими кушодашавии даври шаҳрии озмуни ҷумҳуриявии “Фуруғи субҳи доноӣ китоб аст” доир гардид.

Дар маросими кушодашавии озмун муовини раиси шаҳри Истаравшан Фирӯза Муъминзода, сардори раёсати маориф Аминзода Сулҳиддин ва ҳамчунин хонандагону омӯзгорони муассисаҳои таълимӣ, намояндагони касбу кори гуногун, ҳайати ҳакамон ва волидон иштирок намуданд.

Фирӯза Мӯъминзода зимни суханронӣ қайд намуд, ки дар даврони соҳибистиқлолӣ соҳаи маориф яке аз самтҳои меҳварии давлатдории мо буда, рушди илму маориф, омӯзиши техника ва технологияҳои нав, тақвияти нерӯи зеҳнӣ ва ташаккули забони илм дар таваҷҷуҳи ҳамешагӣ ва сиёсати маорифпарварони Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад.

“Нақши созандаи Пешвои миллат дар ташаккули худшиносӣ ва ҳувияти миллии ҷавонон”

Дар Коллеҷи тиббии шаҳри Хуҷанд таҳти унвони «Нақши созандаи Пешвои миллат дар ташаккули худшиносӣ ва ҳувияти миллии ҷавонон» конфронси ҷумҳуриявии илмӣ-амалӣ баргузор гардид, ки дар он меҳмонони дохилию хориҷӣ, олимону коршиносон иштирок намуданд.

Директори Коллеҷи тиббии шаҳри Хуҷанд Алимат Мавлонзода конфронсро ифтитоҳ намуда, меҳмонон ва иштирокчиёнро ба даргоҳи илму маърифат хайрамақдам гуфт. Мавсуф қайд намуд, ки конфронси ҷумҳуриявии илмӣ-амалӣ таҳти унвони «Нақши созандаи Пешвои миллат дар ташаккули худшиносӣ ва ҳувияти миллии ҷавонон» бахшида ба 30-солагии қабули Конститутсияи Ҷумҳурии Тоҷикистон ва эълон гардидани “Соли маърифати ҳуқуқӣ” ташкил карда шуд.

Категорияҳои дигари ин бахш

Категорияҳои дигари ин бахш