Мулоқоти вакилони вилоятӣ бо интихобкунандагон

Бо мақсади шарҳи Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олӣ, қонунҳои нав таҳиягардида ва дигар масоили рӯзмарра силсилаи мулоқоти вакилони Маҷлиси вакилони халқи вилоят оғоз гардид.

Нахуст чунин вохўрӣ дар беморхонаи №2 шаҳри Хуҷанд бо вакили Маҷлиси вакилони халқи вилояти Суғд аз ҳавзаи интихоботии «Бофанда»-и шаҳри Хуҷанд Саодат Аминҷонова бо интихобкунандагони ҳавзаи мазкур баргузор гардид.

Иттилоъ дода шуд, ки санаи 20-уми июни соли равон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба 35 қонун, аз ҷумла қонунҳои Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон», «Дар бораи масъулият барои таълиму тарбияи кӯдак» имзо гузоштанд.

Шиносоӣ бо рафти ҷамъоварии помидор ва кишти такрории зироатҳо дар ноҳияи Бобоҷон Ғафуров

2 июл Раиси вилояти Суғд Раҷаббой Аҳмадзода дар Ҷамоати деҳоти Зарзамини ноҳияи Бобоҷон Ғафуров бо ҷараёни кишту парвариши сабзавот шинос гардида, бо хоҷагидорону деҳқонон суҳбати самимӣ орост.

Бояд тазаккур дод, ки деҳоти Зарзамини ноҳия дар кишту парвариш ва истеҳсоли помидор дар вилояту ҷумҳурӣ пешқадам ба ҳисоб рафта, саҳми хоҷагидорон дар таъмини амнияти озуқавории мамлакат ва фаровонии бозори истеъмолӣ басо назаррас аст. Дар ин ҷамоат зиёда аз 14 ҳазор нафар иқомат дошта, шуғли асосии сокинон кишоварзӣ ба ҳисоб меравад. Ҷамоат дорои 1128 гектар замини корами обӣ буда, аз он дар майдони беш аз 500 гектар помидор кишт карда мешавад. Деҳқонон аз моҳи январ кишти помидорро дар гармхона оғоз намуда, аз моҳи март кӯчати онро дар замин мешинонанд ва аз 20-уми май ҳосили он ба фурӯш бароварда мешавад.

Шиносоӣ бо ҷараёни навсозии варзишгоҳи деҳоти Исфисори ноҳияи Бобоҷон Ғафуров

Имрӯз Раиси вилояти Суғд Раҷаббой Аҳмадзода ба ноҳияи Бобоҷон Ғафуров ташриф оварда, дар Ҷамоати деҳоти Исфисор бо ҷараёни таҷдиду навсозии варзишгоҳ аз наздик шинос гардид.

Чуноне маълумот дода шуд, варзишгоҳи мазкур дар қарни 20 сохта шуда, давоми чанд соли охир фаъолияти босамар надошт. Дар доираи омодагиҳо ба ҷашни 35-солагии Истиқлоли давлатии Ҷумҳурии Тоҷикистон варзишгоҳ навсозӣ шуда, барои машқу тамрини варзишгарон ва гузаронидани мусобиқаҳои сатҳи баланд шароити мусоид фароҳам оварда мешавад.

Тибқи лоиҳа варзишгоҳ дорои 6500 ҷойи нишаст аст ва ҳамзамон иншооти ёрирасон, аз қабили ҳуҷраҳои корӣ ва либосивазкунӣ сохта мешавад.

Категорияҳои дигари ин бахш

Категорияҳои дигари ин бахш