28 майи соли 2022 бахшида ба рӯзи Қӯшунҳои сарҳадӣ дар қисми ҳарбии 02615 Вазорати мудофиаи Ҷумҳурии Тоҷикистон даври ҷумҳуриявии мусобиқаи ҳарбӣ-варзишии “Ватанпарвар” бо иқдоми Вазорати маориф ва илми Ҷумҳурии Тоҷикистон бо корбарии Маркази ҷумҳуриявии муассисаҳои таҳсилоти иловагӣ доир гардид.
Дар мусобиқаи мазкур 8 даста, аз ҷумла Вилояти Мухтори Кӯҳистони Бадахшон, шаҳри Конибодом ва ноҳияи Б.Ғафурови вилояти Суғд, ноҳияҳои Ҳамадонӣ ва Вахши вилояти Хатлон, шаҳри Душанбе, ноҳияҳои Рӯдакӣ ва Сангвор иштирок доштанд.
28-уми май дар вилояти Суғд Фестивали намоиш ва фурӯши чорвои зотӣ баргузор шуд.
30 майи соли равон дар шаҳри Душанбе иҷлосияи даҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор мегардад. Қарори Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ «Дар бораи даъват намудани иҷлосияи даҳуми Маҷлиси миллии Маҷлиси Олии Ҷумҳурии Тоҷикистон, даъвати шашум» 16 май ба тасвиб расид.
