Бино ба маълумоти Агентии обуҳавошиносии Тоҷикистон, аз 10 то 16 май дар қаламрави мамлакат ҳавои номусоид ва бориши боронҳои пуршиддат, шамоли сахт, жола, раъду барқ дар назар дошта шудааст. Аз ин рӯ, тибқи дастури Раиси вилояти Суғд Раҷаббой Аҳмадзода дар шаҳру ноҳияҳои вилоят Ситоди ҳолатҳои фавқулода ташкил гардида, ба ситод супориш дода шудасст, ки ба таври шабонарӯзӣ фаъолият намояд.
Ситоди ҳолатҳои фавқулода вазифадор аст, ки шаҳрвандонро аз вазъи мавҷуда огоҳ намуда, барои рафъи ҳолатҳои фавқулода ва ба қадри имкон ҷиҳати пешгирии ҳамагуна хисорот чораҷӯӣ намояд.
5 май муовини вазири тандурустӣ ва ҳифзи иҷтимоии аҳолӣ Шодихон Ҷамшед, сардори раёсати тандурустии вилояти Суғд Ҳабибулло Хайруллозода ва раиси шаҳри Панҷакент Абдухолиқ Холиқзода ба манзили зисти иштирокчии Ҷанги Бузурги Ватанӣ Бӯриев Саид ташриф оварда, фарорасии 77-умин солгарди Рӯзи Ғалабаро табрику таҳният гуфтанд.
Ӯзбекистон аз лиҳози ташрифи сайёҳон ба даҳгонаи кишварҳое шомил мешавад, ки сайёҳонаш бештар ба Тоҷикистон ворид мешаванд. Ин нукта зимни Форуми саёҳативу тиҷоратии Тоҷикистон ва Узбекистон, ки имрӯз дар шаҳри Хуҷанд бо дастгирии Ҳукумати Ҷумҳурии Тоҷикистон ва иқдоми Кумитаи рушди сайёҳии назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии вилояти Суғд оғоз шуд, баён гардид.
