Бо дастгирии мақомоти иҷроияи маҳаллии ҳокимияти давлатии шаҳри Панҷакент Боғи фарҳангию фароғатии ба номи Камоли Хуҷандӣ, ки дар яке аз мазеъҳои зебоманзари шаҳри Панҷакент, дар соҳили дарёи Зарафшон воқеъ аст, аз ҷониби соҳибмулк Алишер Бозоров бо тарҳи комилан нав азнавсозӣ карда мешавад.

Тавре аз мақомоти иҷроияи ҳокимияти давлатии шаҳр хабар доданд, айни замон корҳои ободонию азнавсозӣ бо тарҳи нав оғоз шуда, атрофи кӯли ҷавонон, ки дар канори боғ воқеъ аст, роҳравҳо бо қум пӯшида шуда, барои истироҳат ва шиноварӣ омода карда, бунёди  майдончаи варзишӣ дар арафаи анҷомёбист.

Мутобиқи лоиҳаи ангоравӣ дар боғ бунёди манораву фаввораҳо, мавзеъҳои истироҳатӣ, қаҳвахонаю майдонҳои бозӣ,  айвонҳои мунаққаш барои нишаст, амфитеатр, роҳравҳои чароғон, майдон, гулгаштҳо ва лавҳаи ёдгорӣ ба хотири иштирокчиёни ҷанги дуюми ҷаҳон бо тарҳи нав ва ғайра пешбинӣ шуда, онҳо батадриҷ сохта мешаванд.

Дар Маҷмааи фарҳангию таърихии «Қалъаи Хуҷанд» маросими савгандёдкунии наваскарони қисми ҳарбии 03377-и Комендатураи ҳарбии вилояти Суғд баргузор гардид.

Дар маросими савгандёдкунӣ, ки дар доираи чорабиниҳои марбут ба моҳвораи ҷавонон сурат гирифт, сардори Раёсати кор бо ҷавонон ва варзиши вилояти Суғд Исматзода Бахтиёр, каменданти ҳарбии вилояти Суғд Шарифзода Ҳайдар Мирсаид ва мудири бахши ҷавонон ва дигарон иштирок ва суханронӣ намуданд.

Ёдрас мешавем, ки дар маросими савгандёдкунӣ беш аз 50 нафар наваскарони қисми ҳарбӣ савганди ҳарбӣ ёд карданд ва барои хизмати содиқона дар сафи Артиши миллии Тоҷикистон изҳори омодагӣ намуданд.