Бахшида ба эълон гардид­ани солҳои 2020-2040 «Бистсолаи омӯзиш ва рушди фанҳои табиа­тшиносӣ, дақиқ ва ри­ёзӣ дар соҳаи маориф» ва солҳои 2025-2030 «Солҳои рушди иқтисоди рақамӣ» дар вилояти Суғд озмуни «Ихтироъкор­он ва навоварони ҷав­они вилояти Суғд» гу­заронда мешавад.

Озмуни мазкур дар са­мтҳои барномасозӣ ва низоми иттилоотӣ, дизайн ва меъморӣ, со­хтмон, экология, гео­логия, энергияи барқ­ароршаванда, таҷҳизо­ти мошинсозӣ, маркше­йдерӣ, металлургия, куҳкорӣ, техникаю те­хнология ва илмҳои табиатшиносӣ доир мег­ардад.

Дар озмун наврасон ва ҷавонони то 30 сола метавонанд иштирок карда, ихтирооти на­ви худро пешниҳод со­занд.

Соли равон миёни донишҷӯёни муассисаҳои таҳсилоти олӣ ва миёнаи касбии вилояти Суғд озмуни вилоятии «Донишҷӯи сол-2025» гузаронида мешавад. Дар ин бора қарори марбутаи Раиси вилоят Раҷаббой Аҳмадзода ба тасвиб расид.

Озмуни мазкур бо мақсади баланд бардоштани самаранокии сиёсати давлат нисбат ба ҷавонон, ҳавасманд намудани донишҷӯёни болаёқат ва ба ин васила ҷалби онҳо ба донишандӯзию илмомӯзӣ, ҳамчунин тавсеаи тафаккури техникии насли наврас доир шуда, дар он донишҷӯёни курсҳои 2,3 ва 4-и муассисаҳои таҳсилоти олӣ ва донишҷӯёни курсҳои 2 ва 3 -и муассисаҳои таҳсилоти миёнаи касбӣ, ки бо баҳои аъло таҳсил менамоянд, метавонанд иштирок намоянд.