Ифтитоҳи иншооти ҷашнӣ дар шаҳри Истаравшан

Азназаргузаронӣ: 1360

Ба истиқболи ҷашни муқаддаси 35-солагии Истиқлоли давлатии Ҷумҳурии Тоҷикистон дар шаҳри бостонии Истаравшан корҳои ободониву созандагӣ бо суръат идома доранд. Тибқи нақшаи тасдиқгардида, дар ин шаҳр бунёд, таъмир ва навсозии 990 иншооти иҷтимоиву иқтисодӣ ба роҳ монда шуда, то имрӯз 664 адади он мавриди баҳрабардорӣ қарор гирифтаанд.

14 май Раиси вилояти Суғд Раҷаббой Аҳмадзода ва раиси Суди конститутсионии Ҷумҳурии Тоҷикистон Абдулҳафиз Ашурзода дар маросими ифтитоҳи як қатор иншооти ҷашнӣ иштирок намуда, онҳоро расман мавриди истифода қарор доданд. Аз ҷумла, маркази хизматрасонии “Ром ойл”, ки бо ташаббуси соҳибкори ватандӯст Муҳаммадҷон Қобилов сохта шудааст, ба истифода дода шуд. Дар ин марказ хизматрасонии таъмиру шустани нақлиёт ба роҳ монда шуда, ҳамзамон маҳсулоти ватанӣ низ ба фурӯш гузошта мешавад.

Панҷакент. Сохтмони 40 бинои баландошёнаи истиқоматӣ идома дорад

Азназаргузаронӣ: 1596

Дар шаҳри Панҷакент дар доираи нақшаи омодагиҳо ба ҷашни 35- солагии Истиқлоли давлатии Ҷумҳурии Тоҷикистон ҳоло бунёди 40 бинои баландошёнаи истиқоматӣ бо марказҳои тиҷоратӣ ва хидматрасонӣ идома дорад.

Дирӯз дар хиёбони Рӯдакии шаҳр санги асос барои бунёди боз як бинои нави истиқоматӣ бо марказҳои тиҷоратию истиқоматӣ гузошта шуд.

Иттилоъ дода шуд, ки бинои мазкур аз 12 ошёна иборат буда, дорои манзилҳои 1- 4 ҳуҷрагии барҳаво аст ва дар он насби хати гармидиҳии мустақил, панелҳои офтобӣ, лифти баландсуръат, таваққуфгоҳ ва майдончаи бозии кӯдакон пешбинӣ шудааст.

Дар ноҳияи Спитамен сохтмони ду бинои иловагии таълимӣ оғоз ёфт

Азназаргузаронӣ: 1703

Нимаи дуюми рӯзи 5 феврал бо иштироки Раиси вилояти Суғд Раҷаббой Аҳмадзода дар ноҳияи Спитамен ба бунёди бинои иловагии уассисаи таҳсилоти миёнаи умумии №9 ва муассисаи таҳсилоти миёнаи умумии №3 санги асос гузошта шуд.

Зимни суҳбат бо кормандони соҳаи маориф Раиси вилоят иброз дошт, ки бо дастуру ҳидоятҳои Пешвои миллат муҳтарам Эмомалӣ Раҳмон ба рушди соҳаи маориф таваҷҷуҳи хоса зоҳир гардида, бо дастгирии Ҳукумати мамлакат, Мақомоти иҷроияи ҳокимияти давлатии вилояти Суғд, соҳибкорону саховатмандон дар тамоми шаҳру ноҳияҳои вилоят бунёди мактабу кӯдакистонҳои нав ва бинои иловагии иншооти соҳаи маориф ҷараён дорад. 

Иттилоъ дода шуд, ки бинои иловагии муассисаи таҳсилоти миёнаи умумии №9 дар Ҷамоати деҳоти Истиқлоли ноҳия барои 640 хонанда дар як баст сохта мешавад. 

Мақолаҳои боқимонда...