Шиносоӣ бо сохтмони бинои баландоёшнаи истиқоматӣ ва дигар иншооти ҷашнӣ дар шаҳри Хуҷанд

Азназаргузаронӣ: 1964

Дар шаҳри Хуҷанд ба ифтихори 35-солагии Истиқлоли давлатии Ҷумҳурии Тоҷикистон корҳои ободониву созандагӣ вусъат ёфта, силсилаиншооти муҳими хоҷагии халқ бунёд карда мешавад.

Аз ҷумла, дар маркази шаҳр аз тарафи ҶДММ «Тоҷсохтмон» бунёди иншооти гуногунсоҳа аз қабили меҳмонхона, кӯдакистон, марказҳои савдо ва хизматрасонӣ, хонаҳои баландошёнаи истиқоматӣ босуръат ҷараён дорад.

Зимни шиносоии Раиси вилояти Суғд Раҷаббой Аҳмадзода бо корҳои сохтмонӣ иттилоъ дода шуд, ки ин иншоот дар масоҳати 0,8 садяк замин бунёд гардида, биноҳои баландошёнаи истиқоматӣ то 22 ошёна қомат афрохта, аз панҷ даромадгоҳ иборат мебошад. Ҳамзамон дар ду зерқабат таваққуфгоҳ барои то 250 автомобил бунёд гардида, ҳудуди он чароғон ва камераҳои назоратӣ насб карда хоҳад шуд.

Боздиди Раиси вилоят аз Маркази саратоншиносии вилояти Суғд

Азназаргузаронӣ: 2048

15 январ Раиси вилояти Суғд Раҷаббой Аҳмадзода дар маркази вилоят бо сохтмони бинои иловагии Маркази саратоншиносии вилояти Суғд шинос гардид.

Иншооти мазкур дар асоси дастуру ҳидоятҳои Пешвои миллат муҳтарам Эмомалӣ Раҳмон ва дар доираи корҳои ободониву бунёдкорӣ ба истиқболи 35-солагии Истиқлоли давлатии Ҷумҳурии Тоҷикистон бунёд гардида, аз 6 ошёна иборат аст. 

Бинои нав бо маблағгузории мақомоти иҷроияи ҳокимияти давлатии вилоят сохта шуда, фармоишгар Идораи сохтмони асосии вилоят ба ҳисоб меравад.

Тавре иттилоъ дода шуд, корҳои сохтмонӣ тибқи нақша идома дошта, барои босифат ва сари вақт иҷро намудани корҳо сохтмончиён машғули кор мебошанд. Дар бинои нав ҳуҷраҳо барои 150 кат, шуъбаҳои эҳё ва ҷарроҳӣ ҷойгир карда мешаванд.

СУҒД: Соли 2023 беш аз 2800 иншооти ҷашнӣ ба истифода дода шуд

Азназаргузаронӣ: 1636

Дар соли 2023 дар самти сохтмони иншооти соҳаҳои иҷтимоию фарҳангӣ ва истеҳсолӣ пешравиҳо назаррас буда, дар ин давра дар ҳаҷми 1054,2 млн. сомонӣ фондҳои асосӣ ба кор андохта шуда корҳои сохтмонию васлгарӣ ба маблағи 2128,5 млн. сомонӣ иҷро гардид.

Маблағгузорӣ ба сармояи асосӣ дар соли 2023 ба маблағи 3505,2 млн. сомонӣ азхуд карда шуд, ки суръати афзоиш ба 143,9 фоиз таъмин гардид.

Тибқи нақшаи пешбинигардида дар вилоят то ҷашни 35-солагии Истиқлоли давлатии Ҷумҳурии Тоҷикистон 12 ҳазор иншооти таъиноти истеҳсолию иҷтимоӣ бунёд ва таъмиру азнавсозӣ карда мешаванд.

Дар соли 2023 дар шаҳру ноҳияҳои вилоят 2778 иншоот омода гардида, нақшаи солона 116 фоиз таъмин гардид.

Мақолаҳои боқимонда...