"Корвони китоб" дар шаҳри Панҷакент ва ноҳияи Айнӣ

1- 2 майи соли ҷорӣ корхонаи давлатии таъминот ва савдои «Китоб» бо мақсади дар амал татбиқ намудани банди 24-и “Барномаи давлатии рушди муассисаҳои фарҳангии Ҷумҳурии Тоҷикистон барои солҳои 2021-2025”, ки бо Қарори Ҳукумати Ҷумҳурии Тоҷикистон №115 аз 3 апрели соли 2021 тасдиқ гардидааст, ҳамзамон ҷиҳати иҷрои фармоиши вазири фарҳанги Ҷумҳурии Тоҷикистон «Дар бораи ташкили сафари “Корвони китоб” дар шаҳру ноҳияҳои вилояти Суғд" ба шаҳри Панҷакент ворид гардид.

Ҳайати кории сафаркунандагони "Корвони китоб" таҳти роҳбарии директори Корхонаи давлатии таъминот ва савдои «Китоб» Содиқи Завқӣ дар назди бинои Кохи Лоиқ Шералии шаҳри Панҷакент намоиши фурӯши китобро баргузор намуданд.

Дар ин ҳамоиш кормандони ҳамаи корхонаву муассисаҳо, муовини раиси шаҳр Парвина Нақибӣ, Суди шаҳр, мақомоти андоз, фарҳангу маориф иштирок намуда, китоб харидорӣ карданд.

Ташкили Ситоди вилоятӣ оид ба сари вақт омода намудани соҳаҳои иқтисодиёт ва иҷтимоиёт барои тирамоҳу зимистони солҳои 2023-2024

Қарори Раиси вилояти Суғд «Дар бораи сари вақт омода намудани соҳаҳои иқтисодиёт ва иҷтимоиёти вилоят барои фаъолияти мунтазам ва самарабахш дар давраи тирамоҳу зимистони солҳои 2023-2024» ба имзо расид.

Тибқи ин қарор Ситоди вилоятӣ оид ба сари вақт омода намудани соҳаҳои иқтисодиёт ва иҷтимоиёти вилоят барои фаъолияти мунтазам ва самарабахш дар давраи тирамоҳу зимистони солҳои 2023-2024 ва нақшаи чорабиниҳо тасдиқ гардида, мақомоти иҷроияи ҳокимияти давлатии шаҳру ноҳияҳо, роҳбароин корхонаву муассисаҳо вазифадор шудаанд, ки иҷрои нақшаи чорабиниҳоро таъмин намоянд.

Масъулин инчунин вазифадор шудаанд, ки эҳтиёҷоти муассисаҳои тиббӣ, маориф ва фарҳанги шаҳру ноҳияҳоро бо ангишт ва ҳезум тибқи нақша қонеъ созанд. 

Имсол ба таъсисёбии ДДҲБСТ 30 сол пур мешавад. Донишгоҳро то имрӯз 18 000 нафар хатм кардаанд

Имсол ба таъсисёбии яке аз беҳтарин муассисаҳои таҳсилоти олии кишвар - Донишгоҳи давлатии ҳуқуқ, бизнес ва сиёсати Тоҷикистон 30 сол пур мешавад.

Муассисаи таълимӣ дар даврони соҳибистиқлолии мамлакат ва бо қарори Шўрои Вазирони Ҷумҳурии Тоҷикистон соли 1993 фаъолияти худро оғоз бахшида, дар тарбияи кадрҳои баландихтисос саҳми шоиста мегузорад. Донишгоҳ дар тўли 30 соли фаъолияташ зиёда аз 18 ҳазор нафар мутахассисони соҳибтахассус ва ҷавобгўй ба талаботи бозори меҳнатро омода намудааст, ки имрӯз хатмкардагони донишгоҳ дар соҳаҳои мухталифи хоҷагии халқи мамлакат, аз ҷумла дар вазорату кумитаҳои давлатӣ, мақомоти ҳифзи ҳуқуқ, мақомоти иҷроияи ҳокимияти давлатӣ, ташкилоту созмонҳои байналмилалӣ, сохторҳои молиявӣ, корхонаҳои истеҳсолӣ фаъолияти босамар доранд.