Рӯзҳои 15 ва 16 декабр дар шаҳру ноҳияҳои вилояти Суғд мулоқоти гурӯҳҳои тарғиботӣ бо аҳолӣ баргузор мегардад.
Чунин як мулоқот дар деҳоти Ёваи ноҳияи Бобоҷон Ғафуров бо намояндагони қишрҳои гуногуни ҷомеа доир шуда, дар он мақолаи таҳлилии коршинос оид ба масъалаҳои байналмилалӣ Абдуллоҳи Раҳнамо "Мавқеи Тоҷикистон ё чаро Ҷумҳурии Тоҷикистон кишвари таҷовузгар нест?" , инчунин масъалаҳои таълиму тарбияи фарзанд, пешгирии падидаҳои номатлуб ва пешгирии гароиши ҷавонон ба ҳаргуна ҳизбу ҳаракатҳои иртиҷоӣ мавриди муҳокима қарор дода шуд.
Дар маҷлисгоҳи меҳмонхонаи “Суғдиён”-и шаҳри Хуҷанд бо иштироки кормандони ташкилотҳои давлатию ҷамъиятӣ, сохторҳои қудратӣ ва мудирони муассисаҳои таҳсилоти томактабии вилоят семинар – машварат бо ҳамкории ташкилоти ҷамъиятии “Иқтисод ва маориф” баргузор гардид, ки дар он сатҳи имрӯзаи низоми таҳсилоти томактабии вилояти Суғд мавриди баррасӣ қарор гирифт.
Дар асоси дастуру ҳидоятҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар самти дастгирии қишри ниёзманди ҷомеа рӯзҳои 28-30 декабр дар муассисаҳои иҷтимоии шаҳру ноҳияҳои вилояти Суғд чорабиниҳои солинавӣ гузаронида мешавад.
