Президенти Тоҷикистон Эмомалӣ Раҳмон дар шаҳри Панҷакент бинои таваллудхонаро ифтитоҳ карданд

14 апрел дар доираи сафари корӣ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар кӯчаи “50-солагии Тоҷикистон”-и шаҳри Панҷакент бинои Муассисаи давлатии “Таваллудхонаи шаҳр”-ро ифтитоҳ карданд.

Бинои таваллудхонаи шаҳрӣ барои 80 кат пешбинӣ гардида, шароити хизматрасонии тиббӣ ба модару кӯдак мутобиқ ба стандартҳои ҷаҳонӣ ба роҳ монда мешавад.

Ду толибилми Литсей барои хонандагони болаёқат дар шаҳри Хуҷанд соҳиби 300 ҳазор доллар гранти омӯзишӣ шуданд

Амирбек Зокиров  ва Самандар Самандаров-толибилмони Литсей барои хонандагони болаёқат дар шаҳри Хуҷанд дар озмунҳои навбатии донишгоҳҳои Амрико ва Швейтсария ғолиб шуда, соҳиби 300 ҳазор доллари амрикоӣ гранти омӯзишӣ гардиданд.

Бо дарёфти грантҳои омӯзишӣ ҳамакнун хонандагони болаёқат метавонанд дар Донишгоҳи Уолш (Walsh University)-и штати Огайои кишвари Амрико ва Донишгоҳи Франклини кишвари Швейтсария тариқи буҷавӣ таҳсил намоянд.

Дар шаҳру ноҳияҳои вилоят чор иншооти варзишӣ ба истифода дода шудааст

Дар  се моҳи соли 2022 дар шаҳру ноҳияҳои вилояти Суғд 4 иншооти варзишӣ мавриди истифода қарор гирифт.

Иншооти варзишӣ дар маҷмуъ бо маблағи 2 миллиону 800 ҳазор сомонӣ аз ҳисоби буҷети маҳаллӣ сохта шудааст.