Мақомоти иҷроияи ҳокимияти
давлатии вилояти Суғд
19-уми май бахшида ба Рӯзи ҷавонони Тоҷикистон дар Донишкадаи иқтисод ва савдои ДДТТ ҳамоиши ҷавонон таҳти унвони «Ҷавонон – пайравони Пешвои миллат» баргузор гардид.
Дар ҳамоиш сардори Раёсати кор бо ҷавонон ва варзиши вилояти Суғд Мирзоқосим Каримзода, роҳбарияти донишкада, шоираи ширинкалом Гулноз Тоҳирӣ иштирок ва суханронӣ намуданд.
Дар шаҳри Хуҷанд Рӯзи оммавии футболи Конфедератсияи футболи Осиё – AFC Grassroots Football Day-ро таҷлил карданд. Дар ин бора аз Федератсияи футболи вилояти Суғд хабар доданд.
Бахшида ба ин рӯз дар варзишгоҳи «20-солагии Истиқлолияти Тоҷикистон» фестивали футбол баргузор гардид, ки дар он беш аз 100 нафар тарбиятгирандагони мактаб-интернатҳои кӯдакони ятими Хуҷанд, Бӯстон, Бобоҷон Ғафуров, Спитамен ва Истаравшан иштирок намуданд.
Дар муассисаи таҳсилоти миёнаи умумии рақами 23-и шаҳри Хуҷанд маросими кушодашавии даври вилоятии озмуни ҷумҳуриявии "Нозирони навраси ҳаракат дар роҳ" доир гардид.
Тавре аз Раёсати маорифи вилояти Суғд хабар доданд, ба даври вилоятии озмун дастаҳои шаҳрҳои Хуҷанд, Истаравшан, Конибодом ва ноҳияи Ҷаббор Расулов роҳхат гирифта, бо ҳам рақобат менамоянд.
