Дастаи хорсароёни ноҳияи Ашт ғолиби озмуни вилоятии "Хорсароёни беҳтарин" гардид

Бо ташаббуси Раёсати маорифи вилояти Суғд дар Қасри фарҳанги ноҳияи Ҷаббор Расулов даври вилоятии озмуни "Хорсароёни беҳтарин" ташкил ва баргузор гардид.

Тибқи иттилои директори Маркази таҳсилоти иловагии вилояти Суғд Фирдавс Ашӯрматов  озмуни вилоятии "Хорсароёни беҳтарин" дар асоси фармоиши раёсати маорифи вилоят аз рӯи асари композитор Абдураҳмон Тошматов гузаронида шуд. Ҳадаф аз ташкили озмун дарёфти чеҳраҳои нави суханвару сухандон, тақвияти фаъолияти маҳфилҳои бадеӣ, рушди жанри хорсароӣ байни хонандагони муассисаҳои таълимӣ буда, озмун давоми моҳи март - апрел дар се давр - шаҳрӣ - ноҳиявӣ, минтақавӣ ва вилоятӣ ҷараён гирифта, ба озмуни мазкур беш аз ду ҳазор хонандагони муассисаҳои таълимӣ ҷалб карда шуданд.

Ҷаласаи ҷамъбастии Раёсати кор бо занон ва оилаи вилоят доир гардид

20-уми апрели соли 2022 таҳти роҳбарии муовини Раиси вилоят Зайнура Азимӣ дар толори Донишгоҳи давлатии Хуҷанд ба номи академик Бобоҷон Ғафуров ҷаласаи ҷамъбастии Раёсати кор бо занон ва оила дар се моҳи аввали соли 2022 ва вазифаҳо барои семоҳаи дуюми соли 2022 доир гардид.

Дар ҷаласа намояндагони сохторҳои вилоятӣ, раёсатҳои шуъбаи сабти асноди ҳолати шаҳрвандӣ дар вилоят, маориф, тандурустӣ, бахш оид ба ҳуқуқи кӯдак дар вилоят, шуъбаи кор бо занон ва оилаи Кумитаи иҷроияи Ҳизби Халқи Демократии Тоҷикистон дар вилоят, Маркази солимии репродуктивии вилоят, муовинони раис оид ба иҷтимоиёт ва мудирони шуъбаю бахшҳои кор бо занон ва оилаи шаҳру ноҳияҳо иштирок намуданд.

Баргузории ҷаласаи мушовараи Раёсати маорифи вилоят

Дар маҷлисгоҳи гимназияи рақами 1 –и шаҳри Хуҷанд бо иштироки муовини Раиси вилоят Зайнура Азимӣ, муовинони раисони шаҳру навоҳӣ, кормандон ва сарварони зерсохторҳои Раёсати маорифи вилоят, сардорони Раёсат ва мудирони шуъбаҳои маорифи шаҳру навоҳӣ ҷаласаи навбатии мушовараи Раёсати маорифи вилоят доир гардид.

Сардори Раёсати маорифи вилоят Мадина Набизода ҷаласаро  ифтитоҳ бахшида, доир ба натиҷаҳои фаъолият дар се моҳи соли 2022 ҳисобот дод. Дар баромад таъкид шуд, ки маорифчиёни вилояти Суғд дар партави дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки зимни ироаи Паёми навбатӣ ба Маҷлиси Олии мамлакат баён шуда буд, дар ҳама ҷабҳаҳои фаъолият саъйю талош варзида, дар давраи сипаришуда ба натиҷаҳои назаррас  соҳиб гардиданд. Дар ин пешравиҳо саҳми Вазорати маориф ва илми Ҷумҳурии Тоҷикистон  ва мақомоти иҷроияи ҳокимияти давлатии вилоят хеле калон аст.