Мақомоти иҷроияи ҳокимияти
давлатии вилояти Суғд
28 -уми майи соли ҷорӣ Олимпиадаи байналмилалии “IQ-FISO” тариқи фосилавӣ аз фанни «Мантиқ» баргузор гардида, аз ҷониби кумитаи тадорукоти озмун натиҷаи бадастовардаи хонанадагон расман эълон гардид.
Тавре аз Раёсати маорифи вилоят хабар доданд, дар натиҷаи ҷамъбасти даври ниҳоии озмун ба хонандагони мактабҳои вилоят муяссар гардид, ки 39 медали тилло, нуқра ва биринҷиро дар ин олимпиада ба даст оваранд.
8 июни соли 2022 дар ноҳияи Айнӣ ҳамоиши гирандагони стипендияи Президентӣ таҳти унвони “Ҷавонон пайрави Пешвои миллат” баргузор гардид.
Дар ҳамоиш раиси ноҳияи Айнӣ Муқим Муродзода, муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Чоршанбезода Сураҷ Сайнак ва гирандагони стипендияи Президентӣ аз шаҳру ноҳияҳои Панҷакент, Айнӣ ва Кӯҳистони Мастчоҳ ширкат варзиданд.
Ҷиҳати мусоидат ба огаҳӣ ва вобастагии мутақобилаи хатарҳои тағйирёбии иқлим, масъалаҳои иҷтимоӣ-иқтисодӣ ва рушд, масоили гендерӣ дар заминаи қабули қарорҳо оид ба ҳамгироии тадбирҳои мутобиқшавӣ дар толори конфронсии Маркази омӯзишии Бонки миллӣ, воқеъ дар шаҳри Гулистон вохӯрии иттилоотӣ баргузор гардид. Вохӯрӣ дар доираи лоиҳаи “Тағйири иқлим ва рушди устувор дар Осиёи Миёна” амалӣ гашта, дар кори он масъулини Мақомоти иҷроияи ҳокимияти давлатии вилоят, намояндагони Барномаи рушди Созмони Миллаи Мутаҳид (БРСММ), роҳбарону сардорони ташкилотҳои мухталиф ширкат варзиданд.
Намояндаи МИҲД-и вилоят Маҳмадҷобир Раҷабзода чорабиниро ифтитоҳ намуда, доир ба ҳадаф ва вазифаҳои он маълумот дод. Сипас намояндаи БРСММ Ҷамила Мирсаидова баромад намуда, Лоиҳаи “Тағйири иқлим ва рушди устувор дар Осиёи Миёна” – ро муаррифӣ намуд.
