Ҷаҳонгир Салимзода раиси Кумитаи иҷроияи ҲХДТ дар вилояти Суғд интихоб шуд

Азназаргузаронӣ: 81

15 январи соли 2025 маҷлиси Кумитаи иҷроияи ҲХДТ дар вилояти Суғд баргузор гардид. 

Дар ҷаласа муовини Раиси Ҳизби Халқии Демократии Тоҷикистон Мирзоқосим Каримзода, муовини Раиси вилояти Суғд Зуфар Исмоилзода, аъзои кумиҷроия, фаъолону собиқадорон ва аъзои ТҶҶ “Созандагони Ватан” иштирок намуданд. 

Дар баробари масъалаҳои муҳими корӣ номзадии Салимзода Ҷаҳонгир Салим ба вазифаи раиси Кумитаи иҷроияи ҲХДТ дар вилояти Суғд пешниҳод ва бо ҷонибдории аъзои кумиҷроия номбурда раиси Кумитаи иҷроияи ҲХДТ дар вилояти Суғд интихоб гардид.

Суғд. Ба маблағи 30,3 миллиард сомонӣ маҳсулоти саноатӣ истеҳсол шуд

Азназаргузаронӣ: 134

Соли 2024 ҳаҷми истеҳсоли маҳсулоти саноатӣ дар вилояти Суғд ба 30,3 миллиард сомонӣ расонида шуда афзоиш бо назардошти индекси нархҳо 120,1 фоиз таъмин гардид. 

Соли 2024 ба миқдори 424,5 ҳазор тонна орд, 5563,1 тонна равғани растанӣ, 7925,2 тонна маҳсулоти макаронӣ, 62,8 ҳазор тонна нон ва маҳсулоти нонӣ, 48,6 млн. қуттии шартии консерваҳои гуногун, 18,1 млн. декалитр нӯшокиҳои ғайриспиртӣ истеҳсол карда шудааст, ки нисбат ба соли қаблӣ афзоиши ҳаҷми истеҳсоли орд 142,4 фоиз, равғани растанӣ 101,3 фоиз, маҳсулоти макаронӣ 108,3 фоиз, нон ва маҳсулоти нонӣ 104,9 фоиз, консерваҳо 133,9 фоиз ва нӯшокиҳо 125,3 фоизро ташкил дод. Ҳамчунин 1,9 млн. тонна ангишт истеҳсол шуд, ки нисбат ба соли 2023 суръати афзоиш 127,6 фоиз таъмин гардид.  

Таъсиси Маркази омӯзиши тағйирёбии иқлим ва пиряхҳо

Азназаргузаронӣ: 591

Дар факултети геоэкология ва туризми Донишгоҳи давлатии Хуҷанд ба номи академик Бобоҷон Ғафуров Маркази омӯзиши тағйирёбии иқлим ва пиряхҳо таъсис ёфт. Ин иқдом дар доираи “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” ва “Соли 2025 – соли байналмилалии ҳифзи пиряхҳо” роҳандозӣ гардид. 

Дар маросими ифтитоҳи марказ намояндаи Мақомоти иҷроияи ҳокимияти давлатии вилояти Суғд Тоҷибой Султонӣ ва роҳбарияти донишгоҳ иштирок намуда, ифтитоҳи маркази мазкурро дар самти омӯзиши илмии пиряхҳо, таҳқиқоти тағйирёбии иқлим, баррасии таъсироти тағйирёбии иқлим ба муҳити зист, иқтисодиёт ва ҷомеа, омода намудани мутахассисони соҳа дар самти пиряхшиносӣ ва экологияи иқлим судманд унвон намуданд. 

Мақолаҳои боқимонда...

Категорияҳои дигари ин бахш

Категорияҳои дигари ин бахш