Боздиди Раиси вилоят аз рафти корҳои сохтмонӣ дар иншооти ҷашнии шаҳри Хуҷанд

Азназаргузаронӣ: 68

Дар доираи корҳои ободониву созандагӣ бахшида ба ҷашни 35-солагии Истиқлоли давлатии Ҷумҳурии Тоҷикистон дар шаҳри Хуҷанд бинои нави Кумиҷроияи Ҳизби Халқии Демократии Тоҷикистон дар вилоят ва шаҳри Хуҷанд бунёд гардида истодааст.

Зимни шиносоӣ бо раванди корҳо Раиси вилояти Суғд Раҷаббой Аҳмадзода масъулини соҳаҳои меъмориву шаҳрсозӣ ва пудратчии иншоотро вазифадор намуд, ки ба сифати корҳо таваҷҷуҳ намуда, сохтмончиён дар се баст ба кор ҷалб карда шаванд. 

Бинои нави Кумиҷроияи Ҳизби Халқии Демократии Тоҷикистон дар вилоят ва шаҳри Хуҷанд аз 7 ошёна иборат мебошад. Бо бунёди бинои нав барои кормандон шароити хуб фароҳам оварда мешавад.

Шиносоии Раиси вилоят бо бунёди мавзеъҳои истироҳатӣ дар соҳили Сирдарё

Азназаргузаронӣ: 66

2 декабр Раиси вилояти Суғд Раҷаббой Аҳмадзода бо рафти корҳои ободониву созандагӣ дар шаҳри Хуҷанд шинос гардид. 

Тавре қаблан хабар дода будем, тибқи дастуру ҳидоятҳои Пешвои миллат муҳтарам Эмомалӣ Раҳмон дар соҳили Сирдарё барои сокинону меҳмонон мавзеъҳои истироҳативу фароғатӣ бунёд гардида истодааст. 

То имрӯз аз пули асосӣ то пули "Ҷашнӣ" ба масофаи зиёда аз 2 километр роҳи пиёдагард бунёд гардида, барои сайру гашт дар соҳили дарё шароит фароҳам оварда шуд.

Бо дастгирии роҳбарияти вилоят ҳамакнун аз пули асосӣ то Боғи "Ғалаба" низ минтақаи истироҳатӣ бунёд хоҳад шуд. 

Паёми табрикии Раиси вилоят ба муносибати Рўзи Парчами давлатии Ҷумҳурии Тоҷикистон

Азназаргузаронӣ: 293

Мардуми шарафманди вилоятро бо фарорасии санаи фархундаи таърихи миллат - Рўзи Парчами давлатии Ҷумҳурии Тоҷикистон аз самими дил табрику таҳният гуфта, ба ҳамагон хотирҷамъию хонаободӣ ва ба Ватани азизамон рушду шукуфоии пайваста орзу менамоям. 

Сокинони вилоят чанд рӯз муқаддам бо як ҷаҳон ифтихору шукргузорӣ аз давлату давлатдории миллӣ чорабиниҳои Рўзи Президенти Ҷумҳурии Тоҷикистон ва солгарди Иҷлосияи шонздаҳуми Шӯрои Олии Ҷумҳурии Тоҷикистонро ботантана таҷлил намуда, ҳамчунин шоҳиди рўйдоди фараҳбахши ба вилоят ташриф овардани Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон гардиданд. Дар ҷараёни ин сафар якчанд иншооти муҳим мавриди баҳрабардорӣ қарор гирифтанд. Ба шарафи ин дастовардҳо ва сафари кории Пешвои муаззами миллат дар шаҳру ноҳияҳои вилоят Парчами давлатии Ҷумҳурии Тоҷикистон ҳамчун рамзи музаффарият ва муттаҳидию муваффақиятҳо парафшон гардид.

Президенти Ҷумҳурии Тоҷикистон Эмомалӣ Раҳмон дар Фестивали асал, картошка ва анор дар вилояти Суғд иштирок намуданд

Азназаргузаронӣ: 621

19 ноябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар Фестивали асал, картошка ва анор иштирок намуданд.

Меваҷот, сабзавот, ғалладонагӣ, биринҷ, хушкмева, асал ва дигар навъу намунаҳои маҳсулоти кишоварзиро заҳматкашони шаҳру ноҳияҳои вилояти Суғд ба таври пирамида ва тасвирҳои гуногун ба намоиш гузоштанд, ки собитгари фаровонии ҳосил дар соли 2024 мебошад.

Ба ҳолати якуми ноябри соли равон нисбат ба ҳамин давраи соли 2023 теъдоди оилаҳои зарбӯри асал дар вилояти Суғд 578 оила зиёд карда шуда, ба 80 525 оила расонида шудааст. Дар 10 моҳи соли равон дар вилояти Суғд 1559 тонна асал истеҳсол шудааст.

Роҳбари давлат таваҷҷуҳи масъулини дахлдори соҳа ва кишоварзонро ба истифодаи васеи имкониятҳои шаҳру ноҳияҳои кӯҳии вилоят барои истеҳсоли асал, баланд бардоштани маҳсулнокии занбӯр тавассути хушзоткунӣ, афзоиши истеҳсоли ин намуди маҳсулоти ғизоию табобатӣ ва муаррифии фазилатҳои асали Тоҷикистон дар сатҳи байналмилалӣ ҷалб карданд. Дар доираи “Барномаи маҷмуавии рушди бахшҳои чорводорӣ, парандапарварӣ, моҳирпарварӣ ва занбӯриасалпарварӣ барои солҳои 2023-2027” аз ҷониби Вазорати кишоварзии Ҷумҳурии Тоҷикистон ба занбӯриасалпарварони шаҳру ноҳияҳои вилоят 520 оилаи занбӯри асал ва 400 модарзанбӯри зотӣ барои баланд бардоштани маҳсулнокӣ ва беҳтар кардани зот дастрас карда шудааст.

Сарвари давлат Эмомалӣ Раҳмон дар шаҳри Хуҷанд корхонаи «Сайри Суғд»-ро ифтитоҳ намуданд

Азназаргузаронӣ: 684

Дар идомаи сафари корӣ ба вилояти Суғд, Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар Минтақаи озоди иқтисодии «Суғд» корхонаи «Сайри Суғд» -ро мавриди истифода қарор доданд.

Корхонаи «Сайри Суғд» дар партави сиёсати хирадмандонаву бунёдкоронаи Пешвои миллат аз ҷониби соҳибкори ватанӣ Мирзоҷон Умаров бо маблағи 23 миллион сомонӣ сохта шудааст.

Корҳои сохтмонии иншооти мазкур моҳи январи соли ҷорӣ оғоз ёфта, дар он 15 нафар бинокорони маҳаллӣ ҷалб шуда буданд.

Дар корхонаи «Сайри Суғд» бозичаҳои кӯдакона ва мотороллерҳои барқӣ истеҳсол карда мешаванд. Ҳаҷми истеҳсолот дар як моҳ 250 мотороллери барқӣ ва 20000 бозичаҳои кӯдаконаро ташкил медиҳад.

Мақолаҳои боқимонда...