Хабарҳо
Миёни минтақаҳои вилоятҳои Суғд ва Фарғона меморандуми ҳамкорӣ имзо шуд - 22.04.2021 19:05
Мулоқоти сеҷонибаи раисони вилоятҳои Суғд, Фарғона ва Ботканд - 22.04.2021 17:19
Раиси вилояти Суғд Раҷаббой Аҳмадзода ба шаҳри Фарғонаи Ҷумҳурии Ӯзбекистон ташриф овард - 22.04.2021 11:24
Ҷаласаи фаъолони вилоят оид ба ҷамъбасти натиҷаҳои рушди иҷтимоию иқтисодии вилояти Суғд дар семоҳаи аввали соли 2021 - 20.04.2021 18:12
Мулоқоти Раиси вилояти Суғд бо Сафири фавқуллода ва мухтори Ҷумҳурии Украина дар Тоҷикистон Василий Серватюк - 20.04.2021 14:09
Дар ноҳияи Бобоҷон Ғафуров 5 корхонаи нав бо 60 ҷойи корӣ ба фаъолият оғоз кард - 20.04.2021 14:06
Маъракаи ниҳолшинонӣ дар шоҳроҳи Душанбе - Чаноқ - 20.04.2021 14:03
“САД РАНГИ ЧАКАН”. Дар шаҳри Хуҷанд таҳти ин унвон даври шаҳрии Фестивал озмуни мазкур баргузор гардид - 20.04.2021 13:59
Шиносоии Раиси вилоят Раҷаббой Аҳмадзода бо сохтмони мактаби замонавии "Оксфорд" - 18.04.2021 15:15
Боздиди Раиси вилоят Раҷаббой Аҳмадзода аз бозори "Панҷшанбе" - 18.04.2021 15:07

Шиносоии Раиси вилоят бо ҷараёни бунёди иншооти ҷашнӣ дар ноҳияи Айнӣ

( 0 Овоз )

4 январ Раиси вилояти Суғд Раҷаббой Аҳмадзода ба ноҳияи Айнӣ сафар карда, бо рафти корҳои ободониву созандагӣ дар ноҳия шинос гардид.

Чуноне зимни сафар ба Раиси вилоят иттилоъ дода шуд, дар ноҳияи Айнӣ ба истиқболи ҷашни таърихии 30-солагии Истиқлолияти давлатии Ҷумҳурии Тоҷикистон бунёду ба истифодадиҳии 499 иншооти гуногун ба нақша гирифта шуда, то имрӯз 414 иншоот мавриди истифода қарор гирифтааст. Дар иншооти боқимонда корҳои сохтмонӣ идома дошта, то ҷашни Истиқлоли давлатӣ боз даҳҳо иншооти иҷтимоӣ ифтитоҳ хоҳад шуд.

Раиси вилоят аснои сафар рафти корҳои сохтмониро дар як қатор иншоот, аз ҷумла мактаб-интернати Ҷамоати деҳоти Анзоб мавриди таваҷҷуҳ қарор дод. Бинои мактаб-интернат аз се ошёна иборат буда, дар он барои таълиму тарбияи 220 нафар тарбиятгирандагон шароити мусоид фароҳам оварда мешавад. Дар баробари синфхонаҳои таълимӣ дар бинои нав ҳамзамон коргоҳҳои дӯзандагиву дуредгарӣ ва синфхонаи компютерӣ ташкил карда мешавад.

Дар Ҷамоати деҳоти Анзоб инчунин бинои муассисаи таҳсилоти миёнаи умумии рақами 22, ки ба таъмир ниёз дорад, азнавсозӣ гардида, барои хонандагон толори варзишӣ низ бунёд хоҳад шуд. Дар ин муссисаи таълимӣ айни замон 292 нафар ба таҳсил фаро гирифта шуда, 26 нафар омӯзгорон ба хонандагон дарс мегӯянд.

Раҷаббой Аҳмадзода бо ёдоварӣ аз таваҷҷуҳи хосаи роҳбарияти олии мамлакат ба соҳаи маориф ва тарбияи насли наврас ба роҳбарияти ноҳия ҷиҳати бо сифати баланд бунёд намудани иншооти ҷашнӣ супоришҳои мушаххас дод. Таъкид гардид, ки омӯзгорон бо истифода аз имкониятҳои мавҷуда бояд насли худогоҳу донишмандро тарбия намуда, ба ин васила саҳми худро дар пешрафти соҳаҳои хоҷагии халқ гузоранд.

Сипас, Раиси вилоят бо ҷараёни корҳои сохтмонӣ дар майдони Нишон ва Парчами давлатии Ҷумҳурии Тоҷикистон ошно шуд. Майдони Нишон ва Парчам дар маркази ноҳия бунёд гардида, гирду атрофи он бо тарҳи хоса ороиш ёфта, барои истироҳату фароғати сокинон шароити зарурӣ фароҳам оварда хоҳад шуд. Тибқи лоиҳа Нишони давлатӣ дар пояи баландиаш 22 метр гузошта шуда, сутунпояи Парчами давлатӣ 50 метр аст.

Раиси вилоят аснои шиносоӣ барои иҷрои босифати корҳо, гулзор намудани саҳну атрофи майдон ва тақвияти корҳои ободонӣ ба масъулин супоришҳо дод.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: БАХШҲО Навиди Раиси вилоят Шиносоии Раиси вилоят бо ҷараёни бунёди иншооти ҷашнӣ дар ноҳияи Айнӣ