Хабарҳо
Фестивали вилоятии заргарӣ таҳти унвони «Ҳунар омӯз...» доир мешавад - 27.01.2021 09:55
Ба таваҷҷуҳи ҳунармандон! Озмуни вилоятии «Ҳунарҳои ороишӣ аз санг» гузаронида мешавад - 27.01.2021 09:39
Ироаи Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон - 26.01.2021 13:05
Соли 2021 тамоми кишоварзони Тоҷикистон аз пардохти андози ягонаи замин озод гардиданд - 26.01.2021 15:04
Кормандони мақомоти иҷроияи ҳокимияти давлатии вилоят Паёми Президенти мамлакат муҳтарам Эмомалӣ Раҳмонро ба Маҷлиси Олӣ муташаккилона тамошо карданд - 26.01.2021 13:31
Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» - 26.01.2021 12:51
Ҷаласаи навбатии Шӯрои Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид - 25.01.2021 15:39
Ифтитоҳи бинои иловагии Коллеҷи тиббии шаҳри Истаравшан - 25.01.2021 15:37
Пирӯзии ду дастаи вилояти Суғд дар даври ҷумҳуриявии олимпиадаи байналмилалии робототехникӣ - 25.01.2021 15:34
Ба Шӯроб хати оби тозаи нӯшокӣ кашида шуд - 25.01.2021 09:22

Иштироки 5 ҳазор хонандагон дар 52 - умин олимпиадаи "Техникони наврас"

( 2 Овоз )

Дар доираи Ҳафтаи илм, технология, инноватсия ва ихтироъкории кӯдакон ва наврасон" дар ​ муассисаи таҳсилоти миёнаи умумии №12-и ноҳияи Спитамен бо ташаббуси Маркази таҳсилоти иловагии вилоят бо иштироки 300 нафар навоварон ва ихтироъкорони наврас аз 17 шаҳру ноҳияҳои вилоят 52 - умин олимпиадаи "Техникони наврас" ​ баргузор гардид.

Дар расми ифтитоҳи озмун Сардори Раёсати маорифи вилоят Осим ​ Каримзода суханронӣ намуда, иброз дошт, ки баргузории озмуни мазкур барои рушди қобилияти эҷодии кӯдакон ва наврасон муҳим буда, дар истеҳсолот татбиқ намудани ихтирооти кӯдакон аз ҳадафи олии ин иқдом ба шумор меравад. Олимпиада аз руи 10 бахш, аз ҷумла роботтехникӣ, авиамоделӣ, автомоделӣ, ихтироъкорӣ, киштии ояндаи коинот, судомоделӣ, барномасозӣ, аграрӣ, радиоконструкторӣ ва «Манзили истиқоматӣ аз нигоҳи ман» ҷараён гирифт.

Қисмати зиёди корҳои хонандагон фарогири роҳҳои мубориза бо бемории коронавируси “Covid-19” буд ва кӯдакон роҳҳои нави усули мубориза бо ин бемории ҳамагирро ҷустуҷӯ намуда, ихтирооти навро мавриди корбарӣ ва истифода қарор додаанд.​

Лоиҳа ва макетҳои беморхонаҳои инноватсионӣ баҳри пешгирии бемориҳои сироятӣ аз ҷониби хонандагони МТМУ №11, ноҳияи Ҷаббор Расулов миёни ҳакамони озмун гарму самимӣ пазируфта шуд. Инчунин, тайёраи бесарнишин барои пошидани маҳлулҳои безараргардонӣ, ки аз ҷониби хонандаи МТМУ №2 шаҳри Хуҷанд Ҷамшед Назаров ихтироъ шудааст, таваҷҷуҳи ҳамаи иштирокчиёнро ҷалб намуд.

Хонандагони навовари шаҳру навоҳии Конибодом, Исфара ​ ноҳияҳои Ашт, Спитамен ва Бобоҷон Ғафуров чанд ихтирооти нав, аз ҷумла дучархаи барқӣ, дучархаи инноватсионӣ барои маъюбон, мошинаи хизматрасонии кишоварзӣ, трактори инноватсионӣ, роботҳои ҳамакор, дастгоҳи худсохти инкубатсионӣ барои парвариши мурғ пешниҳоди ҳайати бонуфузи доварон аз донишгоҳҳои олии вилоят гардид.

Дар натиҷаи ҷамъбасти озмун шаҳри Панҷакент бо ишғоли 7 ҷойҳои ифтихорӣ (2 медали тилло, 2 медали нуқра ва 3 медали биринҷӣ) - мақоми аввал, дастаи ихтироъкорони ноҳияи Бобоҷон Ғафуров (2 медали тилло ва 3 биринҷӣ) ва шаҳри Хуҷанд ( 3 медали тилло, 2 медали нуқра) бо ишғоли 5 ҷойҳои ифтихорӣ - мақоми дуввум ва дастаи хонандагони навовари ноҳияи Ашт бо соҳибии 4 ҷойҳои ифтихорӣ (1 медали тилло, 2 медали нуқра, 1 медали биринҷӣ) мақоми сеюмро ба даст оварданд. Дар кори бахшҳои озмун хонандагон аз шаҳрҳои Исфара, Конибодом, Бӯстон, Истаравшан ва ноҳияҳои Ҷаббор Расулов, Спитамен, Деваштич фаъолона иштирок намуда, соҳиби диплом, медал, ҷоми олимпиада ва туҳфҳои хотиравӣ гардиданд.​

Лозим ба таъкид аст, ки дар даври мактабӣ, шаҳрӣ-ноҳиявӣ, минтақавӣ ва вилоятии озмун беш аз 5 ҳазор хонандагон ширкат варзиданд.

Маврид ба зикр аст, ки таваҷҷуҳи роҳбарияти мақомоти иҷроияи ҳокимияти давлатии вилояти Суғд солҳои охир ба рушди техника, ихтироъкорӣ ва навоварӣ байни кӯдакон ва наврасон афзудааст. Иштироки бевоситаи аъзоёни маҳфилҳои равияи техникии Маркази таҳсилоти иловагии вилояти Суғд дар озмунҳои ҷаҳонӣ дар шаҳри Бишкеки Ҷумҳурии Қирғизистон ва Дубайи Амороти Муттаҳидаи Араб ва ғолибияти онҳо дар соли 2019 дар ин олимпиадаҳои сатҳи ҷаҳонӣ самараи ин таваҷҷуҳ аст.

Моҳи феврали соли 2021 дар шаҳри Хюстони Штатҳои Муттаҳидаи Амрико баргузории олимпиадаи ҷаҳонии роботтехникӣ дар назар аст ва хонандагони болаёқати вилояти Суғд ва аъзоёни фаъоли маҳфили роботтехникии Маркази таҳсилоти иловагии вилоят ба озмуни мазкур даъват шуда, барои иштирок ҳамаҷониба омодагӣ мебинанд.

Хадамоти матбуоти

Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Иштироки 5 ҳазор хонандагон дар 52 - умин олимпиадаи "Техникони наврас"