Хабарҳо
Таҷлили Рӯзи варзишгарон дар вилояти Суғд - 11.08.2020 08:38
Баргузории ҷамъомади тантанавӣ бахшида ба Рӯзи варзишгарон дар Конибодом - 11.08.2020 08:53
Бо қарори КМИР 68 комиссияи ҳавзавии интихобот ташкил гардид - 10.08.2020 18:51
Ба ифтихори Рӯзи варзишгарон дар шаҳри Бӯстон ҷамъомади тантанавӣ доир гардид - 10.08.2020 17:11
Суханронии яке аз сагбачаҳои «Гуруҳи -24» нисбати хиёнаткорихои наҳзат ва кабирии палид - 10.08.2020 16:58
САНОАТИКУНОНӢ- ҲАДАФИ ЧОРУМИ СТРАТЕГӢ. ҶДММ «Меваи Канд» ба маблағи 795 ҳазору 617 сомонӣ маҳсулот содирот кард - 10.08.2020 17:01
Ҷаласаи ситоди ноҳиявӣ оид ба пурзӯр намудани чораҳои зиддиэпидемикӣ дар Ашт - 10.08.2020 16:53
Баргузории машварати августии омӯзгорон дар шаҳри Исфара - 10.08.2020 16:51
Деваштич. Ба муносибати Рӯзи варзишгарон чорабинии идона доир гардид - 10.08.2020 16:33
Табрикоти Раиси вилояти Суғд Раҷаббой Аҳмадзода ба муносибати Рӯзи варзишгарон - 10.08.2020 13:36

Навсозии боғи ба номи Камоли Хуҷандӣ идома дорад

( 0 Овоз )

Навсозии боғи ба номи Камоли Хуҷандӣ идома дорад

Видео : Навсозии боғи ба номи Камоли Хуҷандӣ идома дорад

Тӯли як моҳ аст, ки дар боғи фарҳангӣ - фароғатӣ ба номи Камоли  Хуҷандии маркази вилоят корҳои навсозӣ ҷараён дорад. Нимаи дуюми рӯзи чоршанбе, 28 май Раиси вилояти Суғд Абдураҳмон Қодирӣ бо мақсади ошноӣ пайдо намудан аз рафти корҳои навсозӣ дар ҳудуди боғ бо гурӯҳи корӣ машварат доир намуд.

Дар машварати корӣ нақшаи таҷдиди боғ мавриди баррасӣ қарор гирифт. Барои ҷаззоб ва ҷолибу тамошобоб намудани боғ, ки он чанд мавзеъҳои гуногунро фарогир хоҳад шуд, мутахассисону меъморон аз Ҷумҳурии Исломии Эрон даъват шудаанд.

Зимни машварат Раиси вилоят Абдураҳмон Қодирӣ  ба гурӯҳи корӣ супориш дод, ки суръати корҳо тезонида шавад. Ба масъулин дастур дода шуд, ки давоми се рӯз  атраксионҳоро ба дигар ҷо кӯчонида, мавзеи боғро аз дарахтони изофагӣ тоза намоянд.

Бояд гуфт, ки даромади боғ аз Регистони назди қалъаи Хуҷанд оғоз шуда, дар ҳудуди он мақбараи Камоли Хуҷандӣ ва дар паси мақбара Хонаи миллии асри 15 бо ороишот ва нақшу нигори миллӣ қомат хоҳад афрохт. Дар ин мавзеъ инчунин таъсиси растаҳои ҳунармандон ва бунёди Чорбоғ бо дарахтони зардолую ангур, анҷиру анор ва ғайраҳо дар назар аст. Алҳол дар ҳудуди боғ корҳои бартарафкунӣ ҷараён доранд.

Боиси зикр аст, ки таҷдиду навсозии боғ дар доираи омодагӣ ба таҷлили Наврӯзи ҷумҳуриявӣ, ки соли 2015 дар вилоят бо иштироки зиёди меҳмонони дохиливу хориҷӣ баргузор мегардад, ба нақша гирифта шудааст.

Баъди навсозӣ ва намуди дигар гирифтан боғи ба номи Камоли Хуҷандӣ чун боғи таърихӣ ва фарҳангиву фароғатӣ фаъолият намуда, ба ҷои тамошои сайёҳон мубаддал мегардад.

Хадамоти матбуоти
Раиси вилояти Суғд

Навсозии боғи ба номи Камоли Хуҷандӣ идома дорадНавсозии боғи ба номи Камоли Хуҷандӣ идома дорадНавсозии боғи ба номи Камоли Хуҷандӣ идома дорад

Шарҳ додан


Защитный код
Нав кардан

ШУМО ДАР: Навид Навсозии боғи ба номи Камоли Хуҷандӣ идома дорад