Хабарҳо
Президенти мамлакат Эмомалӣ Раҳмон бо истифодаи мақсадноки замини наздиҳавлигӣ дар деҳоти Деҳмойи ноҳияи Ҷаббор Расулов шинос шуданд - 02.07.2020 11:06
Суханронии Пешвои миллат Эмомалӣ Раҳмон дар мулоқот бо роҳбарон ва фаъолони вилояти Суғд - 03.07.2020 11:59
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд - 03.07.2020 13:05
Пешвои миллат Эмомалӣ Раҳмон дар шаҳри Истаравшан ду хати нави технологияи истеҳсолиро дар ҶСП «Оби Зулол» мавриди истифода қарор доданд - 01.07.2020 10:16
Сарвари давлат Эмомалӣ Раҳмон дар ноҳияи Деваштич Беморхонаи ноҳиявии №5-ро ифтитоҳ намуданд - 01.07.2020 10:19
Президенти мамлакат аз майдони парвариши картошка дар хоҷагии деҳқонии «Шердил»-и ноҳияи Деваштич дидан карданд - 01.07.2020 10:22
Пешвои миллат Эмомалӣ Раҳмон дар шаҳри Хуҷанд бо фаъолияти ҶДММ «Сирдарё» шинос шуданд - 02.07.2020 07:56
Сарвари давлат Эмомалӣ Раҳмон дар шаҳри Хуҷанд Маркази савдою хизматрасониро ифтитоҳ ва ба ятимон туҳфаҳо тақдим карданд - 02.07.2020 07:57
Президенти мамлакат Эмомалӣ Раҳмон марҳилаи аввали «Хати обрасонӣ аз чашмаи Деҳмойи ноҳияи Ҷаббор Расулов ба шаҳри Хуҷанд»-ро ба истифода доданд - 02.07.2020 07:58
Пешвои миллат Эмомалӣ Раҳмон дар шаҳри Хуҷанд корхонаи дӯзандагии ҶДММ «Суғдиён»-ро ифтитоҳ намуданд - 02.07.2020 08:52

Паёми табрикии Раиси вилоят ба муносибати фарорасии Иди саиди Қурбон

( 0 Овоз )

Ҳамдиёрони гиромиқадр!

Дар саросари Ҷумҳурии Тоҷикистони соҳибистиқлоли мо Иди Қурбон ҳамчун иди аҷдодӣ ва арҷгузорӣ ба арзишҳои инсондӯстонаи дини мубини Ислом таҷлил мегардад. Зеро ин иди меҳрубониву вафодорӣ, садоқат, покию равшанӣ, таомули қурбонӣ дар айёми ҳаҷҷи акбар ба шумор рафта, аз фарҳанги ғании исломӣ сарчашма мегирад ва муслиминро ба шинохти ҳуввият ва асолату покӣ ҳидоят менамояд.

Бо назардошти ин, ба ифтихори иди муборак ҳамаи шумо, мардуми сарбаланду меҳнатқарини вилоятро самимона табрику таҳният гуфта, саломатию умри бардавом, хонаи обод, дастархони пурфайзу бобаракат ва оромию осоиши рӯзгорро орзу менамоям.

Боиси хурсандист, ки имсол таҷлили иди суннатӣ дар арафаи таҷлили ҷашни 27-солагии Истиқлолияти давлатии Ҷумҳурии Тоҷикистон мувофиқ омада, бо сиёсати пешгирифтаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дар доираи эълон шудани 1300 рўзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон дар тамоми шаҳру ноҳияҳо корҳои созандагию ободонӣ бо маром идома доранд.

Ба шарофати сиёсати оқилонаи Президенти мамлакат имрўзҳо дари масҷидҳо барои намозгузорон боз мебошад. Бояд шукр гўем, ки мусалмонони диёрамон тамоми рукнҳои дини мубини Исломро озодона иҷро менамоянд. Аз ҷумла, имсол аз вилоятамон беш аз 1600 нафар ба зиёрати маконҳои муқаддас сафарбар шуда яке аз рукнҳои муҳими дини мубини ислом - маросими ҳаҷро ба ҷо оварда истодаанд. Умедворем, ки онҳо баъди адои маносики ҳаҷ бо дилу нияти пок ба Ватан баргашта, барои баланд бардоштани одобу ахлоқ ва рафтору гуфтори ҳамида, тарғибу ташвиқи корҳои созандагиву бунёдкорӣ нақши арзанда мегузоранд.

Бамаврид аст таъкид намоям, ки кормандони мақомоти давлатии маҳаллӣ, раисони ҷамоатҳо, кумитаи маҳаллаҳо, деҳаҳо, имом-хатибони масҷидҳо, соҳибкорон, аҳли ҷамоатчигӣ ва дигар шахсони хайрхоҳу соҳибимкон вазифадоранд, ки барои эҳтиёҷоти шахсони яккаву танҳо, маъюбон, ятимон, оилаҳои камбизоату барҷомонда, барқарорсозӣ ва бо асбобу анҷоми рўзгор таъмин кардани хонаҳои истиқоматии онҳо иқдоми хайрхоҳона намоянд.

Боиси ифтихор аст, ки торафт маърифати маънавию ахлоқии шаҳрвандон боло рафта, таваҷҷуҳи соҳибкорону ашхоси баландҳиммат нисбати дастгирии ятимону маъюбон ва ниёзмандон, инчунин таъмири муассисаҳои иҷтимоӣ, мактабу боғча, бунгоҳи тиббӣ, беморхона, китобхона, ҳаммом, бунёди роҳу кўчаҳои маҳаллаву деҳаҳо, гузаронидани қубурҳои обгузар, таъмиру тармими пулҳо ва дигар корҳои ободонӣ ба анъанаи нек табдил ёфта истодааст.

Бинобар ин, анҷом додани амалҳои неку савоб набояд танҳо дар доираи Иди Қурбон маҳдуд шавад, балки ҳамчун як рукни муҳим ва доимии фаъолияти созандагии мардуми бофарҳангу соҳибтамаддуни мо минбаъд низ идома ёбад.

Дар ин маврид Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барҳақ таъкид намудаанд:Яке аз ҳикматҳои муҳимтарини ин анъанаи неки динӣ иттиҳоду ҳамбастагии мусулмонон тавассути кӯмак ба ҳамдигар ва гирифтани дасти эҳтиёҷмандону ятимон ва барҷомондагон аст”.

Бо ҳамин орзуву ниятҳои нек бори дигар, Иди  саиди Қурбонро ба мардуми шариф табрику таҳният намуда, ба кулли сокинони вилоят хонаи обод, ризқи фаровон, тандурустӣ ва саодати рӯзгор таманно менамоям.

Иди Қурбон муборак, ҳамдиёрони азиз!

ШУМО ДАР: Паёму табрикот Паёми табрикии Раиси вилоят ба муносибати фарорасии Иди саиди Қурбон