Хабарҳо
информацию о командующем спецслужбой Ирана - 06.12.2019 20:53
Амрико мегӯяд, дар эътирозҳои Эрон шояд то 1000 тан ҷон бохтанд - 06.12.2019 20:00
Ҳифзи арзишҳои миллӣ ва дастовардҳои истиқлолият вазифаи ҳар шахси ватандӯст аст ​ - 06.12.2019 13:23
“Воҳиди таъиноти махсуси милитсия сипари ҷомеа аст” – бардошт аз ҷамъомади тантанавӣ бахшида ба рӯзи таъсисёбии воҳиди таъиноти махсус - 06.12.2019 09:51
Ҳуқуқу уҳдадориҳои интихобкунандагон - мавзӯи суҳбати аъзои Комиссияи марказии интихобот ва раъйпурсӣ дар ноҳияи Айнӣ - 06.12.2019 09:46
5500-солагии Саразми бостонӣ ба Феҳристи бузургдоштҳои ЮНЕСКО ворид гардид - 06.12.2019 09:43
Дар Суғд истеҳсоли телевизор ва яхдон ба роҳ монда мешавад ​ - 05.12.2019 16:01
Шиносоии Раиси вилоят бо ҷараёни истеҳсолот дар корхонаи коркарди сабзавот ва меваи “Хуҷандагро” - 05.12.2019 15:52
Дар маркази шаҳри Хуҷанд насби арчаи солинавӣ оғоз ёфт - 05.12.2019 14:03
Баргузории даври шаҳрии озмуни “Шириниҳои миллӣ ва муосир” дар Бӯстон - 05.12.2019 10:01

Табрики Раиси вилоят ба муносибати Рӯзи кормандони роҳи оҳан

( 0 Овоз )

Ҳамасола 17 август дар ҷумҳурӣ Рӯзи кормандони роҳи оҳан таҷлил мегардад ва ба ин муносибат кулли кормандони соҳаро табрику муборакбод менамоям.

Самараи талошҳои ҳамарӯзаи Пешвои миллат муҳтарам Эмомалӣ Раҳмон аст, ки имрӯзҳо дар кишвари маҳбубамон фазои сулҳу оромӣ танинандоз буда, мардуми кӯҳанбунёду тамаддунофарини тоҷик ба корҳои созандагию бунёдкорӣ ва ободонию кабудизоркунӣ камари ҳиммат бастаанд.

Ҳукумати Ҷумҳурии Тоҷикистон ба рушди соҳа таваҷҷӯҳи ҳамешагӣ зоҳир менамояд, зеро роҳи оҳан дар таҳкими рушди иқтисодию иҷтимоии кишвар ва равобити иқтисодию фарҳангӣ бо давлатҳои дуру наздик нақши калидиро мебозад.

Мавриди зикр аст, ки имрӯзҳо татбиқи лоиҳаи сохтмони хатти роҳи оҳани Туркманистон-Афғонистон-Тоҷикистон оғоз гардида, амалӣ гардидани он имконият фароҳами меорад, ки фазои сармоягузории кишвар беҳтар гардида, пайваст шудан ба шабакаҳои байналмилалии нақлиётӣ, инкишофи бозори дохилӣ ва ба афзоиши ҳаҷми хизматрасониҳои байналмилалӣ мусоидат хоҳад кард.

Боиси ифтихор аст, ки дар арафаи Наврӯзи имсола бо ташаббуси Пешвои миллат муҳтарам Эмомалӣ Раҳмон ва Президенти Ҷумҳурии ӯзбекистон муҳтарам Шавкат Мирзиёев гузаргоҳҳои байни ду кишвари ба ҳам дӯст, роҳи оҳани Хушодӣ – Амузанг кушода гардида, муносибатҳои дуҷониба аз нав барқарор гардид.

Итминони комил дорам, ки кормандони соҳа ҷавобан ба ин ғамхориҳои давлату Ҳукумат дар амалӣ намудани ҳадафҳои омодагии ҳамаҷониба ба ҷашни 30-солагии Истиқлолияти давлатии Ҷумҳурии Тоҷикистон аз ӯҳдаи иҷрои вазифаҳои дар наздашон гузошта сарбаландона баромада, минбаъд низ бо дарки баланди масъулиятшиносию худогоҳӣ, дар баланд бардоштани сатҳу сифати хизматрасонӣ аз имкониятҳои мавҷуда самаранок истифода мебаранд ва дар ободонию пешрафти кишвари азизамон ҳиссаи босазои худро мегузоранд.

Бо истифода аз фурсати муносиб ба кулли кормандони роҳи оҳан ва ҳамаи онҳое, ки пешрафти соҳаро таъмин менамоянд, саломатии бардавом, ободии рӯзгор ва барору комёбиҳои меҳнатӣ таманно менамоям.

Иди касбӣ муборак, дӯстони азиз!

ШУМО ДАР: Паёму табрикот Табрики Раиси вилоят ба муносибати Рӯзи кормандони роҳи оҳан