Хабарҳо
Пешвои миллат Эмомалӣ Раҳмон бо роҳбарону фаъолон ва сокинони ноҳияи Шаҳринав мулоқот намуданд - 30.09.2020 17:17
Пешвои миллат Эмомалӣ Раҳмон боғи фарҳангӣ-фароғатии шоҳ Исмоили Сомониро дар ноҳияи Шаҳринав ифтитоҳ намуданд - 30.09.2020 17:14
Президенти мамлакат Эмомалӣ Раҳмон бинои маъмурии Кумитаи иҷроияи Ҳизби Халқии Демократии Тоҷикистонро дар ноҳияи Шаҳринав мавриди истифода қарор доданд - 30.09.2020 17:12
Пешвои миллат Эмомалӣ Раҳмон Муассисаи таҳсилоти миёнаи умумии рақами 18-ро дар деҳаи Қаҳрамони деҳоти Сабои ноҳияи Шаҳринав мавриди истифода қарор доданд - 30.09.2020 17:10
Президенти мамлакат Эмомалӣ Раҳмон майдони Парчами давлатиро дар ноҳияи Шаҳринав ифтитоҳ намуданд - 30.09.2020 17:06
Онлайн-конференсия: «Аккредитатсияи байналмилалӣ – омили баланд бардоштани сифати таълим» - 30.09.2020 15:15
Паёми табрикии Раиси вилоят ба муносибати Рӯзи Мавлоно Ҷалолуддини Балхӣ - 29.09.2020 10:53
Шиносоии Раиси вилоят бо рафти ҷамъоварии пахта дар ноҳияи Ҷаббор Расулов - 29.09.2020 11:01
Боздиди кории Раиси вилоят Раҷаббой Аҳмадзода аз шаҳри Хуҷанд - 30.09.2020 13:35
Президенти Ҷумҳурии Тоҷикистон Эмомалӣ Раҳмон бо Сарвазири Ҷумҳурии Ӯзбекистон Абдулло Орипов мулоқот намуданд - 30.09.2020 08:12

Паёми табрикии Раиси вилоят ба муносибати Рўзи сохтмончиён

( 0 Овоз )

Имрўзҳо мардуми шарифи Тоҷикистон дар арафаи ҷашни Истиқлолияти давлатии Ҷумҳурии Тоҷикистонқарор доранд.

Ин санаи фархунда боиси ифтихори ҳар як шахси ватандўст ва худогоҳу хештаншинос буда, барои кулли кормандони соҳаи сохтмону меъморӣ мубораку фараҳбахш маҳсуб меёбад. Зеро, маҳз бо ташаббус ва дастгириҳои беназири Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вилоят иншооти бузург, аз ҷумла нақбҳои Истиқлолу Шаҳристон, роҳҳои мошингарди Душанбе – Хуҷанд – Бўстон – Чаноқ,  Айнӣ – Панҷакент, хатти интиқоли барқи баландшиддатиҶануб – Шимол ва Гулистон – Ашт, қитъаи роҳи Деҳмой – Исфара,  мактабу варзишгоҳҳо ва иншооти варзишӣ,қасрҳои мўҳташами фарҳанг ва боғҳои фарҳангию фароғатӣ, азхудкунии заминҳои нав, мумфаршкунии роҳҳои автомобилгард, бунёди иншоотҳои соҳаи маориф ва тандурустӣ  мавриди баҳрабардорӣ қарор гирифтанд.

Дар баробари ин аз ҷониби мақомоти иҷроияи ҳокимияти давлатии вилоят ва шаҳру ноҳияҳо Нақша – чорабиниҳо бахшида ба 30 – солагии Истиқлолияти давлатии Ҷумҳурии Тоҷикистон таҳия карда шудааст, ки мувофиқи он дар вилоят зиёда аз 3 000 иншоотҳои гуногун сохта ба истифода дода мешавад, ки барои баланд бардоштани сатҳи зиндагии мардум шароит фароҳам меоварад.

Пешвои миллат бо ишора ба хизматҳои сохтмончиён таъкид намудаанд, ки «Дар бунёду эъмори Истиқлолияти давлатӣ хиште ниҳодан шарафи бузург аст».

Татбиқи амалии ҳадафҳои созандагиву бунёдкоронаи имрўза ҳосили тадбиру талошҳои Пешвои миллат муҳтарам Эмомалӣ Раҳмон ва самараи Истиқлолияти давлатӣ мебошанд, ки Тоҷикистони соҳибистиқлол ба яке аз гўшаҳои зебоманзари олам мубаддал гардидааст.

Итминони комил дорам, ки сохтмончиёни вилоят аз ўҳдаи иҷрои дастуру супоришҳои Асосгузори сулҳуваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва давлату миллат бо сарбаландӣ баромада, ҷиҳати боз ҳам ободу зебо гаштани Ватани маҳбубамон саҳми муносиб мегузоранд.

Бо истифода аз фурсати муносиб кормандони соҳаи сохтмонро  ба муносибати иди касбиашон табрик намуда, барояшон тани сиҳат, ободии рўзгор ва дастоварду комёбиҳои беназир таманно дорам.

Иди касбӣ муборак!


ШУМО ДАР: Паёму табрикот Паёми табрикии Раиси вилоят ба муносибати Рўзи сохтмончиён