Хабарҳо
Ҷаласаи якҷояи мақомоти намояндагии вилоят ва шаҳру ноҳияҳои вилояти Суғд баргузор гардид - 27.03.2020 20:17
Иштироки Пешвои миллат Эмомалӣ Раҳмон дар фестивали «Атлас ва адраси тоҷик-2020» дар Қасри Арбоб - 26.03.2020 12:43
Пешвои миллат Эмомалӣ Раҳмон дар бунёди боғи суперинтенсивӣ дар ноҳияи Бобоҷон Ғафуров иштирок намуданд - 26.03.2020 10:33
Сарвари давлат Эмомалӣ Раҳмон ба фаъолияти гармхонаи замонавӣ дар ноҳияи Бобоҷон Ғафуров оғози расмӣ бахшиданд - 26.03.2020 10:32
Президенти мамлакат Эмомалӣ Раҳмон дар фестивали «Сайри гули лола» дар шаҳри Хуҷанд иштирок намуданд - 26.03.2020 10:30
Пешвои миллат Эмомалӣ Раҳмон Боғи Абӯмаҳмуди Хуҷандиро дар шаҳри Хуҷанд мавриди баҳрабардорӣ қарор доданд - 26.03.2020 10:24
Президенти мамлакат Эмомалӣ Раҳмон бо роҳбарону фаъолони вилояти Суғд машварати корӣ доир намуданд - 25.03.2020 20:19
Иштироки Сарвари давлат Эмомалӣ Раҳмон дар бунёди боғи интенсивии кооперативи истеҳсолии “Самир-Суғд” дар ноҳияи Бобоҷон Ғафуров - 25.03.2020 12:47
Президенти мамлакат Эмомалӣ Раҳмон аз намоишгоҳи кишоварзӣ ва гармхонаи замонавӣ дар хоҷагии деҳқонии «Дӯстобод-2»-и ноҳияи Спитамен боздид ба амал оварданд - 25.03.2020 12:43
Пешвои миллат Эмомалӣ Раҳмон дар кишти пунбадона дар хоҷагии деҳқонии «Суғдиёна»-и ноҳияи Спитамен иштирок намуданд - 25.03.2020 12:41

Паёми табрикии Раиси вилоят Раҷаббой Аҳмадзода бахшида ба Рӯзи Ваҳдати миллӣ

( 0 Овоз )

Ҳамдиёрони азиз!

Бо шукргузорӣ аз Ватани обод ва сарзамини орому осоишта фарорасии ҷашни фархундаи миллат – Рӯзи Ваҳдати миллиро ба ҳамаи ҳамватанон самимона таҳният гуфта, саодати рӯзгор, сарбаландӣ, комгориву тавфиқ ва хушиҳои зиндагиро таманно мекунам.

Имзои Созишномаи умумии истиқрори сулҳ ва ризоияти миллӣ дар Тоҷикистон, ки бо талошу заҳматҳои пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон муяссар гардид, саҳифаи наверо дар китоби сарнавишти миллати куҳанбунёди тоҷик боз намуд.

Мардуми шарифу сарбаланди кишвар тавонистанд дар атрофи ғояҳои сулҳовари Сарвари давлат муттаҳид шуда, соҳиби Ватани ободу озод гарданд. Маҳз, майлу иродаи қавӣ, ҷидду ҷаҳд ва ваҳдати мардуми бонангу номуси Тоҷикистон таҳти роҳбарии Президенти Ҷумҳурии Тоҷикистон муҳтарам Эмомалӣ Раҳмон буд, ки сулҳу оромӣ дар кишвар барқарор гардид.

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар робита ба роҳи душвори расидан ба Ваҳдати миллӣ таъкид намудаанд: «Сулҳу субот ва ризоияти миллӣ ба халқи тоҷик ба осонӣ муяссар нашудааст. Барои расидан ба ин рӯзи фирӯз моро лозим омад, ки роҳи тӯлонии ноҳамворро тай намоем, мамониатҳои сангинро аз миён бардорем ва мушкилоти гаронро паси сар кунем».

Имрӯз рушди босуботи иқтисоди миллӣ имконият фароҳам оварда истодааст, ки барои мардум шароити зиндагии шоиста муҳайё гардад. Ҷиҳати дар амал татбиқ намудани Фармони Президенти Ҷумҳурии Тоҷикистон муҳтарам Эмомалӣ Раҳмон вобаста ба сазовор истиқбол намудани 30-солагии Истиқлолияти давлатии Ҷумҳурии Тоҷикистон ва қарори Раиси вилоят «Дар бораи эълон намудани «1300 рӯзи меҳнати зарбдор» ба истиқболи 30-солагии Истиқлолияти давлатии Ҷумҳурии Тоҷикистон дар тамоми шаҳру ноҳияҳои вилоят корҳои созандагию ободонӣ идома дошта, мардуми вилоят барои дар сатҳи баланд истиқбол намудани ин санаи фархунда софдилона меҳнат намуда истодаанд. Мақомоти иҷроияи ҳокимияти давлатии вилоят тасмим гирифтааст, ки дар ҳамаи ҷамоат, шаҳраку деҳоти шаҳру ноҳияҳои вилоят коргоҳҳои дӯзандагӣ, майдончаҳои варзишӣ, қасрҳои фарҳанг, бунгоҳҳои тиббӣ, кошонаи ҳусн, китобхона, роҳу кӯчаҳо, боғҳои фарҳангию фароғатиро бо тарзу намудҳои замонавӣ бунёд карда, мактабу кӯдакистонҳои садамавиро бартараф ва навсозӣ намояд.

Итминони комил дорам, ки мардуми вилоят бо шукргузорӣ аз сулҳу субот, Ваҳдати миллӣ ва сиёсати оқилонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон минбаъд низ баҳри амалӣ гардидани аҳдофи созандаи давлат ва Ҳукумати Тоҷикистон ба хотири шукуфоии Ватани азизамон саъйу талош меварзанд.

Бо ҳамин таманниёти нек, бори дигар кулли сокинони вилоятро бо Рӯзи Ваҳдати миллӣ табрику таҳният гуфта, таманно мекунам, ки дар кишвари биҳиштосоямон ливои сулҳу ваҳдат, якдиливу якпорчагӣ доимо парафшон, сулҳу оромӣ ва тинҷию осудагӣ дар хонадони ҳар як сокини кишвар ҷовидон бошад.

Рӯзи Ваҳдати миллӣ муборак!

ШУМО ДАР: Паёму табрикот Паёми табрикии Раиси вилоят Раҷаббой Аҳмадзода бахшида ба Рӯзи Ваҳдати миллӣ