Хабарҳо
Президенти мамлакат Эмомалӣ Раҳмон бо истифодаи мақсадноки замини наздиҳавлигӣ дар деҳоти Деҳмойи ноҳияи Ҷаббор Расулов шинос шуданд - 02.07.2020 11:06
Суханронии Пешвои миллат Эмомалӣ Раҳмон дар мулоқот бо роҳбарон ва фаъолони вилояти Суғд - 03.07.2020 11:59
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд - 03.07.2020 13:05
Пешвои миллат Эмомалӣ Раҳмон дар шаҳри Истаравшан ду хати нави технологияи истеҳсолиро дар ҶСП «Оби Зулол» мавриди истифода қарор доданд - 01.07.2020 10:16
Сарвари давлат Эмомалӣ Раҳмон дар ноҳияи Деваштич Беморхонаи ноҳиявии №5-ро ифтитоҳ намуданд - 01.07.2020 10:19
Президенти мамлакат аз майдони парвариши картошка дар хоҷагии деҳқонии «Шердил»-и ноҳияи Деваштич дидан карданд - 01.07.2020 10:22
Пешвои миллат Эмомалӣ Раҳмон дар шаҳри Хуҷанд бо фаъолияти ҶДММ «Сирдарё» шинос шуданд - 02.07.2020 07:56
Сарвари давлат Эмомалӣ Раҳмон дар шаҳри Хуҷанд Маркази савдою хизматрасониро ифтитоҳ ва ба ятимон туҳфаҳо тақдим карданд - 02.07.2020 07:57
Президенти мамлакат Эмомалӣ Раҳмон марҳилаи аввали «Хати обрасонӣ аз чашмаи Деҳмойи ноҳияи Ҷаббор Расулов ба шаҳри Хуҷанд»-ро ба истифода доданд - 02.07.2020 07:58
Пешвои миллат Эмомалӣ Раҳмон дар шаҳри Хуҷанд корхонаи дӯзандагии ҶДММ «Суғдиён»-ро ифтитоҳ намуданд - 02.07.2020 08:52

Паёми табрикии Раиси вилоят Раҷаббой Аҳмадзода ба муносибати Рӯзи кормандони соҳаи хоҷагии манзилию коммуналӣ

( 0 Овоз )

Ҳамасола дар асоси Қонуни Ҷумҳурии Тоҷикистон «Дар бораи рӯзҳои ид» якшанбеи моҳи аввали моҳи июн дар кишвари соҳибистиқлоли мо Иди касбии кормандони соҳаи хоҷагии манзилию коммуналӣ таҷлил карда мешавад.

Шоистаи қайд аст, ки имрӯзҳо кормандони соҳаи хоҷагии манзилию коммуналӣ дар доираи қарори Раиси вилоят оид ба эълон гардидани «1300 рӯзи меҳнати зарбдор» ба муносибати 30 – солагии Истиқлолияти давлатии Ҷумҳурии Тоҷикистон баҳри муташаккилона гузаронидани маъракаи кабудизоркунӣ, гулзоркунӣ, ободонӣ, дарахтшинонӣ, тозаю озода нигоҳ доштани маҳалли зист ва таъмин намудани аҳолӣ бо оби тозаи хушсифат фаъолияти назаррас доранд.

Шаҳрвандони соҳибмаърифату меҳнатқарини вилоят низ ҷиҳати пойдориву суботи Истиқлолияти давлатии Ҷумҳурии Тоҷикистон, вусъат бахшидани корҳои ободониву кабудизоркунӣ ва гулзоркунӣ ҷидду ҷаҳд менамоянд, зеро зебоӣ, тозагӣ ва ободонии ҳар як шаҳру деҳот ба рушду нумӯи Ватани азизамон мусоидат мекунад.

Боиси ифтихор аст, ки аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба масъалаҳои ободонию кабудизоркунӣ ва таъминоти аҳолӣ бо оби тозаи нӯшокӣ диққати махсус дода мешавад. Дар ин замина Ҷумҳурии Тоҷикистон дар арсаи байналмилалӣ ба сифати ташаббускор ва пешсафи фаъоли ҳалли масоили глобалии экологӣ вобаста ба истифодаи босамари захираҳои об эътироф гардида, расман оғоз гардидани Даҳсолаи байналмилалии амал «Об барои рушди устувор, солҳои 2018-2028» дар доираи чорабиниҳои сатҳи баланди Созмони Милали Муттаҳид далели иддаост.

Боварии комил дорам, ки кормандони соҳаи хоҷагии манзилию коммуналӣ бо истифода аз имконияту захираҳо минбаъд низ сатҳу сифати хизматрасониро баланд мебардоранд, баҳри ободонии манзили зист ва қонеъгардонии эҳтиёҷоти халқ меҳнати фидокоронаи худро дареғ намедоранд.

Аз номи Мақомоти иҷроияи ҳокимияти давлатии вилояти Суғд кормандони соҳаи хоҷагии манзилию коммуналиро бо иди касбиашон табрику таҳният гуфта, дар идомаи фаъолияташон барори кор, тансиҳатӣ ва дастоварду муваффақиятҳо таманно менамоям.

Иди касбӣ муборак!

ШУМО ДАР: Паёму табрикот Паёми табрикии Раиси вилоят Раҷаббой Аҳмадзода ба муносибати Рӯзи кормандони соҳаи хоҷагии манзилию коммуналӣ