Хабарҳо
Муроҷиатнома ба Кабирӣ - Кобра, Муҳаммадиқбол- Муҳаммади беиқбол, Мирзои Салимпур – ноздонаи ҷонона (вокуниш ба Нидои миллат – филми мустанади “Хиёнат”) - 10.07.2020 17:40
Нақшаи нишастҳои матбуотӣ барои кормандони воситаҳои ахбори омма - 10.07.2020 16:36
Ҷаласаи ҷамъбасти натиҷаҳои рушди иҷтимоию иқтисодии вилояти Суғд дар нимсолаи якуми соли 2020 - 10.07.2020 16:23
Тақдими медалҳои ҷашнӣ ба собиқадорони ҷангу меҳнат - 06.07.2020 21:30
Мулоқоти Раиси вилоят бо фаъолони ноҳияи Деваштич - 08.07.2020 16:43
Шиносоии Раиси вилоят бо фаъолияти занбӯрпарварони ноҳияи Деваштич - 08.07.2020 16:46
Дар ноҳияи Деваштич 5400 гектар картошка кишт карда шудааст - 08.07.2020 16:48
Пешвои миллат Эмомалӣ Раҳмон дар шаҳри Душанбе ба корҳои сохтмонӣ дар Майдони «Истиқлол» оғоз бахшиданд - 10.07.2020 13:43
Президенти мамлакат Эмомалӣ Раҳмон бинои Хадамоти давлатии «Муҳофиза»-и Вазорати корҳои дохилии Ҷумҳурии Тоҷикистонро ба истифода доданд - 10.07.2020 13:42
Сарвари давлат Эмомалӣ Раҳмон дар шаҳри Душанбе корхонаи дӯзандагиро бо 350 ҷойи корӣ ифтитоҳ намуданд - 10.07.2020 13:39

Табрики Раиси вилояти Суғд Раҷаббой Аҳмадзода ба муносибати Рӯзи кормандони мақомоти молия

( 0 Овоз )

Дар Ҷумҳурии Тоҷикистон ҳамасола санаи 7-уми декабр Рӯзи кормандони мақомоти молия таҷлил мегардад.

Иди касбиро ба кулли кормандон ва собиқадорони соҳа шодбош гуфта, ба ҳамагон саломатии бардавом, хотирҷамъӣ, саодати рӯзгору бахти сафед таманно мекунам.

Имсол рӯзи кормандони молия дар айёме таҷлил мегардад, ки дар кишвар ба ҷашни бузурги миллат – 30-солагии Истиқлолияти давлатии Ҷумҳурии Тоҷикистон омодагӣ вусъати тоза гирифтааст.

Пайваста қабул шудани санадҳои нави меъёрии ҳуқуқӣ вобаста ба молиядорӣ аз таваҷҷуҳи ҳамарӯзаи Ҳукумати Ҷумҳурии Тоҷикистон, бахусус Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбат ба кормандони соҳаҳое, ки аз буҷети давлатӣ маблағгузорӣ мешаванд, шаҳодат медиҳанд, ки давлату ҳукумат дар ҳаққи мардуми кишвар муттасил ғамхорӣ мекунанд ва барои баланд бардоштани сатҳу сифати зиндагии сокинони кишвар чораҳои мушаххас андешида мешаванд.

Пешвои миллат дар суханрониашон таъкид кардаанд, ки «Пешбурди оқилонаи сиёсати молиявӣ ва мӯътадилии он дар ҳама давру замонҳо омили асосии устувории давлат мебошад». Аз ин рӯ, Мақомоти иҷроияи ҳокимияти давлатии вилоят тибқи дастуру ҳидоятҳои Сарвари давлат доимо кӯшиш ба харҷ медиҳад, ки мавқеи мақомоти молия ҳамчун яке аз сохторҳои муҳимтарини иқтисодиёти мамлакат рушд ёбад, низоми молиявӣ ривоҷу равнақ дода шавад.

Вазифаи асосии кормандони мақомоти молия иборат аз он аст, ки ба ҷараёни татбиқи сиёсати андоз таҳким бахшида, буҷети давлатиро мунтазам ва сари вақт таҳия намуда, истифодаи босарфа ва мақсадноки маблағҳои буҷетиро ба роҳ монда, чорабиниҳоеро, ки аз хазинаи давлат маблағгузорӣ мешаванд, бо маблағ таъмин намоянд. Боиси тазаккур аст, ки кормандони мақомоти молия дар вилоят вазифаи хизматӣ ва уҳдадории мансабиашонро муваффақона иҷро мекунанд ва дар пешбурди соҳаҳои мухталифи хоҷагии халқ, баланд бардоштани сатҳи ҳаёти бошандагони вилоят ҷидду ҷаҳд менамоянд.

Боварии комил дорам, кормандони Сарраёсати молия дар вилоят ва сохторҳои маҳаллии он дастовардҳои хешро торафт афзун намуда, баҳри беҳдошти зиндагии ҳар сокини диёр хизмати шоиста мекунанд.

Ба кормандони мақомоти молия ба муносибати иди касбиашон тансиҳативу саодатмандӣ, комёбиҳои беназир, дар ҳаёти шахсиашон бахту саодат ва файзи рӯзгор таманно дорам.

ШУМО ДАР: Паёму табрикот Табрики Раиси вилояти Суғд Раҷаббой Аҳмадзода ба муносибати Рӯзи кормандони мақомоти молия