Хабарҳо
ВАРШАВА. ОБСЕ. 19.09.2019 - Выступление представителя ОО Садокат Самиева Камолджона - 19.09.2019 22:06
ВАРАШВА. ОБСЕ. 19.09.2019 - Выступление Дилорома Махкамовой на конференции ОБСЕ в Варшаве - 19.09.2019 22:01
ВАРАШВА. ОБСЕ. 19.09.2019 - Выступление представителя Таджикистана Абдулло Рахнамо - 19.09.2019 21:55
ВАРШАВА. ОБСЕ. 19.09.2019 - А.Абдурахимов, "Молодежного общества студентов Таджикистан" - 19.09.2019 21:49
ВАРАШАВА. ОБСЕ. 19.09.2019 - Выступление представителя НПО Садокат Рустама Хайдарова - 19.09.2019 21:40
ВАРШАВА. ОБСЕ. 19.09.2019 - Ответ представителя Таджикистана Зарифа Ализода - 19.09.2019 21:33
Зариф Ализода: «Қурбониёни воқеӣ даҳҳо рӯзноманигори шинохтаанд, ки маҳз аз дасти наҳзатиён кушта шуданд» - 19.09.2019 19:06
ВАРШАВА. ОБСЕ. 19.09.2019 - Выступление представителя Таджикистана Музаффара Ашуриёна - 19.09.2019 18:57
Иван (Иззат) Амон ҳизб месозад? - 19.09.2019 16:09
Выступление Хикматулло Холиков – член Ассоциации таджиков в Казахстане - 19.09.2019 16:00

Навиди Суғд

Даъвати шаҳрвандони солҳои таваллудашон 1985-1994 ба хизмати ҳарбӣ

( 0 Овоз )

Бо мақсади беҳтар намудани чорабиниҳои ҳарбӣ-ватандӯстии ҷавонони синни тодаъватӣ дар вилоят қарори Раиси вилоят аз 20 сентябри соли равон №247 «Дар бораи натиҷаҳои тарбияи ҳарбӣ-ватандӯстӣ ва тайёрии тодаъватии ҷавонон ба хизмати ҳарбӣ дар соли таҳсили 2011-2012 ва вазифаҳои минбаъда барои соли таҳсили 2012-2013» ба имзо расид.

Дар ин замина Раёсати маорифи вилоят дар ҳамкорӣ бо мақомоти иҷроияи ҳокимияти давлатии шаҳру ноҳияҳои вилоят, комиссариати ҳарбии вилоят, Кумитаи вилоятии Ташкилоти ҷамъиятии ҷавонон, варзиш ва сайёҳии вилоят доир ба беҳтар намудани тарбияи ҳарбӣ-ватандӯстии ҷавонон тадбирҳои мушаххас андешанд.
Ҳамчунин моҳе як маротиба бо иштироки роҳбарони омодагии дифои ҳарбӣ ва тиббӣ-санитарии муассисаҳои таҳсилоти умумӣ, омӯзишгоҳҳои касбӣ-техникӣ машғулиятҳои дастурӣ-методии якрӯза гузаронанд.

Бояд қайд намуд, ки қарори Раиси вилоят аз 25 августи соли 2011, №280 «Дар бораи натиҷаҳои тарбияи ҳарбӣ-ватандӯстӣ ва тайёрии тодаъватии ҷавонон ба хизмати ҳарбӣ дар соли таҳсили 2010-2011 ва вазифаҳои минбаъда барои соли таҳсили 2011-2012» аз эътибор соқит дониста шуд.

Ҳамчунин қарори Раиси вилоят аз 20 сентябри соли 2012, №248 «Дар бораи даъвати шаҳрвандони солҳои тавллудашон 1985-1994 ба хизмати ҳарбӣ дар моҳҳои октябр-ноябри соли 2012» ба тасвиб расид.

Тибқи қарори мазкур моҳҳои октябр ва ноябри соли ҷорӣ дар ҳудуди вилоят даъвати шаҳрвандони ҷинси мард, ки то рӯзи даъват ба синни 18 мерасанд, инчунин шаҳрвандони синну солашон калон, ки ҳуқуқи ба таъхир андохтани мӯҳлати даъват ё озод будан аз даъват ба хизмати ҳарбиро надоранд, барои хизмат ба сафҳои Қувваҳои Мусаллаҳи Ҷумҳурии Тоҷикистон даъват карда мешаванд.

Хадамоти матбуоти
Раиси вилояти Суғд

 

Раиси вилояти Суғд Қоҳир Расулзода дар тақсим кардани замини наздиҳавлигӣ иштирок кард

( 0 Овоз )

Майдони умумии замин 8 гектарро ташкил дода, барои ҳар як оила 6  сотихӣ мебошад. Ҳамчунин Раиси вилоят дар ин маҳалла бунёди бунгоҳи тиббӣ, мактаб, варзишгоҳ, кӯдакистон ва дигар иншоотҳои заруриро тавсия дод.

Раиси вилоят бо лоиҳаи тақсимоти замини наздиҳавлигӣ дар маҳаллаҳои номбурда шинос шуда, ба раиси шаҳри Хуҷанд Раҷаббой Каримов  дар бораи сари вақт ҳал кардани муаммои барқу об ва қубурҳои ташноб супориш дод.

Ҳамчунин ӯ зикр кард, ки шаҳрвандон бояд ҳар як ваҷаб заминро самаранок истифода баранд.

Хадамоти матбуотии
Раиси вилояти Суғд

 

Қарорҳои Раиси вилоят ба имзо раcид

( 0 Овоз )

Бо мақсади тарғиби дастовардҳои замони Истиқлолият, ташаккули ҳисси ватандорӣ, таъминӣ якпорчагиву ягонагии Тоҷикистони соҳибистиқлол, таҳкими ташаккули давлатдории демократӣ, ҳуқуқбунёд, дунявӣ ва ваҳдати халқҳои маскуни кишвар қарори Раиси вилоят «Дар бораи таҷлили Рӯзи Конститутсияи (Сарқонуни) Ҷумҳурии Тоҷикистон» аз 24 августи соли равон, №210 ба имзо расид.

Тибқи қарори мазкур санаи 6 ноябри соли ҷорӣ дар қаламрави вилоят Рӯзи Конститутсияи (Сарқонуни) Ҷумҳурии Тоҷикистон ботантана таҷлил карда мешавад.
Ҳамчунин қарори Раиси вилоят «Дар бораи таҷлили Рӯзи Парчами давлатии Ҷумҳурии Тоҷикистон» аз 27 августи соли ҷорӣ №214 ба тасвиб расид, ки мутобиқ ба он рӯзи 24 ноябри соли 2012 дар ҳудуди вилоят Рӯзи Парчами давлатии Ҷумҳурии Тоҷикистон бошукӯҳ таҷлил мегардад.

Дар ин замина шӯъбаҳои рушди иҷтимоӣ ва робита бо ҷомеаи дастгоҳи Раиси вилоят, кор бо занон ва оила, Раёсатҳои маориф, фарҳанг, ҷавонон варзиш ва сайёҳии вилоят вазифадор гардидаанд, ки ҷиҳати тарғиби дастовардҳои истиқлолият, нақши Сарқонуни Ҷумҳурии Тоҷикистон дар ташаккули давлати соҳибихтиёр, демократӣ ҳуқуқбунёд, дунявӣ ва ягона, ҳидоят ба ваҳдат, сулҳу ризоияти миллӣ, эҳтиром ва таъмини волоияти қонун байни  мардум ва инчунин барои дар сатҳи баланд таҷлил намудани Рӯзи Парчами давлатӣ дар маркази вилоят ва шаҳру ноҳияҳо тадбирҳо андешанд.

Бояд гуфт, ки тибқи нақшаи чорабиниҳо бахшида ба таҷлили Рӯзи Конститутсия ва Рӯзи Парчами давлатии Ҷумҳури Тоҷикистон то рӯзи ҷашн дар шаҳру навоҳии вилоят сӯҳбату мулоқотҳо, гузаронидани конференсия, семинарҳо доир ба нақш ва мақоми Конститутсия дар мактабҳои миёна, олӣ ва миёнаи махсус, таҳия ва пахши барномаҳо дар телевизион ва радио, чопи маводҳо дар матбуот доир ба Парчами давлатӣ ва нақшу мақоми он дар ҷомеа ва дигар чорабиниҳо дар назар аст.

Хадамоти матбуотии
Раиси вилояти Суғд

 

Муждаи зафар аз Конибодом

( 0 Овоз )

Ба унвони Раиси вилояти Суғд, муовини аввали Раиси Маҷлиси миллии Маҷлиси Олии Ҷумҳурии Тоҷикистон мӯҳтарам Қоҳир Расулзода аз номи раиси шаҳри Конибодом  Н.Обидов муждаи меҳнатӣ расид, ки дар он омадааст:

«Раиси мӯҳтарам!

Ба маълумоти Шумо эҳтиромона  мерасонем, ки заркорони бригадаи  №2 – ҷамъияти саҳҳомии ба номи Энаҷон Бойматова санаи 12- сентябри соли равон  аввалин шуда, нақшаи истеҳсоли пахтаро барзиёд иҷро намуданд.

Онҳо ба майдони 75 гектар пунбадона кишт намуда, мувофиқи нақша бештар  аз 191 тонна тиллои сафед  ҷамъ оварданд, ки  ҳосилнокии он 25,5 сентнериро ташкил дод. 
Дар ин соли таърихӣ – 20-солагии Иҷлосияи  тақдирсози шонздаҳумини Шӯрои Олии  Ҷумҳурии Тоҷикистон меҳнатдӯстони бригада   ӯҳдадор гардиданд, ки  илова бар нақша боз 35 тонна  дури гаронбаҳо ҷамъоварӣ намуда, ҳосилнокиро ба 30 сентнерӣ расонанд».

Хадамоти матбуотии 
Раиси вилояти Суғд

 

Қабули навбатии Қоҳир Расулзода дар ноҳияи Ашт

( 0 Овоз )

Рӯзи қабули шаҳрвандон аз ҷониби Раиси вилояти Суғд, муовини аввали Раиси Маҷлиси миллии Маҷлиси Олии Ҷумҳуриии Тоҷикистон Қоҳир Расулзода рӯзи 20 сентябри соли равон, соати 09-00 дар мақомоти иҷроияи ҳокимияти давлатии ноҳияи Ашт баргузор мегардад.

Маврид ба зикр аст, ки ин тадбир  бо мақсади шиносоии наздик бо вазъи воқеии зиндагии сокинони шаҳру навоҳии вилояти Суғд  доир гардида истодааст.

Сокинони ноҳия метавонанд дар он бевосита иштирок намоянд ва ҳам арзу дархост, пешниҳодҳои худро ба нишонаи электронии  Этот e-mail адрес защищен от спам-ботов, для его просмотра у Вас должен быть включен Javascript Этот e-mail адрес защищен от спам-ботов, для его просмотра у Вас должен быть включен Javascript ё худ тариқи телефонҳои (+3422) 6-72-03 қаблан  ирсол намоянд.

Хадамоти матбуоти
Раиси вилояти Суғд

 

ШУМО ДАР: Навиди Суғд