Хабарҳо
Ғолибони 20 - рӯзаи дуюми маъракаи пахтачинӣ бо туҳфаҳо қадршиносӣ шуданд - 23.10.2019 15:51
Баргузории иҷлосияи бистуми Маҷлиси вакилони халқи вилояти Суғд, даъвати панҷум - 23.10.2019 15:57
Пешвои миллат Эмомалӣ Раҳмон бо як гурӯҳ иштирокчиёни Симпозиуми байналмилалии илмии «Пажӯҳиш дар фарҳанги бостон: аз дирӯз то имрӯз» мулоқот карданд - 22.10.2019 16:42
Пешвои миллат Эмомалӣ Раҳмон дар Симпозиуми байналмилалии илмии «Пажӯҳиш дар фарҳанги бостон: аз дирӯз то имрӯз» иштирок намуданд - 22.10.2019 16:37
Иброҳим Усмонов: Худшиносӣ тӯфон буд! - 22.10.2019 13:21
Дар Исфара оид ба «Нақши ҷамоатҳои шаҳрак ва деҳот дар рушди иҷтимоӣ–иқтисодии маҳал» машварати омӯзишӣ сурат мегирад - 22.10.2019 10:10
Суғд: То имрӯз 91 913 тонна пахта ҷамъоварӣ карда шуд - 21.10.2019 15:58
Мастчоҳ. Раҷаббой Аҳмадзода собиқадорони меҳнатро аёдат намуд - 21.10.2019 15:53
Ифтитоҳи майдончаи варзишӣ дар Ҷамоати деҳоти Оббурдони ноҳияи Мастчоҳ - 21.10.2019 15:21
Мастчоҳ. Раҷаббой Аҳмадзода ба чинакчиёни беҳтарин туҳфаҳо тақдим кард - 21.10.2019 14:59

Навиди Суғд

19 октябр бахшида ба Иди Меҳргон дар маркази вилоят ярмарка-фурӯши маҳсулоти кишоварӣ доир мешавад

( 0 Овоз )

19 октябр бо ибтикори Мақомоти иҷроияи ҳокимияти давлатии вилояти Суғд бахшида ба Иди Меҳргон дар маркази вилоят ярмарка-фурӯши маҳсулоти кишоварӣ гузаронида мешавад.

Дар ярмарка-фурӯши маҳсулоти кишоварзӣ, ки дар майдони назди Театри мусиқӣ-мазҳакавии ба номи Камоли Хуҷандӣ доир хоҳад шуд, намояндагони навоҳии кишоварзии вилоят анвои гуногуни маҳсулотро пешниҳоди сокинон мегардонанд.

Ярмарка-фурӯши маҳсулоти кишоварзӣ соати 8-00 оғоз меёбад.

Хадамоти матбуоти
Раиси вилояти Суғд

 

Шиносоии хонандагони макотиби ноҳияҳои Айнӣ ва Куҳистони Мастчоҳ бо шароити таҳсил дар ДДҲБСТ

( 2 Овоз )

17 октябр беш аз 40 нафар хонандагони муассисаҳои таҳсилоти миёнаи умумии ноҳияҳои Айнӣ ва Куҳистони Мастчоҳ аз Донишгоҳи давлатии ҳуқуқ, бизнес ва сиёсати Тоҷикистон дидан намуда, бо шароити таҳсил дар донишгоҳ шинос гардиданд.

Ректори донишгоҳ Муъмин Шарифзода бо устодону хонандагон сўҳбат намуда, онҳоро бо дастовардҳои донишгоҳ ва шароиту имконоти таҳсил дар ин муассисаи касбии олӣ шинос кард. Сарвари донишгоҳ афзуд, ки ҳоло се ихтисоси донишгоҳ соҳиби аккредитатсияи байналмилалӣ гардид ва дар оянда марҳила ба марҳила ихтисосҳои дигар низ ба таҳсилоти сатҳи ҷаҳонӣ мутобиқ гардонида мешавад.

Ёдовар мешавем, ки вохӯрии мазкур дар доираи лоиҳаи “Мусоидат барои васеъ гардонидани имкониятҳои иқтисодиву иҷтимоии занону ҷавонони водии Зарафшон”-и Барномаи рушди СММ доир шуд.

Хадамоти матбуоти
Раиси вилояти Суғд

Соли 2022 шаҳри Хуҷанд мизбони Чемпионати Осиё оид ба самбо хоҳад шуд

( 0 Овоз )

Тибқи қарори Анҷумани Иттиҳодияи самбои Осиё (ИСО), ки дар шаҳри Тошканд баргузор гардид, Чемпионати Осиё оид ба самбо соли 2022 дар шаҳри Хуҷанди Ҷумҳурии Тоҷикистон доир мегардад.

Ба иттилои сомонаи расмии Федератсияи байналмилалии самбо, дар ҷаласа намояндагони 22 давлати қораи Осиё иштирок карданд. Президенти Иттиҳодияи самбои Осиё Аламҷон Муллоев зимни баромадаш ба роҳбарияти федератсияҳои миллӣ барои рушди самбо дар қора изҳори сипос намуд.

Ба иштирокчиён, ҳамчунин аз рафти баргузории мусобиқаи самбо дар 18-ум Бозиҳои Осиё дар Ҷакарта (Индонезия), Фестивали ҳунарҳои размӣ дар Чунҷу (Кореяи Ҷанубӣ) ва Чемпионати Осиё дар Деҳлӣ (Ҳиндустон) директори генералии ИСО Суреш Гопӣ гузориш дод.

Дар анҷуман бо дастгирии аъзои он Федератсияи самбои Баҳрайн ба узвияти Иттиҳодияи самбои Осиё қабул гардида, ба федератсияҳои самбои Макао ва Ҳонг Конг мавқеи узви комилҳуқуқи ИСО дода шуд.

Дар қисмати охири ҷаласа маҳали баргузории Чемпионати Осиё оид ба самбо соли 2020 шаҳри Бали (Индонезия), 2021 – Тошканд (Узбекистон), 2022 – Хуҷанд (Тоҷикистон) интихоб шуданд.

Хадамоти матбуоти
Раиси вилояти Суғд

Муаррифии имкониятҳои вилояти Суғд дар самти истеҳсол ва содироти маҳсулоти кишоварзӣ​​

( 0 Овоз )

Вилояти Суғд дар самти истеҳсоли маҳсулоти кишоварзӣ имкониятҳои фарох дошта, ҳамасола ба хориҷи кишвар ба маблағи даҳҳо миллион доллари амрикоӣ маҳсулоти кишоварзӣ содирот менамояд. Ин нукта имрӯз зимни баргузории семинари машваратие, ки дар Боғи милии “Ваҳдат” сурат гирифт, таъкид шуд.

Шаҳри Гулистон ва ноҳияи Куҳистони Мастчоҳ нақшаи даъватро иҷро намуданд

( 0 Овоз )

Шаҳри Гулистон ва ноҳияи Куҳистони Мастчоҳ нақшаи даъвати ҷавонон ба сафи Қувваҳои мусаллаҳи Ҷумҳурии Тоҷикистонро пурра иҷро намуданд.

Боиси зикр аст, ки қабл аз ин шаҳри Исфара ва ноҳияи Шаҳристон аз иҷрои нақша гузориш дода буданд. Дар дигар шаҳру ноҳияҳои боқимонда гусели даъватшавандагон ба хизмати ҳарбӣ ҷараён дошта,  то санаи 15 октябр нақшаи даъват дар вилоят наздик 70 дарсад иҷро шудааст.

Ёдовар бояд шуд, ки дар асоси Фармони Президенти Ҷумҳурии Тоҷикистон ва қарори марбутаи Раиси вилояти Суғд моҳҳои октябр-ноябри соли равон дар ҳудуди вилоят даъвати шаҳрвандони ҷинси мард, ки то рӯзи даъват ба синни 18 солагӣ мерасанд, инчунин шаҳрвандони синну солашон калон, ки ҳуқуқи ба таъхир андохтани мӯҳлати даъват ва ё озод будан аз даъват ба хизмати ҳарбиро надоранд, барои хизмат ба сафҳои Қувваҳои Мусаллаҳи Ҷумҳурии Тоҷикистон даъват карда мешаванд.

Хадамоти матбуоти
Раиси вилояти Суғд


ШУМО ДАР: Навиди Суғд