Хабарҳо
Маросими муаррифии иҷрокунандаи вазифаи раиси ноҳияи Спитамен - 29.01.2020 17:58
Маросими муаррифии иҷрокунандаи вазифаи раиси ноҳияи Ҷаббор Расулов - 29.01.2020 16:24
Маросими муаррифии иҷрокунандаи вазифаи раиси шаҳри Исфара - 29.01.2020 15:50
Маросими муаррифии иҷрокунандаи вазифаи раиси ноҳияи Куҳистони Мастчоҳ - 29.01.2020 13:08
Пешвои миллат Эмомалӣ Раҳмон дар як қатор вазорату идораҳо ва шаҳру ноҳияҳо таъиноти кадрӣ ба амал оварданд - 27.01.2020 16:21
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати ҷашни Сада - 25.01.2020 19:25
Фестивали вилоятии «Атласу адрас» гузаронида мешавад - 27.01.2020 11:16
Шиносоии Раиси вилоят бо ҷараёни корҳои сохтмонӣ дар Боғи ба номи Абӯмаҳмуди Хуҷандӣ - 27.01.2020 10:04
Ҷадвали баргузории нишастҳои матбуотӣ - 25.01.2020 11:56
Пешвои миллат дар як қатор вазорату идораҳо таъиноти кадрӣ ба амал оварданд - 24.01.2020 16:03

Навиди Суғд


Раиси вилоят Раҷаббой Аҳмадзода​ соҳибкорони Ҷумҳурии Ӯзбекистонро ба ҳузур пазируфт

( 0 Овоз )

Раиси вилояти Суғд Раҷаббой Аҳмадзода намояндагони ширкати “Прогресс Бизнесиндастр”-и Ҷумҳурии Ӯзбекистонро бо роҳбарии Шуҳрат Тошев ба ҳузур пазируфт.

Баргузории вохӯрӣ ҷиҳати шарҳи нуктаҳои Паёми Пешвои миллат дар Донишгоҳи давлатии ҳуқуқ, бизнес ва сиёсати Тоҷикистон

( 1 Овоз )

Дар Донишгоҳи давлатии ҳуқуқ, бизнес ва сиёсати Тоҷикистон вохӯрии гурӯҳи тарғиботӣ оид ба тарғибу ташвиқ ва шарҳи нуктаҳои Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии мамлакат баргузор шуд.

Нахуст ноибректори донишгоҳ Мубина Хоҷаева вохӯриро ифтитоҳ намуда, доири ҳадафи мулоқот маълумот дод.

Тибқи иттилои дафтари матбуотии шаҳрдории Хуҷанд дар вохӯрӣ муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Мирҳомиддин Камолзода, узви Маҷлиси миллии Маҷлиси Олии мамлакат Саодат Аминҷонова, муовини раиси шаҳри Хуҷанд Фирӯза Нуруллозода, ноибректори ДДХ ба номи академик Б. Ғафуров Рухсора Давлатзода ва намояндаи КИ ҲХДТ дар шаҳри Хуҷанд иштирок ва баромад намуданд.

Таъкид гардид, ки саҳми бузургу беназири Пешвои муаззами миллат муҳтарам Эмомалӣ Раҳмон дар таҳкими Ваҳдати миллӣ, Истиқлолияти давлатӣ, рушди иқтисодию иҷтимоии кишвар, боло бардоштани сатҳи некӯаҳволии мардум бағоят бузург аст.

Иттилоъ дода шуд, ки дар ҳафт соли охир рушди иқтисодиёти кишвар ҳамасола ба ҳисоби миёна дар сатҳи 7 фоиз таъмин гардида, маҷмӯи маҳсулоти дохилӣ аз 45,6 миллиард сомонӣ ба 78 миллиард афзоиш ёфт. Дар ин давра ҳаҷми умумии даромади буҷет қариб ду баробар афзуда, аз 12 миллиард сомонии соли 2013 ба 23 миллиард сомонӣ баробар шуд. Тайи солҳои зикршуда даромади пулии аҳолӣ беш аз ду баробар ва музди меҳнати миёнаи як корманд 2,4 баробар афзоиш пайдо кард. Бақияи пасандозҳо дар низоми бонкии кишвар соли 2019 беш аз 9,5 миллиард сомониро ташкил карда, дар ҳафт соли охир 45 фоиз зиёд гардид.Сатҳи камбизоатӣ ба 27,5 фоиз паст шуда, дарозумрии миёнаи шаҳрвандон то 75 сол боло рафт.Ҳамзамон бо ин, тибқи таҳлилҳо дар замони соҳибистиқлолӣ нишондиҳандаи умумии фавт қариб ду баробар, аз ҷумла фавти кӯдакони синни то панҷсола 3,2 баробар кам шудааст. Дар ин давра аҳолии Тоҷикистон аз панҷуним миллион қариб ба 9,5 миллион нафар расида, беш аз 70 фоиз афзудааст. Саҳми бахши хусусӣ дар маҷмӯи маҳсулоти дохилӣ соли 2013-ум 54 фоиз буд ва ин нишондиҳанда соли 2019 ба 70 фоиз расонида шуд. Яъне нишондиҳандаҳои дар соли 2013 пешбининамудаи барномаи номзад ба Президенти кишвар барои 7 сол, дар маҷмӯъ, иҷро гардиданд.

Дар интиҳо таъкид шуд, ки Паёми Пешвои миллат муҳтарам Эмомалӣ Раҳмон беҳтарин дастуру роҳнамо барои фаъолияти созанда дар ҳамаи самту соҳаҳо ба ҳисоб меравад.

Хадамоти матбуоти

Раиси вилояти Суғд


Ифтитоҳи бинои хизматии Шуъбаи экологӣ ва сайёҳии Вазорати корҳои дохилӣ дар вилояти Суғд

( 0 Овоз )

Дар хиёбони Раҳмон Набиеви шаҳри Хуҷанд бинои хизматии Шуъбаи экологӣ ва сайёҳии Вазорати корҳои дохилӣ дар вилояти Суғд  мавриди истифода қарор гирифт.

Бинои мазкур аз як ошёна ва чор утоқи корӣ,  ду ҳуҷраи ёрирасон иборат буда, дар он беҳтарин шароит барои фаъолияти кормандон фароҳам оварда шудааст.

Тавре Акбар Шарифӣ, масъули маркази матбуоти Раёсати Вазорати корҳои дохилии Ҷумҳурии Тоҷикистон дар вилоят хабар дод, маросими истифодадиҳии иншотии хизматӣ бо иштироки сардори Раёсати ВКД дар вилояти Суғд генерал-майори милитсия Назарзода Қудратулло Бобо сурат гирифт. Ба иттилои манбаъ ҳуҷраҳои барҳавои корӣ бо компютер мизу курсӣ, ҷевон ва дигар ашёву аёниятҳои хизматӣ таъмин мебошанд.

Назарзода Қудратулло Бобо баъди боздид аз натиҷаи корҳои сохтмонӣ ба масъулин дастур дода шуд, ки ҷавобан ба чунин ғамхориҳои Ҳукумати мамлакат дар иҷрои вазифаҳои хизматӣ содиқ бошанд.

Хадамоти матбуоти
Раиси вилояти Суғд

 

Дар Конибодом бо мақсади фаҳмонидани муҳтавои Паёми Пешвои миллат вохӯриҳо доир шуд

( 0 Овоз )

Мутобиқи нақшаи чорабиниҳои муштараки Мақомоти иҷроияи ҳокимияти давлатии вилояти Суғд ва кумитаи иҷроияи ҲХДТ дар вилояти Суғд мулоқоту вохӯриҳо дар шаҳру деҳоти Конибодом бо мақсади шарҳу тавзеҳи нуктаҳои асосии Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии мамлакат оғоз гардид.

Дирӯз гурӯҳи ташвиқотии вилоятӣ дар ҳайати олимону коршиносон ва ва кормандони мақомоти давлатӣ якчанд мулоқоти судмандро доир карданд.

Гуруҳи корӣ аз ҷумла бо кормандони соҳаҳои маориф, тандурустӣ, фарҳанг ва ҷомеаи меҳнативу донишҷӯёни коллеҷҳо вохӯрӣ намуда, нуктаҳои муҳимтарини Паёми Сарвари давлатро шарҳу тавзеҳ доданд.

Мулоқоту вохӯриҳо дар фазои озоду самимӣ сурат гирифт ва иштирокдорони мулоқотҳо таъкид карданд, ки фаъолони шаҳри Конибодом Паёми Пешвои миллатро сармашқи кори худ намуда, барои бо дастовардҳои арзанда истиқбол намудани ҷашни 30-солагии Истиқлолияти давлатии Ҷумҳурии Тоҷикистон саъй ва талош мекунанд.

Хадамоти матбуоти
Раиси вилояти Суғд


Шаҳрвандони соли таваллудашон 2004 ба қайди ибтидоии ҳарбӣ гузошта мешаванд

( 0 Овоз )

Аз 1 январ то 31 марти соли 2020 мувофиқи қарори Ҳукумати Ҷумҳурии Тоҷикистон аз 3 декабри соли 2012, №695 «Дар бораи тасдиқ намудани Низомномаи ташхиси тиббии ҳарбӣ» шаҳрвандоне, ки синнашон дар соли 2020 ба 16 мерасад, дар шаҳру ноҳияҳои вилоят ба қайди ҳарбӣ гузошта мешаванд.

Дар ин бора қарори марбутаи Раиси вилояти Суғд ба тасвиб расидааст.

Тибқи қарор раисони шаҳру ноҳияҳо вазифадоранд, ки комиссияҳои бақайдгирии ҳарбиро таъсис дода, дар ташкил намудани муоинаи шаҳрвандон ва ба қайди ҳарбӣ гузоштани онҳо мусоидат намоянд.

Хадамоти матбуоти
Раиси вилояти Суғд

 

ШУМО ДАР: Навиди Суғд