Хабарҳо
Раиси вилоят сокини 105 солаи ноҳияи Деваштич Мастура Калоноваро аёдат намуд - 08.07.2020 16:52
Раиси вилоят дар Ҷамоати деҳоти Ростровут бо сохтмони бинои таваллудхона шинос шуд - 08.07.2020 16:51
Шиносоии Раиси вилоят бо ҷараёни татбиқи лоиҳаи хатти оби Даҳкатсой – Даҳанасой - 08.07.2020 16:49
Дар ноҳияи Деваштич 5400 гектар картошка кишт карда шудааст - 08.07.2020 16:48
Шиносоии Раиси вилоят бо фаъолияти занбӯрпарварони ноҳияи Деваштич - 08.07.2020 16:46
Мулоқоти Раиси вилоят бо фаъолони ноҳияи Деваштич - 08.07.2020 16:43
Documentary film Betrayal VIDEO !!! - 08.07.2020 00:54
Тасдиқи нақшаи чорабиниҳои вилоятӣ оид ба амалисозии Барномаи давлатии ҳифзи мероси ғайримоддии фарҳангии халқи тоҷик барои солҳои 2021-2025 ​ - 07.07.2020 10:29
Бахшида ба 30 - солагии Истиқлолияти Ҷумҳурии Тоҷикистон озмуни вилоятии “Оила, кӯча, маҳалла, деҳа, деҳот ва шаҳраки беҳтарин” доир мешавад - 07.07.2020 10:27
Тақдими медалҳои ҷашнӣ ба собиқадорони ҷангу меҳнат - 06.07.2020 21:30

Навиди Суғд


ПИСТАИ БЕМАҒЗ АГАР ЛАБ ВО КУНАД… Ё посухе ба Мирзои Салимпур

( 0 Овоз )

ПИСТАИ БЕМАҒЗ АГАР ЛАБ ВО КУНАД…


Ё посухе ба Мирзои Салимпур

Дӯстам Мирзои Салимпур! Аслан, навиштанро он қадар дӯст намедорам зеро вазифаи ман нест, вале навиштаҳоятро дар робита бо филми «Хиёнат» хондаму кунҷковии касбиам боло гирифт. Дар он бисёр нуқтаҳои ҷолиберо дарёфтам. Ва тасмим гирифтам ба худат муроҷиат кунам.

Мирзои Салимпур авлоди Фузайл Махсум

( 0 Овоз )

https://youtu.be/gBwtvVfKl2c

Тақвияти корҳои фаҳмондадиҳӣ ҷиҳати пешгирии пандемияи короновирус

( 0 Овоз )

Бо мақсади тақвияти корҳои фаҳмондадиҳӣ ҷиҳати пешгирии пандемияи короновирус дар шаҳри Хуҷанд 10 гуруҳи тарғиботиву ташвиқотӣ бо ҷалби мақомоти соҳаи тандурустӣ, ҳифзи тартибот, ҷавонон, занон, маориф, азҳоби сиёсӣ ва ғайраҳо таъсис дода шуданд, ки ҳамарӯза дар бозору кошонаҳои ҳусн, марказҳои савдо, ошхонаҳо, боғҳои истироҳатӣ ва марказҳои хизматрасонӣ бо мардум доир ба иҷрои тавсияҳои табибон баҳри пешгирии бемориҳои сироятӣ корбариро вусъат мебахшанд.

Зайнура Азимӣ, муовини Раиси вилояти Суғд қабл аз сафарбарии гуруҳҳои тарғиботӣ аз ҷумла таъкид дошт, ки шиддати сироятёбӣ ба COVID-19 дар Ҷумҳурии Тоҷикистон коҳиш ва аксарияти беморон шифо ёфта, ба зиндагии муқаррарии худ баргштанд. Вале ин маънии аз байн рафтани бемориро надорад. Ва ҳар лаҳза хуруҷи дигарбораи беморӣ аз эҳтимол дур нест. Мутаасифона бархе шаҳрвандон то ҳол оқибати ин бемории сироятиро дарк накарда, ба мушкилоти печидаи пандемия рӯ​ ба рӯ мешаванд. Набояд шаҳрвандон ба саҳлангорӣ роҳ диҳанд, зеро саломатии ҳар нафар дар дасти худи ӯст.

Шаҳрвандонро зарур аст ба хотири ҳифз намудани саломатии худу атрофиён аз пештара дида бештар масъулиятшинос бошанд.​

Сипас, гуруҳҳои таъсисшуда ба бозору кошонаҳои ҳусн, марказҳои савдо, ошхонаҳо, боғҳои истироҳатӣ ва марказҳои хизматрасонӣ сафарбар гардида, доир ба пешгирии бемории сироятии короновирус корҳои фаҳмондадиҳиро анҷом дода, ниқобу варақаҳои тарғиботӣ тақсим намуданд.

Хадамоти матбуоти

Раиси вилояти Суғд

Бо дастури Пешвои миллат Эмомалӣ Раҳмон аз 25-уми июн барои марҳила ба марҳила баргардонидани шаҳрвандони Тоҷикистон аз Россия ва парвозҳои чартерӣ анҷом дода мешаванд

( 0 Овоз )

Вазорати корҳои хориҷӣ ба таваҷҷуҳи ҳамватанон мерасонад, ки тибқи дастури Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз 25-уми июни соли 2020 барои марҳила ба марҳила баргардонидани шаҳрвандони Тоҷикистон аз ҷониби ширкатҳои ватании «Тоҷик-Эйр» ва «Сомон-Эйр» ба самти шаҳрҳои Москва, Санкт-Петербург, Қазон, Новосибирск ва Екатеринбурги Федератсияи Россия ва аз ин шаҳрҳо ба Тоҷикистон парвозҳои чартерӣ анҷом дода мешаванд.

Бояд қайд кард, ки зимни иҷрои парвозҳо авлавият ба табақаҳои осебпазири шаҳрвандони Тоҷикистон, пеш аз ҳама беморон, занон бо кӯдакони хурдсол, пиронсолон, донишҷӯён, инчунин шахсоне, ки бинобар сафари хизматӣ дар Россия дармондаанд, дода мешавад.

Дар Сафорати Тоҷикистон дар Москва ва консулгариҳои генералии кишвар дар Санкт-Петербург, Екатеринбург, Новосибирск ва Уфа комиссияҳои махсус таъсис дода шуда, вазифаи онҳо тартиб додани рӯйхатҳои шаҳрвандон хоҳад буд. Пас аз омода гардидани рӯйхатҳо шаҳрвандон оид ба харидорӣ намудани чиптаҳо хабардор карда мешаванд.

Бинобар ин аз шаҳрвандони кишвар эҳтиромона хоҳиш мегардад, то муроҷиатҳои худро ба суроғаи электронии Этот e-mail адрес защищен от спам-ботов, для его просмотра у Вас должен быть включен Javascript бо дарҷи маълумоти тамос ва ҳуҷҷатҳои зарурӣ ирсол намоянд.

Маълумот оид ба рӯзҳои парвозҳо ба маҳзи ҳамоҳанг гардидани мавзӯъ бо ҷониби Россия ва гирифтани иҷозати мақомоти авиатсионии он кишвар иловатан пешниҳод хоҳад шуд.

 

Оғози мумфаршкунии роҳи Шайдон —​ Понғоз дар ноҳияи Ашт

( 0 Овоз )

18 июни соли 2020 дар Ҷамоати деҳоти Понғози ноҳияи Ашт таъмири асосии зиёда аз 9​ км роҳи Шайдон - Понғоз оғоз гардид. Дар ин бора дафтари матбуотии мақомоти иҷроияи ҳокимияти давлатии ноҳия хабар додааст.

Ба иттилои манбаъ​ зиёда аз 54 ҳазор метри квадратӣ бо паҳноии 6 метр мумфарш карда шуда, зиёда аз 6 ҳазор тонна асфалти гарм истифода бурда мешавад. Саҳмгузорони ин ободкорӣ мақомоти иҷроияи ҳокимияти давлатии ноҳия, соҳибкорон, шахсони саховатпеша, сокинони деҳаҳои Понғоз, Хиштхона, Бободархон ва Саро мебошанд. Барои амалӣ шудани ин иқдоми нек тақрибан 3 миллион маблағ сарф мегардад. То оғози мумфаршкунӣ тариқи ҳашар роҳҳо васеъ карда шуда, бо техникаҳои махсуси роҳсозӣ ҳамвор ва барои мумфаршкунӣ омода карда шуданд.

Инчунин бо дастгирии Ҳукумати Ҷумҳурии Тоҷикистон зиёда аз 3​ км роҳи Понғоз – Шайдон, ки солҳо инҷониб​ ​ дар ҳолати ногувор қарор дошт, пурра мумфарш карда шуд. Ин иқдоми Ҳукумати Ҷумҳурии Тоҷикистон мардумро рӯҳбаланд намуд ва бо мусоидати мақомоти иҷроияи ҳокимияти давлатии ноҳия, соҳибкорон, шахсони саховатпеша дар 3 соли охир 5 ҳазору 600 тонна асфалт харидорӣ карда шуда, 13​ км роҳҳои маҳаллӣ мумфарш гардид, ки маблағи умумии он 2 миллиону 530 ҳазор сомониро ташкил медиҳад.

Дар деҳаи Саро низ ин иқдоми нек идома дошта, мумфаршкунии роҳҳои маҳаллӣ ба масофаи наздик 2​ км оғоз гардид.

Хадамоти матбуоти

Раиси вилояти Суғд

ШУМО ДАР: Навиди Суғд