Дар майдони Шоҳ Исмоили Сомонии шаҳри Конибодом ба ифтихори гусели 100 нафар ихтиёриёни аввалин ба сафи Қувваҳои Мусаллаҳи Ҷумҳурии Тоҷикистон ҷамъомади тантанавӣ баргузор гардид.

Дар ҷамъомади мазкур, ки бо иштироки роҳбарият ва фаъолони шаҳр, кормандони комиссариати ҳарбӣ ва афсарону аскарони қисмҳои низомӣ, собиқадорон ва даъватшавандагону волидайни онҳо доир шуд, таъкид гардид, ки дар натиҷаи роҳандозии дурусти корҳои мафкуравӣ руҳияи ватандӯстонаи ҷавонони Конибодом пайваста боло меравад ва шумораи ҷавонони бошарафе, ки бо хоҳиши худ ба хизмати ҳарбӣ мераванд, тадриҷан зиёд мегардад.​

Дар вазъияти тантанавӣ ба як гуруҳ даъватшавандагон-​ хамткунандагони мактаби муттаҳидаи техникии шаҳр шаҳодатномаи ронандагӣ тақдим гардид.

Ҳунарнамоии санъаткорони бахши фарҳанги шаҳр, ки дар ин маҳфили хушу хотирмон саҳнаороӣ намуданд, ҷамъомадро шукуҳи тоза бахшид.

Хадамоти матбуоти

Раиси вилояти Суғд

Дар Донишгоҳи давлатии Хуҷанд ба номи академик Бобоҷон Ғафуров бахшида ба 10-солагии Қонуни Ҷумҳурии Тоҷикистон “Дар бораи забони давлатии Ҷумҳурии Тоҷикистон” бо ширкати забоншиносони варзида, омӯзгорони соҳибтаҷриба, муаллифони барномаҳо ва китобҳои дарсӣ мудирони кафедраҳои забоншиносии донишгоҳ, институти бозомӯзии муаллимони вилоят таҳти унвони “"​10 соли рушди забон ва такмили таълими он" ҷамъомад баргузор гашт. Дар ин бора аз Донишгоҳи давлатии Хуҷанд хабар доданд.

Ректори донишгоҳ, профессор Ҷамшед Ҷӯразода ҷамъомадро ифтитоҳ бахшида, доир ба ҳадаф ва сохтори мизи мудаввари олимони донишгоҳ иборзи назар намуда, илова дошт, ки ин иқдом дар муттаҳидшавии олимону мутахассисон ва тободули дониш, таҷриба, маҳорату малакаи онҳо, ва ба ин васила, ки ба ин васила, дар рушди илм ва баланд бардоштани сифат ва самаранокии таълим заминаи судманд мегузорад.

Ҳамчунин, ректори донишгоҳ доир ба нақши Комиссияи Донишгоҳи давлатии Хуҷанд ба номи академик Бобоҷон Ғафуров оид ба татбиқи Қонуни Ҷумҳурии Тоҷикистон “Дар бораи забони давлатии Ҷумҳурии Тоҷикистон” дар ташаккули сиёсати забон ҳарф зада, баён кард, ки комиссияи фавқуззикр фаъолиятро ба таври густурда ба амалӣ намудани сиёсати давлатии забон нигаронида, корҳои назаррасро иҷро карда истодааст. Чунончи, мутобиқ ба Паёми имсолаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон “Барнома (проспект)”–и такмили таълим ва омӯзиши забонҳои русӣ ва англисиро дар донишгоҳ барои солҳои 2019 – 2021 таҳия намуда, дастраси масъулон гардонид, то ки дар кафедраҳои забоншиносӣ барои танзими барномаи корӣ барои солҳои 2021-2025 омодагӣ гиранд.

Дар идомаи ҷамъомад муовини раиси Комиссияи донишгоҳ оид ба татбиқи Қонуни Ҷумҳурии Тоҷикистон “Дар бораи забони давлатии Ҷумҳурии Тоҷикистон”, профессор Абдусаттор Абдуқодиров, мудири кафедраи забони тоҷикӣ, профессор Абдуҷамол Ҳасанзода, мудири шуъбаи танзими истилоҳоти Кумитаи забон ва ислоҳоти назди Президенти Ҷумҳурии Тоҷикистон Раҳим Зулфониён, мудири кафедраи методикаи таълими забон ва адабиёти тоҷикӣ, дотсент Шоира Ҳакимова, дотсенти кафедраи методикаи таълими забонҳои хориҷӣ, Алиҷон Бойматов ва мудири кафедраи методикаи таълими забон ва адабиёти рус, дотсент Муаззама Комилова доир ба масоили “Қайдҳои Пешвои миллат перомуни ҳусни сухан”, “Фарҳангҳои истилоҳотӣ ва рисолати забони давлатӣ ҳамчун забони илм” ва “Омилҳои инноватсионии такмили таълим ва омӯзиши забонҳои тоҷикӣ, англисӣ ва русӣ” маърӯза доштанд.

Баъдан иштирокдорони мизи мудаввар оид ба забоншиносӣ ва такмили таълими забонҳои тоҷикӣ,русӣ, англисӣ ва дигар ҷанбаҳои он табодули андеша намуданд.

Хадамоти матбуоти

Раиси вилояти Суғд

​

Рӯзҳои 3 ва 4 октябр дар шаҳри Ҳуҷанд ҷаласаи сеюми вазирони сайёҳии кишварҳои узви Созмони ҳамкории иқтисодӣ (ЭКО) ва коршиносони аршади он баргузор мегардад.

Дар доираи ҷаласа нахуст ҷаласаи 5-уми Гурӯҳи коршиносони сатҳи баланд (HLEG) оид ба сайёҳӣ доир гашта, изҳорот/рӯнамоиҳои кишварҳои узв муаррифӣ мегарданд. Сипас Лоиҳаи рӯзномаи ҷаласаи 3-юми вазирони сайёҳии узви ЭКО, қарорҳои ҷаласаи 2-юми вазирони ЭКО оид ба сайёҳӣ,  Нақшаи амал оид ба сайёҳӣ, таҷдид ва шарҳи Нақшаи амал оид ба экотуризм дар минтақаи ЭКО, Лоиҳаи Стратегияи минтақавии сайёҳии ЭКО, лоиҳаҳои нав дар соҳаи сайёҳӣ, интихоби пойтахти ЭКО оид ба сайёҳӣ, вусъат додани ҳамкории кишварҳои узв дар соҳаи сайёҳии тиббӣ, раводиди ЭКО барои сайёҳӣ, шабакаи операторҳои ЭКО-тур (бастаи ECO Tour), таҳияи Эъломияи Хуҷанд, макони баргузории ҷаласаи навбатӣ, тасдиқи гузориши лоиҳаи ҷаласаи 3-юми вазирон оид ба сайёҳӣ ва дигар масъалаҳои марбут ба сайёҳии кишварҳои узви ЭКО мавриди баррасӣ қарор дода мешаванд.

Боиси зикр аст, ки минтақаи ЭКО бо масоҳати беш аз 8 миллион километри мураббаъ аз марказ ба ҷануб ва ба ҷанубу ғарби Осиё тӯл мекашад ва тақрибан 450 миллион аҳолӣ бо зебоиҳои табииву гуногуншаклии мероси таърихиву фарҳангии худ шинохта шудааст. Аз ин ҷиҳат, он дорои иқтидори бузург ва яке аз минтақаҳои асосии сайёҳии ҷаҳон маҳсуб ёфта, хотираҳои Роҳи қадимаи Абрешимро эҳё мекунад.

Хадамоти матбуоти
Раиси вилояти Суғд

Дар шаҳри Исфара ба муносибати гусели даъватшавандагон чорабинии тантанавӣ баргузор гардид.

Чорабинии мутантан имрӯз, 1 октябр дар маркази шаҳр бо ҳузури фаъолону сокинони шаҳри Исфара доир шуд. Дар маросими гусели даъватшавандагон таъкид гардид, ки беш аз 260 нафар ҷавонони бонангу ор ва боғайрати Исфарамарз ба таври ихтиёрӣ ба коммисариати ҳарбии шаҳр ҳозир шуда, омодагии худро барои адои қарзи фарзандӣ ва ҳифзи марзу буми Ватан баён доштанд.

Зикр карда шуд, ки аз тарафи давлату Ҳукумати Ҷумҳурии Тоҷикистон дар қисмҳои низомии мамлакат шароити зарурӣ барои сарбозон муҳайё гардида, сафи ихтиёриён сол аз сол афзуда истодааст.

Волидони даъватшавандагон ба фарзандони худ дуои нек дода, изҳори боварӣ намуданд, ки ҷавонмардон хизмати Модар-Ватанро бо сари баланд ба анҷом мерасонанд.

Хадамоти матбуоти
Раиси вилояти Суғд