Хабарҳо
Ба истифода додани роҳи мошингарди пайвасткунандаи шаҳраки Мӯъминобод ва деҳаҳои Деҳлоло ва Хосабой бо иштироки Сарвари давлат Эмомалӣ Раҳмон - 25.09.2020 15:04
Пешвои миллат Эмомалӣ Раҳмон боғи фарҳангӣ-фароғатиро дар маркази ноҳияи Мӯъминобод мавриди баҳрабардорӣ қарор доданд - 25.09.2020 15:03
Сарвари давлат Эмомалӣ Раҳмон бо ҳолати истифодаи замини наздиҳавлигӣ дар манзили истиқоматии шаҳрванд Абдуфаёз Одинаев дар ноҳияи Мӯъминобод шинос шуданд - 25.09.2020 15:02
Президенти мамлакат Эмомалӣ Раҳмон бинои истиқоматиро дар ноҳияи Мӯъминобод мавриди баҳрабардорӣ қарор доданд - 25.09.2020 15:00
Боздиди Пешвои миллат Эмомалӣ Раҳмон аз ҳолати истифодаи замин, ҷамъоварии ҳосили картошка ва намоиши маҳсулоти кишоварзӣ дар мавзеи Гулистони ноҳияи Муъминобод - 25.09.2020 14:58
Сарвари давлат Эмомалӣ Раҳмон дар деҳаи Заркамари ноҳияи Мӯъминобод ба фаъолияти корхонаи Ҷамъияти дорои масъулияти маҳдуди «Дуоб-Р» оғозӣ расмӣ бахшиданд - 25.09.2020 14:56
Дар Хуҷанд Маркази тиҷоратии ““Шаҳри афсонавӣ” ба истифода дода шуд - 25.09.2020 14:22
Вохӯрии раиси Шӯрои ВАО бо донишчуёни кафедраи журналистика ва назарияи тарҷумаи ДДХ - 25.09.2020 09:53
Раиси вилоят собиқадори соҳаи кишоварзӣ Каримҷон Ҷӯраевро аёдат намуд - 24.09.2020 17:06
Шиносоӣ бо рафти ҷамъоварии пахта дар Конибодом - 24.09.2020 17:03

Навиди Суғд


Ҷаласаи​ Комиссияи вилоятии мусоидати барӯйхатгирии аҳолӣ ва фонди манзили соли 2020 дар вилояти Суғд

( 0 Овоз )

Чанде пеш дар маркази вилоят ҷаласаи навбатии комиссияи мусоидати барӯйхатгирии аҳолӣ ва фонди манзили вилояти Суғд бо иштироки сардори Сарраёсати Агентии омори назди Президенти Ҷумҳурии Тоҷикистон дар вилоят Ҳокимбек Накҳатзода, муовини директори Агентии омори назди Президенти Ҷумҳурии Тоҷикистон Қиёмиддин Давлатзода, мутасаддиёни мусоидати барӯйхатгирии аҳолӣ ва фонди манзил, муовинони раиси шаҳру ноҳияҳо ва кормандони Сарраёсати омори вилоят баргузор гардид.

Дар ҷаласа тартиби гузаронидани барӯйхатгирии аҳолӣ ва фонди манзил дар соли 2020 мавриди баррасӣ қарор гирифта, қайд гардид, ки дар сатҳи вилоят комиссияи доимии амалкунанда зери роҳбарии Раиси вилояти Суғд Раҷаббой Аҳмадзода фаъолият дошта, то имрӯз як қатор корҳои назаррас ба анҷом расиданд.​

Дар ҷаласа гуфта шуд, ки бояд рӯйхати кормандони муваққатии мудирони шуъба, муовинони онҳо ва назортачӣ – дастурдеҳ аз ҳисоби корхонаю ташкилот ва идораҳое, ки беш аз 50-60 нафар корманд дорад, тартиб дода шуда, ҳамаи онҳо аз назорати тиббӣ гузаранд, то дар давраи барӯйхатгирии аҳолӣ ва фонди манзил мушкилӣ эҷод нашавад.

Мавриди зикр аст, ки тибқи Фармони Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз 30-юми сентябри соли 2019 дар қаламрави Ҷумҳурии Тоҷикистон аз 1-ум то 15-уми октябри соли 2020 барӯйхатгирии аҳолӣ ва фонди манзили Ҷумҳурии Тоҷикистон гузаронида мешавад.​

Хадамоти матбуоти

Раиси вилояти Суғд

«Хизмат ба Ватан шараф аст»​ - ҳамоиши ихтиёриёни ҷавон дар ноҳияи Ҷаббор Расулов

( 0 Овоз )

Дар толори Мақомоти иҷроияи ҳокимияти давлатии ноҳияи Ҷаббор Расулов бо иштироки раиси ноҳия Тоҳир Қудратзода ва комиссари ҳарбии ноҳия Умед Тоҳирзода таҳти унвони "Хизмат ба Ватан шараф аст!" ҳамоиши ихтиёриёни ҷавон доир гардид.

Раиси ноҳия зимни суханронӣ аз таъмини шароити мусоиди хизмат дар сафи Қувваҳои Мусаллаҳи Ҷумҳурии Тоҷикистон зери роҳбарии бевоситаи Асосгузори сулҳу ваҳдати миллӣ-Пешвои миллат, Сарфармондеҳи Олии Қувваҳои Мусаллаҳ муҳтарам Эмомалӣ Раҳмон ёдовар гардида, изҳор дошт, ки хушбахтона ҷавонони бонангу ори кишвар бо такя ба ин сиёсати оқилонаву бобарор дар сафҳои Артиши миллӣ сарбаландона хизмати Модар-Ватанро иҷро намуда истодаанд.

Баъдан ба 20 нафар волидони сарбозони бошараф номаи сипоси Вазири мудофиаи Ҷумҳурии Тоҷикистон дар фазои тантанавӣ тақдим карда шуд.

Сипас, ба як қатор ҷавононе, ки бо илҳом аз сиёсати ҷавонпарваронаи Пешвои муаззами миллат муҳтарам Эмомалӣ Раҳмон баҳри ихтиёран пайвастан ба сафи Қувваҳои Мусаллаҳи Ҷумҳурии Тоҷикистон ҳозир гардиданд туҳфаҳои хотиравӣ тақдим карда шуд.

Хадамоти матбуоти

Раиси вилояти Суғд

Дар Исфара ҳамоиши даъватшавандагон ба сафи Қувваҳои Мусаллаҳи Тоҷикистон баргузор шуд

( 1 Овоз )

Дар майдони Исмоили Сомонии шаҳри Исфара ҳамоиши даъватшавандагон ба сафи Қувваҳои Мусаллаҳи Ҷумҳурии Тоҷикистон баргузор гардид, ки дар он 200 нафар ҷавонон иштирок намуданд.

Тавре аз хадамоти матбуоти раиси шаҳри Исфара хабар доданд, ​ муовини раиси шаҳр Оятулло Раҳматзода зикр намуд, ки ​ раванди омодагӣ ва ҷалби ҷавонон ба сафи Қувваҳои Мусаллаҳи ҷумҳурӣ дар шаҳри Исфара бозгӯи он аст, ки воқеан ҳам ҳамасола сафи ихтиёриён ба хизмати ҳарбӣ ме афзояд.

«Дар оғози маъракаи даъвати тирамоҳии ҷавонон ба сафи Қувваҳои Мусаллаҳ бо хоҳиши хеш ба комиссариати ҳарбӣ ҳозир шудани ​ 200 нафар ҷавонон шоистаи таҳсин мебошад»,- афзуд номбурда.

Оятулло Раҳматзода иброз дошт, ки ​ мақомоти иҷроияи ҳокимияти давлатии шаҳри Исфара барои ҷавононе, ки бо хоҳиши худ хизмати ​ ҳарбӣ ихтиёр кардаанд, бархе имтиёзҳо ҷорӣ кардааст.

Аз ҷумла, тибқи қарори раиси шаҳри Исфара ​ 80 нафар даъватшудагон дар филиали Муассисаи муттаҳидаи техникии Ташкилоти мададгори мудофиаи Ҷумҳурии Тоҷикистон дар шаҳри Исфара ройгон таҳсил намуда, шаҳодатномаи ронандагӣ гирифтанд.

Муовини раиси шаҳр Мадина Бобоиён ба падару модарони ҷавонон миннатдорӣ баён намуда, изҳор дошт, ки ин амали ҷавонон мояи ифтихори ҳамагон буда, дарси сабақу ҷавонмардӣ ба ҷавонони оянда мебошад.

Дар ​ ҳамоиш ба раиси Ҷамоати шаҳраки Нафтобод Маҳина Ишонова барои тарбияи хуби фарзандаш мактуби миннатдории Вазири мудофиаи Ҷумҳурии Тоҷикистон, генерал-полковник Шералӣ Мирзо супорида шуд. Инчунин ба хизматчии ҳарбӣ Абдулазизхон Умаров ва ба волидайни як гурӯҳ ҷавонмардони шаҳри ​ Исфара барои хизмати содиқонаи фарзандонашон сипоснома супорида шуд.

Хадамоти матбуоти

Раиси вилояти Суғд

Ширкат дар интихобот қарзи шаҳрвандии мост!

( 0 Овоз )

18 сентябр дар толори Донишкадаи куҳӣ-металлургии Тоҷикистон дар шаҳри Бӯстон бо мақсади баланд бардоштани руҳияи худогоҳию хештаншиносӣ, маърифати ҳуқуқӣ ва фаъолона ширкат варзидан дар маъракаи интихоботӣ, пешгирии шомилшавии ҷавонон ба ҳизбу ҳаракатҳои ифротгаро, террористӣ ва экстремистӣ, эҳтироми арзишҳои миллӣ ва дигар масоили мубрам таҳти унвони “Интихобот ҳамчун раванди сиёсӣ” мулоқот доир гардид.

Мулоқот бо сухани ифтитоҳии раиси шаҳри Бӯстон Раъно Ҳошимзода оғоз гардида, номбурда вобаста ба раванди ташкил ва баргузории интихоботи Президенти Ҷумҳурии Тоҷикистон ва саҳми бонувону ҷавонон дар ин маъракаи муҳими сиёсӣ ибрози назар намуд.

Дар кори мулоқот Носирҷон Салимӣ – узви Комиссияи марказии интихобот ва раъйпурсии Ҷумҳурии Тоҷикистон, Бобоҷон Наимов – корманди Комиссияи марказии интихобот ва раъйпурсии Ҷумҳурии Тоҷикистон, Фурқат Шукурӣ – сардори шуъбаи таъминоти ҳуқуқӣ ва назорати Кумитаи рушди маҳалли назди Президенти Ҷумҳурии Тоҷикистон Мамлакат Раҳматзода – сардори Раёсати адлияи вилояти Суғд, Хуршеда Хоҷазода – сардори Раёсати кор бо занон ва оилаи вилояти Суғд, Суҳроб Рустамзода – мудири шуъбаи дин, танзими анъана ва ҷашну маросими Мақомоти иҷроияи ҳокимияти давлатии вилояти Суғд ширкат ва дар мавзӯъҳои «Интихобот ҳамчун раванди сиёсӣ», «Ҳуқуқи интихоботӣ василаи таъмини баробарии гендерӣ», «Занон ва интихобот: вазъи муосир ва дурнамои рушд», «Нақши занон дар идоракунии давлатӣ» ва амсоли ин маърӯза намуданд.

Ёдовар мешавем, ки дар мулоқот роҳбарону масъулони мақомоти ҳифзи ҳуқуқ, мудирони шуъбаву бахшҳои дахлдори мақомоти иҷроияи ҳокимияти давлатии шаҳр, роҳбарони воҳидҳои сохторӣ, раисони маҳаллаҳо, раисон ва масъулони участкаҳои интихоботӣ, ҷавонону занон ва сокинону фаъолон ширкат намуданд.

Хадамоти матбуоти

Раиси вилояти Суғд

ШУМО ДАР: Навиди Суғд