Хабарҳо
Таджикистан за межгосударственные отношения и против поддержки терроризма - 18.10.2018 15:34
Дар Панҷакент таҳти унвони “Рушди минтақаҳо ва таҳкими дӯстии халқҳои Тоҷикистону Ӯзбекистон” конфронс доир хоҳад шуд - 18.10.2018 13:27
Намоишгоҳи ҷумҳуриявии дастовардҳои соҳаи меъморӣ, шаҳрсозӣ ва ҳунарҳои мардумӣ доир мешавад - 18.10.2018 09:54
СУҒД: 736 гектар боғ ва 58 гектар токзори нав бунёд карда шуд - 18.10.2018 09:52
Дар нуҳ моҳи соли равон барои таъмири роҳҳо аз буҷети вилоятӣ беш аз 40 миллион сомонӣ ҷудо шудааст - 18.10.2018 09:51
Баргузории ҷаласаи ҷамъбастӣ оид ба натиҷаҳои рушди иқтисодиву иҷтимоии вилоят дар 9 моҳи соли 2018 - 17.10.2018 16:27
Дирӯз дар маҷлиси фаъолони ВМКБ фаъолияти якмоҳаи Ситоди байниидоравии мақомоти таъминоти амният натиҷагирӣ карда шуд - 17.10.2018 09:33
Дар ноҳияи Ашт беш аз 35 километр роҳҳои маҳаллӣ таъмир карда шуд - 17.10.2018 09:20
Спитамен. Дар доираи омодагиҳо ба ҷашни 30-солагии Истиқлолияти давлатӣ як қатор иншоот мавриди истифода қарор гирифт - 17.10.2018 09:02
Конибодом. Нақшаи даромади буҷети давлатӣ 109 фоиз таъмин шуд - 17.10.2018 08:51

Спитамен. Даври ноҳиявии озмуни «Маркази таълимию истеҳсолии адрасбофии беҳтарин» доир гардид

( 0 Овоз )

Дар ноҳияи Спитамен даври ноҳиявии озмуни «Маркази таълимию истеҳсолии адрасбофии беҳтарин» баргузор ва номи ғолибон эълон гардид.

Тавре аз мақомоти иҷроияи ҳокимияти давлатии ноҳия иттилоъ доданд, Маркази таълимии истеҳсолии «Гулибодом»-и Ҷамоати деҳоти Тағояк беҳтарин маркази таълимию истеҳсолии адрасбофӣ дониста шуд. Маркази таълимии истеҳсолии «Куруш»-и Ҷамоати деҳоти Куруш ғолиби бахши “Маркази таълимӣ-истеҳсолие, ки аз ҳама зиёд матоъи дастибоф истеҳсол намудааст” гардид. Маркази таълимӣ - истеҳсолии «Наргиза» аз Ҷамоати шаҳраки Навкат ғолиби бахши “Маркази таълимӣ-истеҳсолие, ки аз ҳама зиёд шогирд омода намудааст” ва Маркази таълимии истеҳсолии «Ориёно» ғолиби бахши “Сифат ва нақши беҳтарин, ҳалли тобиш ва обуранги адраси дастибоф” дониста шуд. Ба иттилои манбаъ ба ғолибони озмун Сипоснома ва туҳфаҳои хотиравии мақомоти иҷроияи ҳокимияти давлатии ноҳия супорида шуд.

Бояд гуфт, ки озмуни вилоятии “Маркази таълимию истеҳсолии адрасбофии беҳтарин” дар асоси қарори Раиси вилояти Суғд аз 9 октябри соли 2017, №485 доир мешавад. Алҳол дар шаҳру ноҳияҳои вилоят даврии минтақавии озмун баргузор шуда истодааст. Пас аз анҷоми даври минтақавӣ беҳтаринҳо ба даври вилоятии озмун роҳхат мегиранд. Ба барандаи Шоҳҷоизаи озмуни вилоятии “Маркази таълимию истеҳсолии адрасбофии беҳтарин” 10 адад дастгоҳи атласу адрасбофӣ ва 10 000 сомонӣ мукофотпулӣ дода мешавад. Ғолибони ҷойҳои якум, дуюм ва сеюми бахши “Маркази таълимӣ-истеҳсолие, ки аз ҳама зиёд матоъи дастибоф истеҳсол намудааст” соҳиби 7, 5 ва 3 ададӣ дастгоҳи атласу адрасбофӣ мешаванд. Ба ғолибони ҷойҳои якум, дуюм ва сеюми бахши “Маркази таълимӣ-истеҳсолии хонагие, ки аз ҳама зиёд матоъи дастибоф истеҳсол намудааст” мутаносибан 5000 сомонӣ, 3000 сомонӣ, 2000 сомонӣ ва як ададӣ дастгоҳи атласу адрасбофӣ тақдим мешавад.

Ба соҳибони ҷойҳои якум, дуюм ва сеюми бахшҳои “Маркази таълимӣ-истеҳсолие, ки аз ҳама зиёд шогирд омода намудааст” ва “Сифат ва нақши беҳтарин, ҳалли тобиш ва обуранги адраси дастибоф” мутаносибан  7, 5 ва 3 ададӣ дастгоҳи атласу адрасбофӣ супорида мешавад.

Хадамоти матбуоти
Раиси вилояти Суғд


Шарҳ додан


Защитный код
Нав кардан

ШУМО ДАР: Навиди Суғд Спитамен. Даври ноҳиявии озмуни «Маркази таълимию истеҳсолии адрасбофии беҳтарин» доир гардид