Хабарҳо
Президенти мамлакат Эмомалӣ Раҳмон бо истифодаи мақсадноки замини наздиҳавлигӣ дар деҳоти Деҳмойи ноҳияи Ҷаббор Расулов шинос шуданд - 02.07.2020 11:06
Суханронии Пешвои миллат Эмомалӣ Раҳмон дар мулоқот бо роҳбарон ва фаъолони вилояти Суғд - 03.07.2020 11:59
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд - 03.07.2020 13:05
Пешвои миллат Эмомалӣ Раҳмон дар шаҳри Истаравшан ду хати нави технологияи истеҳсолиро дар ҶСП «Оби Зулол» мавриди истифода қарор доданд - 01.07.2020 10:16
Сарвари давлат Эмомалӣ Раҳмон дар ноҳияи Деваштич Беморхонаи ноҳиявии №5-ро ифтитоҳ намуданд - 01.07.2020 10:19
Президенти мамлакат аз майдони парвариши картошка дар хоҷагии деҳқонии «Шердил»-и ноҳияи Деваштич дидан карданд - 01.07.2020 10:22
Пешвои миллат Эмомалӣ Раҳмон дар шаҳри Хуҷанд бо фаъолияти ҶДММ «Сирдарё» шинос шуданд - 02.07.2020 07:56
Сарвари давлат Эмомалӣ Раҳмон дар шаҳри Хуҷанд Маркази савдою хизматрасониро ифтитоҳ ва ба ятимон туҳфаҳо тақдим карданд - 02.07.2020 07:57
Президенти мамлакат Эмомалӣ Раҳмон марҳилаи аввали «Хати обрасонӣ аз чашмаи Деҳмойи ноҳияи Ҷаббор Расулов ба шаҳри Хуҷанд»-ро ба истифода доданд - 02.07.2020 07:58
Пешвои миллат Эмомалӣ Раҳмон дар шаҳри Хуҷанд корхонаи дӯзандагии ҶДММ «Суғдиён»-ро ифтитоҳ намуданд - 02.07.2020 08:52

Зебо Аминова “Омӯзгори сол”-и вилоят шуд

( 1 Овоз )

Зебо Аминова “Омӯзгори сол”-и вилоят шудДаври ҷамъбастии озмуни “Омӯзгори сол” бо ширкати 6 нафар ғолибони даври аввали вилоятӣ - Хусрав Усмонов, омӯзгори МТМУ №90-и шаҳри Панҷакент, Нилуфар Ахмедҷонова, омӯзгори гимназияи №1-и ноҳияи Ҷаббор Расулов, Зебо Аминова, омӯзгори литсейи Донишкадаи политехникии Донишгоҳи техникии Тоҷикистон дар шаҳри Хуҷанд, Муяссар Қориева, омӯзгори МТМУ№54-и ноҳияи ба номи Бобоҷон Ғафуров, Заррина Баротова, омӯзгори литсейи №1-и шаҳри Конибодом ва Парвиз Дониёров, омӯзгори МТМУ№15-и ноҳияи Зафаробод  дар мактаби болаёқати деҳаи Хистеварзи ноҳияи Бобоҷон Ғафуров доир гардид.

Муаллимон аз рӯи ду шарт саволу ҷавоб ва муаррифии таҷрибаи кори худ байни ҳам рақобат намуданд. Ҳамаи иштирокдорон маҳорати баланди дониш ва суханварӣ нишон дода, дар ду шарт ширкати фаъолона доштанд. Бо назардошти он ки омӯзгори фанни математикаи литсейи Донишкадаи политехникии Донишгоҳи техникӣ Зебо Аминова ҳам дар бахши саволу ҷавоб ҳам дар мавриди муаррифии таҷрибаи кори худ хеле фаъол буд, бо ҳамовозии ҳайати ҳакамон ғолиби мутлақ дониста шуд. Мақоми дуюмро омӯзгори фани забон ва адабиёт Муяссар Қориева аз ноҳияи Бобоҷон Ғафуров соҳиб шуд. Ду ҷойи сеюм насиби омӯзгорон аз шаҳри Панҷакент ва ноҳияи Зафаробод гардид.

Дар фарҷоми озмун муовини сардори Раёсати маорифи вилоят Сайфулло Раҳматов миннатдори Раёсати маорифи вилоятро ба ҳамаи ширкаткунандагони озмун расонда, ҳамзамон қайд кард, ки рӯзҳои наздик маросими қадрдонии иштирокдорон доир мегардад.

Ёддовар мешавем, ки озмуни “Омӯзгори сол ” таи чор рӯз идома ёфта, аз 18 нафар ширкаткунандагон танҳо 6 нафар ба даври ҷамъбастӣ роҳхат гирифта буданд. Акнун шарафи дастаи вилояти Суғдро дар озмуни “Омӯзгори сол”-и ҷумҳуриявӣ барандаи ҷоизаи Раиси вилояти Суғд, “Омӯзгори сол”-и вилоят, муаллифи чандин китобҳои дарсӣ Зебо Аминова ҳимоя хоҳад кард.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Зебо Аминова “Омӯзгори сол”-и вилоят шуд