Хабарҳо
вилояти Суғд - маъракаи сафарбарии наваскарон ба сафи Қувваҳои Мусаллаҳ аз 02.04.2020 - 04.04.2020 08:56
ВМКБ - маъракаи сафарбарии наваскарон ба сафи Қувваҳои Мусаллаҳ аз 02.04.2020 - 04.04.2020 08:51
Боздиди Раиси вилоят аз Ҷамъияти дорои масъулияти маҳдуди “Фаровон-1” - 03.04.2020 14:19
КОРОНАВИРУС: АЗ СИРОЯТЁБӢ ЭҲТИЁТ ШАВЕМ! - 03.04.2020 13:38
Дар ДДҲБСТ дар мавзӯи “Системаҳои иттилоотӣ: муаммаҳо ва дурнамои рушд” конференсияи илмию амалии вилоятӣ доир гардид - 03.04.2020 13:35
Суғд: Аввалин гуруҳи даъватшавандагон ба хизмати ҳарбӣ фиристода шуданд - 03.04.2020 11:21
Боздиди Раиси вилоят Раҷаббой Аҳмадзода аз ҶДММ “Атласи Хуҷанд” - 03.04.2020 10:24
Яғмогаре, ки даъвои мардумпарварӣ дорад (Ё чи тавр «дилсӯзи миллат» Кабирӣ, бинои сохташавандаи беморхонаи сироятии ҷумҳуриявиро қисм-қисм карда фурӯхт) - 02.04.2020 17:13
Ҷавоб ба муҳаррири сомонаи «рисолат.тҷ» (Нигоҳе ба равандҳо, рӯйкардҳо ва фаъолиятҳои ҲНИ) - 02.04.2020 17:11
Дар ҶДММ “Нассоҷи Хуҷанд” ва ҶДММ “Ҷавонӣ” ниқобҳои тиббӣ истеҳсол карда мешавад - 02.04.2020 16:37

Президенти мамлакат Эмомалӣ Раҳмон аз намоишгоҳи кишоварзӣ ва гармхонаи замонавӣ дар хоҷагии деҳқонии «Дӯстобод-2»-и ноҳияи Спитамен боздид ба амал оварданд

( 1 Овоз )

25 март Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Спитамен ҳамчунин аз намоиши дастовардҳои кишоварзон ва гармхонаи замонавӣ дар хоҷагии деҳқонии «Дӯстобод-2»-и деҳоти Тағояк дидан намуданд.

Аҳли заҳмати ноҳияи Спитамен наздики 40 навъи маҳсулоти кишоварзиро, ки бо истифода аз имконоту шароити мавҷуда ҳамасола парвариш мекунанд, ба намоиш гузоштанд.

Дар ноҳияи Спитамен 1600 хоҷагии деҳқонӣ мавҷуд буда, аҳли заҳмат сол то сол майдони кишту парвариши зироати ба иқлими минтақа мувофиқро дар асоси маслиҳати мутахассисони соҳа бештар мекунанд ва дар таъмини сокинон бо маҳсулоти ватании аз лиҳози экологӣ тоза саҳм мегузоранд.

Дар ноҳия баробари кишту парвариши сабзавот ба рушди соҳаи боғу токпарварӣ низ таваҷҷуҳи зиёд дода мешавад.

Тавре ба Сарвари давлат муҳтарам Эмомалӣ Раҳмон зимни боздид аз намоишгоҳ иттилоъ дода шуд, феълан масоҳати боғу токзор дар ноҳияи Спитамен ба як ҳазор гектар мерасад ва ҳамасола бо васеъ намудани майдони боғот ҳаҷми истеҳсоли меваҳои лазизу шаҳдбори ватаниро хоҷагидорон афзун мекунанд.

Парвариши сабзавот дар гармхонаҳо низ яке аз самтҳои фаъолияти пурсамари кишоварзон дар ноҳияи Спитамен буда, ин раванд бо истифода аз таҷрибаи пешқадам ва ҷорӣ намудани усулҳои муосир дар истеҳсолот аз ҷониби хоҷагидорон амалӣ карда мешавад.

Зимни боздиди Пешвои миллат, Президенти мамлакат муҳтарам Эмомалӣ Раҳмон аз гармхонаи замонавӣ дар хоҷагии деҳқонии «Дӯстобод-2» иттилоъ доданд, ки дар ноҳия 11 адад гармхонаи доимоамалкунанда дар масоҳати 3 гектар мавҷуд мебошад.

Гармхонаи замонавӣ дар деҳоти Тағояки ноҳияи Спитамен соли 2019 дар доираи дастуру ҳидоятҳои Сарвари давлат аз ҷониби соҳибкори ватанӣ, муассиси Ҷамъияти дорои масъулияти маҳдуди маркази тақсимоти яклухти «Витаминҳои Тоҷикистон» Саидмурод Давлатов таъсис дода шуда, дар он асосан сабзавот парвариш карда мешавад.

Дар гармхона парвариши помидорҳои навъи «Атия», «Аламина» ва «Пинк — Оракул» бо истифода аз технологияи муосир ба роҳ монда шуда, дар он 20 нафар сокини маҳаллӣ бо ҷойи кори доимӣ ва 40 каси дигар мавсимӣ бо шуғл таъмин мебошанд.

Дар гармхона дар марҳилаи аввал дар як гектар 26 ҳазор кӯчати помидор шинонида шуда, 60 тонна маҳсулот ҷамъоварӣ ва пешниҳоди бозори истеъмолӣ гардида буд.

Акнун соли равон бо истифода аз таҷрибаи соли гузашта ва тарҳрезии нақшаҳои нав бо интихоби тухмиҳои серҳосил дар назар аст, ки то 100 тонна ҳосил рӯёнида шавад.

Сарвари давлат муҳтарам Эмомалӣ Раҳмон ба раванди истифода аз усулҳои замонавӣ ва технологияи муосир дар гармхона барои парваришу истеҳсоли сабзавоти босифату аз ҷиҳати экологӣ тоза таваҷҷӯҳ зоҳир намуда, ин иқдоми соҳибкори ватаниро намунаи ибрат ва дастгирӣ арзёбӣ карданд.

Пас аз шиносоии Пешвои миллат, Президенти мамлакат муҳтарам Эмомалӣ Раҳмон бо ҷараёни нашъунамои ниҳолони помидор дар гармхонаи замонавӣ дар ҳамин ҷо нақшаҳои ояндаи Ҷамъияти дорои масъулияти маҳдуди маркази тақсимоти яклухти «Витаминҳои Тоҷикистон» муаррифӣ карда шуд.

Таъкид гардид, ки соҳибкори ватанӣ дар заминаи дастгириҳои Ҳукумати мамлакат нақша дорад, ки дар оянда масоҳати гармхонаро то 10 гектар расонад ва барои нигоҳдории маҳсулот сардхона бунёд менамояд.

Дар ҳамин замина бунёди корхонаи хишт ба нақша гирифта шудааст, ки баробари роҳандозии истеҳсоли маҳсулоти сохтмонӣ аз он барои таъмин кардани гармхонаҳо бо гармӣ истифода карда мешавад.

Ҳамчунин сохта ба истифода додани коргоҳи бандубаст ва коркарди маҳсулоти кишоварзӣ ба нақша гирифта шудааст.

Президенти мамлакат муҳтарам Эмомалӣ Раҳмон зимни суҳбат бо кишоварзону аҳли заҳмати ноҳияи Спитамен ба онҳо барои боз ҳам зиёд кардани масоҳати гармхонаҳо, афзун намудани истеҳсоли маҳсулоти кишоварзӣ, истифодаи пурсамари заминҳои корам ва бо ин роҳ саҳм гузоштан дар таъмини амнияти озуқаворӣ дастуру ҳидоятҳои судманд доданд.

Шарҳ додан


Защитный код
Нав кардан

ШУМО ДАР: Навиди Суғд Президенти мамлакат Эмомалӣ Раҳмон аз намоишгоҳи кишоварзӣ ва гармхонаи замонавӣ дар хоҷагии деҳқонии «Дӯстобод-2»-и ноҳияи Спитамен боздид ба амал оварданд