Хабарҳо
Шарҳи Фармони Президенти Ҷумҳурии Тоҷикистон «Дар бораи тадбирҳои тақвият бахшидани сатҳи ҳифзи иҷтимоии аҳолӣ ва зиёд намудани маоши амалкунандаи вазифавии хизматчиёни давлатӣ, кормандони муассисаю ташкилотҳои буҷетӣ, андозаи нафақа ва стипендия» - 05.08.2020 09:46
Фармони Президенти Ҷумҳурии Тоҷикистон дар бораи тадбирҳои тақвият бахшидани сатҳи ҳифзи иҷтимоии аҳолӣ ва зиёд намудани маоши амалкунандаи вазифавии хизматчиёни давлатӣ, кормандони ташкилоту муассисаҳои буҷетӣ, андозаи нафақа ва стипендия - 05.08.2020 09:42
Ҷаласаи Шўрои Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид - 04.08.2020 14:26
Барои идомаи сохтмони хати оби нӯшокӣ дар шаҳраки Шӯроб дар марҳилаи аввал 1,2 миллион сомонӣ ҷудо гардидааст - 04.08.2020 09:54
6 август дар Душанбе ҷаласаи дуюми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати шашум доир мешавад - 04.08.2020 09:50
Хуҷанд: Тақдими 150 адад либосҳои мактабӣ ба хонандагони ятиму камбизоат - 04.08.2020 09:45
Оғози корҳои таъмиру мумфаршкунии 1,5 километр роҳ дар Ҷамоати деҳоти Ворух - 04.08.2020 09:41
Наимова Раҷамо модари Сангова Сумая духтаре, ки Кури Юнус фиребаш дод - 03.08.2020 23:23
Дар ноҳияи Спитамен корхонаи коркади шир бунёд ва 50 нафар бо ҷойи корӣ таъмин мегарданд - 03.08.2020 15:11
Таҷрибаи оилаи Эмомовҳо дар самти захираи маҳсулот шоистаи пайравӣ аст - 03.08.2020 15:09

«Муҳоҷират ва сирояти Вируси норасоии масунияти одам (ВНМО)» - баргузории мизи мудаввар дар Истаравшан

( 0 Овоз )

Бо мусоидати мақомоти иҷроияи ҳокимияти давлатӣ ва ташаббуси бахши хадамоти муҳоҷират дар якҷоягӣ бо ташкилоти байналмилалии Барномаи ICAP-и  Донишгоҳи Колумбия дар Ҷумҳурии Тоҷикистон дар қаҳвахонаи «Муродӣ»-и шаҳри Истаравшан дар мавзӯи «Муҳоҷират ва сирояти Вируси норасоии масунияти одам (ВНМО)» мизи мудаввар доир гардид.

Дар мизи мудаввар директори Маркази ҷумҳуриявии ташаккули тарзи ҳаёти солим Парвина  Мухторова, директори Маркази вилоятии пешгирӣ ва мубориза бар зидди бемории ВНМО Фирӯз Комилов, ҳамоҳангсози миллии Барномаи ICAP-и Донишгоҳи Колумбия дар Ҷумҳурии Тоҷикистон Саидмумин Холов, директори Маркази шаҳрии пешгирӣ ва мубориза бо ВНМО Машхудҷон Бобоев, кормандони шуъбаҳои рушди иҷтимоӣ ва робита бо ҷомеа, занон ва оила ва бахшҳои хадамоти муҳоҷират, ҷавонон ва варзиш, фаъолон, намояндагони ҷамоатҳои деҳоту кумитаи маҳаллаҳо ва васоити ахбори омма иштирок доштанд.

Муовини раиси шаҳр Нигора Наимҷонзода меҳмононро ба Истаравшан хайрамақдам гуфта, иброз дошт, ки пешгирӣ ва мубориза бар зидди бемориҳои сироятӣ, аз ҷумла ВНМО ва ҳарчи зудтар ба ташхису табобат ҷалб намудани шахсони ба ин беморӣ гирифторшуда ҳадафи асосӣ маҳсуб меёбад.

Сипас, маърӯзаи директори Маркази ҷумҳуриявии ташаккули тарзи ҳаёти солим Парвина Мухторова шунида шуд. Мавсуф аз ҷумла қайд намуд, ки ҳифзи саломатии аҳолӣ ҳамеша дар мадди назари Ҳукумати мамлакат ва Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад. Сол то сол маблағгузории соҳаи тандурустӣ зиёд гардида, дар деҳаҳои дурдастарин бунгоҳҳои тиббӣ, марказҳои саломатӣ, беморхонаҳо бунёд ва таҷҳизотҳои муосири ҷавобгӯ ба стандартҳои ҷаҳонӣ вориди муассисаҳои соҳаи тандурустии кишвар шуда истодаанд.

Пӯшида нест, ки барои беҳтар кардани сатҳи зиндагӣ ва дарёфти ризқу рӯзии хонавода ҳамасола  қисме аз шаҳрвандони мамлакат дар хориҷи кишвар ҳамчун муҳоҷири меҳнатӣ фаъолият мекунанд ва таҳлилҳо нишон медиҳанд, ки сатҳи маълумотнокии онҳо оид ба пешгирӣ, ташхису табобати бемориҳои гузаранда на он қадар баланд аст. Мақсад аз ташкили мизи мудаввари имрӯза дар якҷоягӣ дарёфт намудани роҳҳои баланд бардоштани сатҳи маърифати тиббии муҳоҷирон ва ҳалли мушкилоту муаммои ҷойдошта аст.

Таъкид карда шуд, ки ҳоло бо дастгирии Барномаи ICAP-и Донишгоҳи Колумбия дар Ҷумҳурии Тоҷикистон, иқдоми Вазорати тандурустӣ ва ҳифзи иҷтимои аҳолӣ, Маркази ҷумҳуривии ташаккули тарзи ҳаёти солим ва Маркази мубориза бар зидди ВНМО мониторҳои калон дар фурудгоҳҳои шаҳри Душанбеву Хуҷанд  шабонарӯзӣ оид ба пешгирии ВНМО ва дигар бемориҳои гузаранда видеоролик пахш карда истодаанд. Мақсад аз роҳандозии амали мазкур он аст, ки шаҳрвандон оид ба роҳҳо ва сабабҳои сироятёбӣ,  усулҳои пешгириву ҳимоят аз онҳо, ҳангоми ошкор шудани беморӣ ба куҷо  муроҷиат намудан ва саривақт бо ташхису табобат фаро гирифтани худ маълумоти зарурӣ пайдо намоянд.

Дар идомаи чорабинӣ директори Маркази вилоятии пешгирӣ ва мубориза бар зидди бемории ВНМО Фирӯз Комилов доир ба рафти татбиқи «Барномаи миллӣ оид ба муқовимат бо эпидемияи вируси норасоии масунияти одам барои солҳои 2017-2020» ва ҳадафу вазифаҳои он гузориш дод.

Ҳамзамон, ҳамоҳангсози миллии Барномаи ICAP-и Донишгоҳи Колумбия дар Ҷумҳурии Тоҷикистон  Саидмумин Холов, директори Маркази пешгирӣ ва мубориза бо ВНМО дар шаҳр Машҳуд Бобоев, мутахассиси пешбари бахши хадамоти муҳоҷират Фирдавс Ҳакимов, рӯзноманигор Сайфулло Махкамов, мудири шуъбаи рушди иҷтимоӣ ва робита бо ҷомеаи шаҳр Парвиз Почокалонов ва сармутахассиси шуъбаи мазкур Ғайратулло Неъматов доир ба мавзӯи мизи мудаввар фикру мулоҳизаҳои хешро низ иброз намуданд.

Дар фарҷоми вохӯрӣ муовини раиси шаҳр Нигора Наимҷонзода низ дар симои аҳли толор аҳли ҷомеаро ба муборизаи  дастҷамъона даъват кард.

Хадамоти матбуоти

Раиси вилояти Суғд


Шарҳ додан


Защитный код
Нав кардан

ШУМО ДАР: Навиди Суғд «Муҳоҷират ва сирояти Вируси норасоии масунияти одам (ВНМО)» - баргузории мизи мудаввар дар Истаравшан