Хабарҳо
Шарҳи Фармони Президенти Ҷумҳурии Тоҷикистон «Дар бораи тадбирҳои тақвият бахшидани сатҳи ҳифзи иҷтимоии аҳолӣ ва зиёд намудани маоши амалкунандаи вазифавии хизматчиёни давлатӣ, кормандони муассисаю ташкилотҳои буҷетӣ, андозаи нафақа ва стипендия» - 05.08.2020 09:46
Фармони Президенти Ҷумҳурии Тоҷикистон дар бораи тадбирҳои тақвият бахшидани сатҳи ҳифзи иҷтимоии аҳолӣ ва зиёд намудани маоши амалкунандаи вазифавии хизматчиёни давлатӣ, кормандони ташкилоту муассисаҳои буҷетӣ, андозаи нафақа ва стипендия - 05.08.2020 09:42
Ҷаласаи Шўрои Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид - 04.08.2020 14:26
Барои идомаи сохтмони хати оби нӯшокӣ дар шаҳраки Шӯроб дар марҳилаи аввал 1,2 миллион сомонӣ ҷудо гардидааст - 04.08.2020 09:54
6 август дар Душанбе ҷаласаи дуюми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати шашум доир мешавад - 04.08.2020 09:50
Хуҷанд: Тақдими 150 адад либосҳои мактабӣ ба хонандагони ятиму камбизоат - 04.08.2020 09:45
Оғози корҳои таъмиру мумфаршкунии 1,5 километр роҳ дар Ҷамоати деҳоти Ворух - 04.08.2020 09:41
Наимова Раҷамо модари Сангова Сумая духтаре, ки Кури Юнус фиребаш дод - 03.08.2020 23:23
Дар ноҳияи Спитамен корхонаи коркади шир бунёд ва 50 нафар бо ҷойи корӣ таъмин мегарданд - 03.08.2020 15:11
Таҷрибаи оилаи Эмомовҳо дар самти захираи маҳсулот шоистаи пайравӣ аст - 03.08.2020 15:09

Муроҷиатномаи Шӯрои занони вилояти Суғд ба кулли мардуми шарифи Тоҷикистони соҳибистиқлол

( 0 Овоз )

Дар арафаи таҷлили Рӯзи Конститутсияи Ҷумҳурии Тоҷикистон, ки ҳамасола мардуми шарафманди кишвар бо шукргузорӣ аз соҳибистиқлолӣ дар фазои сулҳу оромӣ бо як шукӯҳу шаҳомати хоса ҷашн мегиранд, душманони миллат хостанд як гӯшаи ватанамонро ноором сохта, ба сулҳу суботи кишвар латма зананд.

Хоинони ватан ба дидбонгоҳи марзии “Султонобод” воқеъ дар ноҳияи Рӯдакӣ, соати 03:23-исубҳи 6-уминоябри соли 2019 ҳамлаи мусаллаҳона намуда, мехостанд бо ин амали зишту ноҷавонмардонаи хеш обрӯву нуфузи Тоҷикистонро дар арсаи байналмилалӣ коста гардонанд. Лекин, онҳо ба ин мақсадҳои нопоку зишти худ нарасиданд.

Дар натиҷаи андешидани тадбирҳои фаврии мақомотҳои қудратӣ дар ҷойи ҳодиса 15 ҳамла ва кушта ва панҷ тани дигар дастгир шуданд. Мутаассифона, афсарону сарбозони шуҷову далери ватан бар зидди хоинони миллат зиддият нишон дода, қаҳрамонона ҳалок гардиданд.

Мо, кулли бонувони Суғдзамин ба падару модар, наздикону пайвандони онҳо сабри ҷамил хоста, барои тарбияи чунин фарзанди ватандӯсту шуҷоъ арзи сипос менамоем. Худо кунад, ки ҳамаи модарони мо фарзандони хешро дар руҳияи худшиносиву худогоҳӣ ва ифтихори миллӣ тарбия намуда, ба камол расонанд.

Ин ҳодисаи нангини рухдода, кулли модарони Ватани азизамонро ором намегузорад. Ин рўйдод дили модаронро реш-реш кардаву аз рафтору кирдори бераҳмонаи хиёнаткорон мо ҳамагон ангушти ҳайрат мегазем.

Аммо ҳастанд инсонҳое, ки ба қадри сулҳу ваҳдат ва осоиштагӣ нарасида, монанди заҳрпечак мехоҳанд Ватани озоду ободи моро заҳролуд намоянд.

Он душманони миллат, ки дидаву дониста ба оромии ҷомеаи мо халал ворид месозанд ва кишвари орому мардуми дорои маданияти волоро ба ҷаҳониён бо дигар усул муаррифӣ месозанд, ҳаргиз ба мақсади нопоки хеш намерасанд. Зеро имрўз мақомоти қудратии кишвар ва аз ҳама муҳимаш мардуми сарбаланди тоҷик имкон дорад, ки садди роҳи чунин ҳодисаҳои нангин гардад.

Заҳматҳои шабонарўзии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон танҳо баҳри рушди бемайлони кишвар, фароҳам овардани зиндагии шоиста ба мардум ва муаррифии мамлакати биҳиштосоямон ба ҷаҳониён нигаронида шуда, моро дар навбати худ водор месозад, ки дар сурати халалдор шудани вазъи амнияти кишвар бетарафӣ зоҳир накунем.

Мо, занон бояд аз як гиребон сар бароварда, зиракиву ҳушёрии сиёсиро аз даст надода, бар зидди ин ҳаракатҳо мубориза барем ва барои гулгулшукуфоии Тоҷикистони азизамон саҳми босазо гузорем. Ваҳдати миллӣ ва Истиқлолияти давлатиамонро ҳифз намоем.

Осуда зистан, аз ҳавои беғубор нафас кашидан, дилхоҳ ихтисосро интихоб кардану таҳсили илм намудан, дар сари дастурхон сарҷамъона нишастан ин ҳама неъмати Истиқлолият аст. Истиқлолият волотарин ва пурарзиштарин дастоварди давлату миллати тоҷик аст. Ин неъмати бузург баробари ба даст овардан, нуру зиё, меҳру вафо, ободию озодӣ, ҳамфикрию ҳамзистӣ ва осоиштагиву абадиятро ба мардуми бузурги тоҷик ва Тоҷикистони азиз ҳадя намудааст.

Бонувон дарк намуданд, ки оромию амнияти ҷомеа дастоварди беназир ва неъмати бебаҳоаст. Аз ин лиҳоз, онро чун гавҳараки чашм нигаҳдорӣ ва ҳифз менамоянд.

Мо, бонувон ин амали зишту ноҷавонмардонаро сахт маҳкум менамоем. Шароите, ки ҳоло дар кишварамон барои зиндагӣ муҳайёст, сазовори садҳо шукрона мебошад. Халқи тоҷик ҳамаи ин ободиву шукуфоии мамлакатро дида истода, бо боварӣ гуфта метавонад, ки ҳеҷ гоҳ ба душманон ва хоинони миллати тоҷик бовар нахоҳад кард. Итминон дорем, ки хиёнаткорон бо ин кирдори нопокашон ҷазои сазоворро хоҳанд гирифт.

Мо, занону бонувони сарбаланд ва бонангу номуси вилояти Суғд сиёсати оқилона, хирадмандона, дурандешона ва халқпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро сад дар сад ҷонибдорӣ намуда, баҳри амалигардонии он, ки омили муҳими ободию шукуфоии ватан мебошад саҳми босазо мегузорем.

Муроҷиатнома санаи 11 ноябри соли 2019
дар ҷаласаи васеи Шӯрои занони
вилояти Суғд қабул карда шуд

Шарҳ додан


Защитный код
Нав кардан

ШУМО ДАР: Навиди Суғд Муроҷиатномаи Шӯрои занони вилояти Суғд ба кулли мардуми шарифи Тоҷикистони соҳибистиқлол