Хабарҳо
Президенти мамлакат Эмомалӣ Раҳмон бо истифодаи мақсадноки замини наздиҳавлигӣ дар деҳоти Деҳмойи ноҳияи Ҷаббор Расулов шинос шуданд - 02.07.2020 11:06
Суханронии Пешвои миллат Эмомалӣ Раҳмон дар мулоқот бо роҳбарон ва фаъолони вилояти Суғд - 03.07.2020 11:59
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд - 03.07.2020 13:05
Пешвои миллат Эмомалӣ Раҳмон дар шаҳри Истаравшан ду хати нави технологияи истеҳсолиро дар ҶСП «Оби Зулол» мавриди истифода қарор доданд - 01.07.2020 10:16
Сарвари давлат Эмомалӣ Раҳмон дар ноҳияи Деваштич Беморхонаи ноҳиявии №5-ро ифтитоҳ намуданд - 01.07.2020 10:19
Президенти мамлакат аз майдони парвариши картошка дар хоҷагии деҳқонии «Шердил»-и ноҳияи Деваштич дидан карданд - 01.07.2020 10:22
Пешвои миллат Эмомалӣ Раҳмон дар шаҳри Хуҷанд бо фаъолияти ҶДММ «Сирдарё» шинос шуданд - 02.07.2020 07:56
Сарвари давлат Эмомалӣ Раҳмон дар шаҳри Хуҷанд Маркази савдою хизматрасониро ифтитоҳ ва ба ятимон туҳфаҳо тақдим карданд - 02.07.2020 07:57
Президенти мамлакат Эмомалӣ Раҳмон марҳилаи аввали «Хати обрасонӣ аз чашмаи Деҳмойи ноҳияи Ҷаббор Расулов ба шаҳри Хуҷанд»-ро ба истифода доданд - 02.07.2020 07:58
Пешвои миллат Эмомалӣ Раҳмон дар шаҳри Хуҷанд корхонаи дӯзандагии ҶДММ «Суғдиён»-ро ифтитоҳ намуданд - 02.07.2020 08:52

«Пешвои миллат ва эҳёи тамаддуни тоҷикон» - таҳти ин унвон конференсияи ҷумҳуриявӣ доир шуд

( 1 Овоз )

«Пешвои миллат ва эҳёи тамаддуни тоҷикон» - таҳти ин унвон санаи 29 октябри соли 2019 дар Донишгоҳи давлатии ҳуқуқ, бизнес ва сиёсати Тоҷикистон конференсияи ҷумҳуриявии илмию назариявӣ доир гардид.

Дар кори ҳамоиш намояндагони Вазорати маориф ва илми Ҷумҳурии Тоҷикистон, Кумитаи ҷавонон ва варзиши назди Ҳукумати Ҷумҳурии Тоҷикистон, Мақомоти иҷроияи ҳокимияти давлатии вилояти Суғд ва олимону мутахассисони муассисаҳои таҳсилоти олии касбии мамлакат ширкат намуданд. Нахуст меҳмонон аз дастовардҳои илмию техникӣ ва таҳқиқотии донишҷӯёну олимони ҷавон шинос гардиданд.

Сипас, ҳамоиши «Пешвои миллат ва эҳёи тамаддуни тоҷикон»-ро ректори донишгоҳ, профессор Муъмин Шарифзода ифтитоҳ намуда, доир ба саҳми Пешвои миллат Эмомалӣ Раҳмон дар таъмини сулҳу субот, рушди соҳаҳои мухталифи хоҷагии халқи мамлакат ва ташаббусҳои байналмилалӣ сухан кард.

Дар бахши ифтитоҳии конференсия маърӯзаҳои илмӣ дар мавзӯҳои “Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон Эмомалӣ Раҳмон – кафили сулҳу субот, амнияти миллӣ ва сиёсатмадори ҷаҳонӣ”, “Татбиқи ҳадафҳои стратегӣ ва дурнамои рушди Тоҷикистон аз дидгоҳи Пешвои миллат Эмомалӣ Раҳмон”, “Пешвои миллат Эмомалӣ Раҳмон – посдори таърих ва эҳёгари арзишҳои миллӣ”,“Саҳми Пешвои миллат Эмомалӣ Раҳмон дар такмили қонунгузории Ҷумҳурии Тоҷикистон”, “Ҳадафҳои Пешвои миллат дар рушди деҳот, сайёҳӣ ва ҳунарҳои мардумӣ”, “Пешвои миллат ва масъалаҳои татбиқи сиёсати давлатии ҷавонон” ва “Нақши Пешвои миллат дар ҳалли масъалаҳои глобалии замони муосир” шунида шуд.

Мубодилаи афкор доир ба фаъолияти сиёсӣ, иқтисодӣ, иҷтимоӣ, фарҳангӣ ва хидматҳои шоистаии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон Эмомалӣ Раҳмон дар бунёд ва густариши давлати навини Тоҷикистон ҳадафи анҷумани илмӣ арзёбӣ мегардад.

Дар интиҳои бахши пленарӣ барои маърӯзаҳои пурмуҳтаво ба як зумра иштирокчиён Сипоснома ва ба ғолибони озмуни беҳтарин корҳои илмию тадқиқотӣ таҳти унвони “Пешвои миллат ва эҳёи тамаддуни тоҷикон”, ки донишҷӯёну хонандагони литсейи донишгоҳ буданд, мукофотҳои пуливу туҳфаҳои хотиравии раёсати донишгоҳ тақдим гардид.

Конференсияи ҷумҳуриявии илмию назариявии «Пешвои миллат ва эҳёи тамаддуни тоҷикон» дар бахшҳо идома дорад.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд «Пешвои миллат ва эҳёи тамаддуни тоҷикон» - таҳти ин унвон конференсияи ҷумҳуриявӣ доир шуд