Хабарҳо
Баргузории семинари дастурдиҳӣ ва омӯзишӣ дар Раёсати маорифи вилояти Суғд - 20.11.2019 15:05
Президенти Ҷумҳурии Тоҷикистон Эмомалӣ Раҳмон аз 11 сафири навтаъйини кишварҳои хориҷӣ эътимоднома қабул намуданд - 20.11.2019 13:25
Кишоварзони вилояти Суғд нақшаи истеҳсоли пахтаро 100% иҷро намуданд - 20.11.2019 13:10
21 ноябр маросими ҷамъбастии Озмуни ҷумҳуриявии «Беҳтарин шеъри бачагона» баргузор хоҳад шуд - 20.11.2019 10:10
Шиносоии Раиси вилоят бо ҷараёни корҳои ободонӣ дар шаҳри Панҷакент - 19.11.2019 13:12
Ба истиқболи 5500-солагии шаҳраки Саразми бостонӣ дар Панҷакент наздик 30 иншоот бунёд мегардад - 19.11.2019 11:57
Дар шаҳрҳои саноатии Хуҷанд, Истиқлол, Бӯстон ва Гулистон ярмарка-фурӯши маҳсулоти кишоварзӣ доир шуд - 16.11.2019 15:59
Ғолибони мусобиқаи ҷумҳуриявӣ оид ба шиноварӣ муайян гардиданд - 16.11.2019 15:55
Дар Қасри таърихии Арбоб бахшида ба Рўзи Президенти Ҷумҳурии Тоҷикистон ҷамъомади тантанавӣ доир шуд - 16.11.2019 13:46
Муроҷиатномаи Шӯрои занони вилояти Суғд ба кулли мардуми шарифи Тоҷикистони соҳибистиқлол - 15.11.2019 17:11

Муаррифии имкониятҳои вилояти Суғд дар самти истеҳсол ва содироти маҳсулоти кишоварзӣ​​

( 0 Овоз )
  • Пешина
  • 1 of 4
  • Минбаъда

Вилояти Суғд дар самти истеҳсоли маҳсулоти кишоварзӣ имкониятҳои фарох дошта, ҳамасола ба хориҷи кишвар ба маблағи даҳҳо миллион доллари амрикоӣ маҳсулоти кишоварзӣ содирот менамояд. Ин нукта имрӯз зимни баргузории семинари машваратие, ки дар Боғи милии “Ваҳдат” сурат гирифт, таъкид шуд.

Дар кори семинар Раиси вилояти Суғд Раҷаббой Аҳмадзода, соҳибкорон аз Федератсияи Россия, намояндагони соҳаи кишоварзии шаҳру ноҳияҳои вилоят ва олимону мутахассисон иштирок намуданд.

Раҷаббой Аҳмадзода зимни суханронии худ таъкид кард, ки бо ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кишоварзони вилояти Суғд ҷиҳати таъмини рушди соҳа аз имкониятҳои мавҷуда самаранок истифода бурда, дар таъмини амнияти озуқаворӣ саҳми арзандаи худро мегузоранд. Илова бар таъмини бозори дохилӣ, дастранҷи деҳқонони вилоят ҳамчунин ба хориҷи кишвар низ содирот карда мешавад.

Таъкид гардид, ки мақомоти иҷроияи ҳокимияти давлатии вилоят барои дарёфти бозорҳои нав ва содироти маҳсулоти кишоварзӣ ба хориҷа ҳавасманд буда, дар ин самт тадбирҳои судманд андешида истодааст.

Тибқи маълумоти гумрукӣ ҳаҷми умумии содироти маҳсулоти кишоварзӣ то ба санаи 1-уми октябр бештар аз 35 миллион долларро ташкил медиҳад. Дар ин давра аз вилояти Суғд 53 ҳазору 206 тонна сабзавот, аз ҷумла 53 ҳазору 54 тонна пиёз, 15 ҳазору 583 тонна меваҷот, аз ин миқдор 4 ҳазору 248 тонна меваи тар, 291 тонна ангур,​ 159 тонна консерваҳо, 16 ҳазору 490 тонна нахи пахта, 153 ҳазору 200 дона чарми хом содирот гардидааст ва ин нишондод нисбати соли гузашта содироти меваи тар 1416 тонна, ангур 18 тонна​ ва чарми хом 39140 дона зиёд гардидааст.

Ба таъкиди Раиси вилоят ин нишондиҳандаҳо ҳанӯз қонеъкунанда набуда, масъулин бояд барои беҳтар ба роҳ мондани содироти маҳсулот ва ташкили корхонаҳои коркарди маҳсулоти хоҷагии қишлоқ корҳои заруриро ба сомон расонанд. Дар ин ҷода тақвияти ҳамкориҳо бо сармоягузорони дохиливу хориҷӣ зарур шуморида шуд.

Раҷаббой Аҳмадзода ҳамзамон аз иқдоми соҳибкори бурунмарзӣ Мақсудҷон Абдуҷалилов, ки барои бунёди корхонаи коркарди сабзавот камари ҳиммат бастааст, хуш истиқбол кард ва иброз дошт, ки маҳсулот барои коркард фаровон мебошад.

Барои​ ҳарчи бештар содирот намудани маҳсулоти кишоварзӣ роҳбари вилоят дар назди шахсони масъул вазифаҳои мушаххас гузошта. Дастур дода шуд, ки парвариши зироатҳои кишоварзӣ, аз қабили пиёз, сабзӣ, лаблабу, каду, памидору бодиринг ба таври васеъ ба роҳ монда шуда, майдони боғу токзор зиёд ва ҳаҷми истеҳсоли мева ва ангур бештар карда шавад.

Сипас, муовини Раиси вилоят Рустам Каримзода ба иштирокдорони семинар ва соҳибкорони Россия оид ба имкониятҳои шаҳру навоҳии вилоят дар самти истеҳсоли маҳсулоти кишоварзӣ маълумот дод.

Дар семинар ҳамзамон Сергей Макаренко, соҳибкор аз Федератсияи Россия, ки бори охир соли 1993 ба Тоҷикистон омада буд, аз таасуроташ аз ин сафар, нақшаву барномаҳо вобаста ба ҳамкорӣ бо деҳқонон, коркади сабзавот ва содироти он ба кишварҳои хориҷ суҳбат кард. Аз ҷониби ин соҳибкор пешниҳод карда шуд, ки бояд тухмиҳои нав ворид ва ба истеҳсолот ҷорӣ карда шавад.

Соҳибкори бурунмарзӣ Мақсудҷон Абдуҷалилов бошад ҳавасмандии худро ҷиҳати бунёди корхонаи коркарди сабзавот ва дастгирии деҳқонон изҳор дошт.

Хадамоти матбуоти

Раиси вилояти Суғд


Шарҳ додан


Защитный код
Нав кардан

ШУМО ДАР: Навиди Суғд Муаррифии имкониятҳои вилояти Суғд дар самти истеҳсол ва содироти маҳсулоти кишоварзӣ​​