Хабарҳо
Президенти мамлакат Эмомалӣ Раҳмон бо истифодаи мақсадноки замини наздиҳавлигӣ дар деҳоти Деҳмойи ноҳияи Ҷаббор Расулов шинос шуданд - 02.07.2020 11:06
Суханронии Пешвои миллат Эмомалӣ Раҳмон дар мулоқот бо роҳбарон ва фаъолони вилояти Суғд - 03.07.2020 11:59
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд - 03.07.2020 13:05
Пешвои миллат Эмомалӣ Раҳмон дар шаҳри Истаравшан ду хати нави технологияи истеҳсолиро дар ҶСП «Оби Зулол» мавриди истифода қарор доданд - 01.07.2020 10:16
Сарвари давлат Эмомалӣ Раҳмон дар ноҳияи Деваштич Беморхонаи ноҳиявии №5-ро ифтитоҳ намуданд - 01.07.2020 10:19
Президенти мамлакат аз майдони парвариши картошка дар хоҷагии деҳқонии «Шердил»-и ноҳияи Деваштич дидан карданд - 01.07.2020 10:22
Пешвои миллат Эмомалӣ Раҳмон дар шаҳри Хуҷанд бо фаъолияти ҶДММ «Сирдарё» шинос шуданд - 02.07.2020 07:56
Сарвари давлат Эмомалӣ Раҳмон дар шаҳри Хуҷанд Маркази савдою хизматрасониро ифтитоҳ ва ба ятимон туҳфаҳо тақдим карданд - 02.07.2020 07:57
Президенти мамлакат Эмомалӣ Раҳмон марҳилаи аввали «Хати обрасонӣ аз чашмаи Деҳмойи ноҳияи Ҷаббор Расулов ба шаҳри Хуҷанд»-ро ба истифода доданд - 02.07.2020 07:58
Пешвои миллат Эмомалӣ Раҳмон дар шаҳри Хуҷанд корхонаи дӯзандагии ҶДММ «Суғдиён»-ро ифтитоҳ намуданд - 02.07.2020 08:52

Дар ноҳияи Спитамен то имрӯз 6384 тонна пахта ҷамъоварӣ намуданд

( 0 Овоз )

Раиси вилояти Суғд Раҷаббой Аҳмадзода дар идомаи шиносоиҳо бо рафти ҷамъоварии “тиллои сафед” дар навоҳии пахтакори вилоят рӯзи 9 октябр ба ноҳияи Спитамен ташриф овард.

Чуноне зимни боздиди Раҷаббой Аҳмадзода аз пахтазори хоҷагиҳои деҳқонии “Саидмуродсаркор” ва “Ӯлҷабобо” иттилоъ дода шуд, дар ноҳия ҷамъоварии ҳосил муташаккилона идома дошта, то имрӯз заркорони ноҳия 6384 тонна пахта ҷамъоварӣ намудаанд, ки ин ба 48 дарсади нақша баробар аст.

Таъкид карда шуд, ки бо ташаббуси хоҷагиҳои деҳқонӣ ҳашарчиён низ ба пахтачинӣ ҷалб гардида, аз имкониятҳои мавҷуда самаранок истифода бурда мешавад. Масалан, саҳмдорони хоҷагии деҳқонии “Саидмуродсаркор” дар якҷоягӣ бо чинакчиён то имрӯз наздик 60 тонна ва саҳмдорони хоҷагии деҳқонии “Ӯлҷабобо” 17 тонна пахта чида, онро ба корхонаи коркарди пахтаи “25-солагии Истиқлолият” супоридаанд.

Хоҷагии деҳқонии “Саидмуродсаркор”, ки дар Ҷамоати деҳоти Т. Ӯлҷабоев ҷойгир аст, дорои 113 гектар замин, аз ҷумла 90 гектар замини обӣ мебошад. 87 нафар саҳмдорони хоҷагӣ соли равон дар 42 гектар пахта, 2 гектар ҷуворимакка барои дон, 15 гектар юнучқа, 1 гектар картошка ва 10 гектар гандум кишт карда, бо меҳнати шабонарӯзии худ 25 тонна картошка, 42 тонна гандум, 2 тонна ҷуворимакка, 45 тонна юнучқа ва 540 тонна маккасилос, инчунин 4 тонна мева истеҳсол намудаанд.

14 нафар саҳмдорони хоҷагии деҳқонии “Ӯлҷабобо”-и Ҷамоати деҳоти Тағояк бошанд 13 гектар заминро дар ихтиёр доранд ва имсол дар 7,5 гектар пахта парвариш кардаанд.

Раиси вилоят ҳангоми мулоқот бо хоҷагидорону чинакчиён иброз дошт, ки бояд ҳосили бо ранҷ парваридаро то пағаи охирин ҷамъоварӣ намоянд. Гуфта шуд, ки пахта дар саҳро зиёд буда, теъдоди ​ чинакчиён дар ҳоли ҳозир нокифоя мебошад. Дар ин замина ба роҳбарияти ноҳия дастур дода шуд, барои ҷамъоварии беталафи ҳосил ҳашарчиёну чинакчиёнро боз ҳам бештар ҷалб созанд.

Сипас, Раиси вилоят бо фаъолияти корхонаҳои коркарди пахтаи ҶДММ “25-солагии Истиқлолият” ва ҶДММ “Спитаментекстайл” шинос шуда, ба роҳбарияти корхонаҳо ҷиҳати қабули саривақтӣ ва коркади ашёи хому ҳавасмандкунии кормандон супоришҳо дод.

Ҷоизи зикр аст, ки ҶДММ “25-солагии Истиқлолият” дар мавсими имсола 4563,1 тонна пахтаро қабул намудааст, ки ин ба 71 дарсади ҳаҷми умумии истеҳсоли пахта ноҳия баробар аст. Дар ин корхона 60 нафар бо ҷойи кори мавсимӣ таъмин буда, аз 1000 то 1500 сомонӣ маош мегиранд.

Дар ҶДММ “Спитаментекстайл” 27 нафар ба таври доимӣ фаъолият доранд. Маоши коргарони корхона 800 - 1200 сомониро ташкил медиҳад.

Хадамоти матбуоти

Раиси вилояти Суғд





Шарҳ додан


Защитный код
Нав кардан

ШУМО ДАР: Навиди Суғд Дар ноҳияи Спитамен то имрӯз 6384 тонна пахта ҷамъоварӣ намуданд