Хабарҳо
Президенти мамлакат Эмомалӣ Раҳмон рамзи «Солҳои рушди деҳот, сайёҳӣ ва ҳунарҳои мардумӣ» эълон гардидани солҳои 2019-2021-ро тасдиқ намуданд - 23.01.2020 16:35
Пешвои миллат Эмомалӣ Раҳмон рамзи «30-солагии Истиқлолияти давлатии Ҷумҳурии Тоҷикистон»-ро тасдиқ намуданд - 23.01.2020 15:54
Нишасти 179-уми маҳфили “Ганҷи сухан” ба 5500-солагии Саразми бостонӣ ва 700 - солагии Камоли Хуҷандӣ бахшида шуд - 22.01.2020 10:33
Мусобиқаи кушоди ҷумҳуриявӣ оид ба волейбол ҷамъбаст гардид - 22.01.2020 08:40
Фармонҳои Президенти Ҷумҳурии Тоҷикистон - 21.01.2020 16:00
Зиндагии шоиста - ҳадафи асосӣ - 21.01.2020 11:00
Ғолибони озмуни "Шоҳмотбози беҳтарин" муайян гардиданд - 21.01.2020 10:51
Таъсиси комиссияи вилоятӣ оид ба муташаккилона гузаронидани маъракаи ободониву кабудизоркунии маҳалли зист - 21.01.2020 10:43
Қарори навбатии Раиси вилояти Суғд ба тасвиб расид - 21.01.2020 10:39
Озмуни вилоятии “Ҳунарҳои ороишӣ аз санг” гузаронида мешавад ​ - 21.01.2020 10:23

Дар Хуҷанд конференсияи 8-уми байналмилалии “Хусусиятҳои экологии гуногунии биологӣ” оғоз ёфт

( 0 Овоз )

Дирӯз дар Театри мазҳака ва мусиқии ба номи Камоли Хуҷандии шаҳри Хуҷанд конференсияи 8-уми байналмилалии “Хусусиятҳои экологии гуногунии биологӣ” баргузор гашт. Дар ин бора аз Донишгоҳи давлатии Хуҷанд хабар доданд.

Ба иттилои манбаъ конференсияи мазкур бо ташаббуси Донишгоҳи давлатии Хуҷанд ба номи академик Бобоҷон Ғафуров дар ҳамкорӣ бо Академияи илмҳои Ҷумҳурии Тоҷикистон доир шуд ва дар он муовини Раиси вилояти Суғд Рустам Каримзода, муовини раиси Маҷлиси намояндагони маҷлиси Олии Ҷумҳуриҳои Тоҷикистон Акрамшо Фелалиев, олимону намояндагон аз Академияи илмҳои Ҷумҳурии Тоҷикистон, профессорону намояндагони илм аз Федератсияи Русия, кишварҳои Ӯзбекистону Қирғизистон, устодону олимон, магистрантону аспирантон ва донишҷӯёни Донишгоҳи давлатии Хуҷанд иштирок доштанд.

Муовини Раиси вилояти Суғд Рустам Каримзода зимни суханронии худ ҳозиринро хайрамакдам гуфта, қайд намуд, ки бори сеюм аст, ки чунин конфронси сатҳи байналмилалӣ дар шаҳри Хучанд баргузор мегардад.

Муовини раиси Маҷлиси намояндагони Маҷлиси Олии Ҷумҳурии Тоҷикистон Акрамшо Фелалиев доир ба тадбирҳои андешидаи Ҳукумати Ҷумҳурии Тоҷикистон дар самти рушди илму техника таҳти роҳбарии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сухан намуда, оид ба ҳалли муаммоҳои экологӣ ва биологӣ андешаҳои судманди хешро ироа дошт.

Конференсияи 8-уми байналмилалии “Хусусиятҳои экологии гуногунии биологӣ” бо фарогирии мавзӯъҳои мубрами экологӣ ва биологӣ бо ширкати олимону намояндагон аз Академияи илмҳои Ҷумҳурии Тоҷикистон, профессорону намояндагони илм аз Русия, Ӯзбекистон, Қирғизистон, устодону олимон ва магистрантону аспирантони Донишгоҳи давлатии Хуҷанд ба номи академик Бобоҷон Ғафуров дар 4 бахш идома хоҳад ёфт.

Хадамоти матбуоти
Раиси вилояти Суғд

 

Шарҳ додан


Защитный код
Нав кардан

ШУМО ДАР: Навиди Суғд Дар Хуҷанд конференсияи 8-уми байналмилалии “Хусусиятҳои экологии гуногунии биологӣ” оғоз ёфт