Хабарҳо
Шарҳи Фармони Президенти Ҷумҳурии Тоҷикистон «Дар бораи тадбирҳои тақвият бахшидани сатҳи ҳифзи иҷтимоии аҳолӣ ва зиёд намудани маоши амалкунандаи вазифавии хизматчиёни давлатӣ, кормандони муассисаю ташкилотҳои буҷетӣ, андозаи нафақа ва стипендия» - 05.08.2020 09:46
Фармони Президенти Ҷумҳурии Тоҷикистон дар бораи тадбирҳои тақвият бахшидани сатҳи ҳифзи иҷтимоии аҳолӣ ва зиёд намудани маоши амалкунандаи вазифавии хизматчиёни давлатӣ, кормандони ташкилоту муассисаҳои буҷетӣ, андозаи нафақа ва стипендия - 05.08.2020 09:42
Ҷаласаи Шўрои Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид - 04.08.2020 14:26
Барои идомаи сохтмони хати оби нӯшокӣ дар шаҳраки Шӯроб дар марҳилаи аввал 1,2 миллион сомонӣ ҷудо гардидааст - 04.08.2020 09:54
6 август дар Душанбе ҷаласаи дуюми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати шашум доир мешавад - 04.08.2020 09:50
Хуҷанд: Тақдими 150 адад либосҳои мактабӣ ба хонандагони ятиму камбизоат - 04.08.2020 09:45
Оғози корҳои таъмиру мумфаршкунии 1,5 километр роҳ дар Ҷамоати деҳоти Ворух - 04.08.2020 09:41
Наимова Раҷамо модари Сангова Сумая духтаре, ки Кури Юнус фиребаш дод - 03.08.2020 23:23
Дар ноҳияи Спитамен корхонаи коркади шир бунёд ва 50 нафар бо ҷойи корӣ таъмин мегарданд - 03.08.2020 15:11
Таҷрибаи оилаи Эмомовҳо дар самти захираи маҳсулот шоистаи пайравӣ аст - 03.08.2020 15:09

Ҷаласаи навбатии Шӯрои ҷамъиятии вилоятӣ баргузор гардид

( 0 Овоз )

27 сентябри соли 2019 дар Кохи фарҳанги ба номи Абӯабдуллоҳи Рӯдакии маркази вилоят ҷаласаи навбатии Шӯрои ҷамъиятии вилоятӣ доир гашт, ки дар он муовини Раиси вилоят, намояндаи комилҳуқуқи Раиси вилоят дар Шӯрои ҷамъиятӣ Баҳоваддин Баҳодурзода, аъзои Шӯрои ҷамъиятӣ, муовинони раисони шаҳру ноҳияҳои вилоят ва намояндагони воситаҳои ахбори омма ширкат варзиданд.

Ин навбат ба ҷаласаи Шӯрои ҷамъиятии вилоятӣ раиси бахши суғдии Иттифоқи нависандагони Тоҷикистон, Шоири халқии Тоҷикистон Аҳмадҷони Раҳматзод раисӣ намуд. Дар ҷаласа аъзои Шӯрои вилоятӣ тибқи рӯзномаи тасдиқгардида масъалаҳои мубраму муҳим, аз ҷумла ҷараёни иҷрои се барномаи давлатиро мавриди муҳокима қарор доданд.

Аз рӯи масъалаи аввал оид ба рафти иҷрои қарори Раиси вилоят аз 21 майи соли 2018, №192 «Дар бораи амалӣ намудани нақшаи чорабиниҳои «Барномаи рушди сайёҳӣ дар Ҷумҳурии Тоҷикистон барои солҳои 2018 - 2020 дар вилояти Суғд» мудири шӯъбаи рушди сайёҳии Мақомоти иҷроияи ҳокимияти давлатии вилояти Суғд Абдумаҷид Раҳимов маърӯза намуд.

Мавсуф аз ҷумла зикр дошт, ки дар доираи пешниҳоди Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон эълон гардидани солҳои 2019 – 2021 «Солҳои рушди деҳот, сайёҳӣ ва ҳунарҳои мардумӣ» дар вилоят тадбирҳои судманд роҳандозӣ мегарданд. Алҳол харитаи сайёҳии вилоят, сомонаи электронии сайёҳӣ, китоби «Раҳнамои сайёҳӣ» тартиб дода шуда, ҷиҳати муаррифии ҳарчӣ бештари имкониятҳои сайёҳии вилоят чорабиниҳо доир карда мешаванд. Мавриди зикр аст, ки тибқи маълумоти оморӣ дар шашмоҳаи аввали соли равон ба қаламрави вилоят беш аз 363, 5 ҳазор сайёҳон ворид гардидаанд, ки нисбат ба ҳамин давраи солҳои қаблӣ хеле зиёд аст.

Муовини сардори Раёсати тандурустии вилоят Маъруфҷон Ҳоҷибоев оид ба рафти иҷрои қарори Раиси вилоят аз 29 декабри соли 2010, №412 «Дар бораи татбиқи «Барномаи миллии ташаккули тарзи ҳаёти солим дар Ҷумҳурии Тоҷикистон барои солҳои 2011 - 2020» дар вилояти Суғд гузориш дод. Ҳамзамон, дар ҷаласаи Шӯрои ҷамъиятии вилоятӣ роҷеъ ба рафти иҷрои қарори Ҳукумати Ҷумҳурии Тоҷикистон «Дар бораи Барномаи давлатӣ оид ба пешгирии зӯроварӣ дар оила дар Ҷумҳурии Тоҷикистон барои солҳои 2011 - 2023» ва «Дар бораи Консепсияи рушди оила дар Тоҷикистон» мушовири оилавӣ дар назди Раёсати кор бо занон ва оилаи Мақомоти иҷроияи ҳокимияти давлатии вилояти Суғд Рафоат Бобоева ахборот дод.

Дар ҷаласаи навбатӣ аъзои Шӯрои ҷамъиятӣ Шуҷоат Ҳасанова, Фарҳод Ҷӯраев, Қурбонҷон Мирзоева, Биҳоҷал Раҳимова, Аҳмадҷони Раҳматзод ва дигарон сухан ронда, таклифу пешниҳод ва фикру мулоҳизаҳои амиқи хешро баён доштанд.

Дар ҷаласаи Шӯрои ҷамъиятии вилоятӣ муовини Раиси вилоят Баҳоваддин Баҳодурзода низ суханронӣ намуда, роҷеъ ба ҷоннок ва пурсамар ба роҳ мондани фаъолияти Шӯрои ҷамъиятӣ, саҳми шоиста гузоштан дар татбиқи Барномаҳои давлатӣ ва иҷрои босифати дастуру супоришҳои роҳбарияти давлат ва Ҳукумати Ҷумҳурии Тоҷикистон, Мақомоти иҷроияи ҳокимияти давлатии вилояти Суғд ва ҳаллу баррасии масъалаҳои муҳими иҷтимоӣ дар назди аъзои Шӯрои ҷамъиятии вилоятӣ вазифаои амиқ гузошт.

Хадамоти матбуоти
Раиси вилояти Суғд


Шарҳ додан


Защитный код
Нав кардан

ШУМО ДАР: Навиди Суғд Ҷаласаи навбатии Шӯрои ҷамъиятии вилоятӣ баргузор гардид