Хабарҳо
Паёми табрикии Раиси вилоят бахшида ба Рӯзи Рӯдакӣ - 21.09.2020 13:20
Ширкат дар интихобот қарзи шаҳрвандии мост! - 21.09.2020 11:47
Пешвои миллат Эмомалӣ Раҳмон ба фаъолияти коргоҳи нави дӯзандагии ҶДММ «Нассоҷии Хуҷанд» оғоз бахшиданд - 16.09.2020 09:29
Президенти мамлакат Эмомалӣ Раҳмон бинои 9-ошёнаи истиқоматӣ барои кормандони Раёсати КДАМ дар вилояти Суғдро мавриди баҳрабардорӣ қарор доданд - 16.09.2020 09:32
Пешвои миллат Эмомалӣ Раҳмон Маркази байналмилалии тиҷоратии «Сомон-Плаза»-ро дар шаҳри Хуҷанд ба истифода доданд - 16.09.2020 10:02
Президенти мамлакат Эмомалӣ Раҳмон аз «Хона-музей»-и Нозимҷон Усмонов дар ноҳияи Бобоҷон Ғафуров дидан карданд - 16.09.2020 11:08
Пешвои миллат Эмомалӣ Раҳмон дар ноҳияи Ҷаббор Расулов аз хоҷагии деҳқонии «Деҳқони нав» ва намоиши маҳсулоти кишоварзӣ боздид намуда, ба ҷамъоварии пахта оғоз бахшиданд - 16.09.2020 11:18
Сарвари давлат Эмомалӣ Раҳмон ба корҳои сохтмонӣ дар корхонаи истеҳсоли шиша ва зарфҳои шишагӣ дар ноҳияи Ҷаббор Расулов оғоз бахшиданд - 16.09.2020 11:29
Президенти мамлакат Эмомалӣ Раҳмон ба кишти такрорӣ дар заминҳои ҶСК «Парандапарвар»-и ноҳияи Ҷаббор Расулов оғоз бахшиданд - 16.09.2020 13:56
Ҷаласаи навбатии Ситоди вилоятӣ оид ба пурзӯр намудани тадбирҳои зиддиэпидемиявӣ ва пешгирӣ аз паҳншавии бемории сироятии коронавируси COVID-19 - 17.09.2020 12:09

Таҷлили Рӯзи шаҳри Хуҷанд

( 0 Овоз )

Бегоҳии рӯзи 25 сентябр дар майдони назди Театри мусиқӣ - мазҳакавиии ба номи Камоли Хуҷандӣ бахшида ба Рӯзи шаҳри Хуҷанд чорабинии калони идона баргузор гардид.

Раиси вилояти Суғд Раҷаббой Аҳмадзода, ки ҷиҳати иштирок ба идгоҳ омада буд, нахуст аз раставу хаймаҳои идонаи сокинон боздид намуд ва сипас дар назди ҳозирин суханронӣ карда, сокинони шаҳри Хуҷандро бо Рӯзи шаҳр табрику таҳният гуфт.

Таъкид карда шуд, ки Хуҷанд зодгоҳи лашкаркашони сарбаланд, олимони бузург, ситорашиносони маъруф, муаррихони номвар, ҷуғрофидонону риёзидонон, шоирону нависандагон ва навозандагони мумтоз мебошад. Асосгузори мактаби илми нуҷум Абўмаҳмуди Хуҷандӣ, олим ва орифи шинохта Шайх Маслаҳатдини Хуҷандӣ, шоира Маҳастии Хуҷандӣ, бузургони Оли Хуҷанд, қаҳрамони халқи тоҷик Темурмалик, ғазалсарои беҳамтои адабиёти форсу тоҷик Камолиддин Масъуд маъруф ба Камоли Хуҷандӣ, санъаткори беназир Содирхони Ҳофиз, ҷуғрофидон Ҳоҷӣ Юсуфи Хуҷандӣ ва садҳои дигар дар шаҳри бостонии Хуҷанд ба дунё омадаанд.

Зикр гардид, ки дар даврони соҳибистиқлолии мамлакат бо ҳидоят ва раҳнамоиҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Хуҷанди бостонӣ боз ҳам ободтару шукуфотар гардида, он ба як шаҳри замонавӣ табдил ёфтааст.

Сипас, дар вазъияти тантанавӣ аз ҷониби Раиси вилояти Суғд Раҷаббой Аҳмадзода ва роҳбарияти шаҳри Хуҷанд ба сокинони касбу кори гуногун, аз ҷумла Шоири халқии Тоҷикистон Фарзона, устоди Донишгоҳи давлатии Хуҷанд ба номи академик Бобоҷон Ғафуров Саидмурод Ҳоҷиев, устоди дараҷаи байналмилалии варзиш Мирзомуҳиддин Қутфиддинов, собиқадори соҳаи меъморӣ ва шаҳрсозӣ Музаффар Юнусов, генерал-майори мустаъфӣ Ҷаҳонгир Ӯрунов унвони «Шаҳрванди фахрии шаҳри Хуҷанд» тақдим карда шуд.

Ҳамзамон ба як гуруҳ олимону адибон ва аҳли фарҳанг, аз ҷумла Нуралӣ Нурзод, Юсуф Насруллоев ва Абдуҳамид Ҷӯраев ҷоизаи адабии ба номи Раҳим Ҷалил ва ба Гулноз Тоҳироваю Фирӯза Аюбҷонова ҷоизаи Маҳастии Хуҷандӣ супорида шуд.

Дар охир аз ҷониби аҳли фарҳанг барномаи ҷолиби консертӣ пешниҳоди сокинон гардонида шуд ва сарояндагони маҳбуб Нозияи Кароматулло, Бахтиёр Иброҳимов, Муҳаммадрофеъи Кароматулло, Аъзам Болтубоев, Ҳасани Камол, Дилноза Каримова, Дамирбек Олимов ва дигарон бо сурудҳои худ табъи ҳозиронро болида намуданд.

Ҳамзамон Ҳунарпешаи мардумии Ӯзбекистон Юлдуз Усмонова низ ҳунарнамоӣ карда, бо сурудҳои худ сокинон ва меҳмонони шаҳри Хуҷандро бо Рӯзи шаҳр табрику таҳният гуфт.

Хадамоти матбуоти
Раиси вилояти Суғд














Шарҳ додан


Защитный код
Нав кардан

ШУМО ДАР: Навиди Суғд Таҷлили Рӯзи шаҳри Хуҷанд