Хабарҳо
Ба истифода додани роҳи мошингарди пайвасткунандаи шаҳраки Мӯъминобод ва деҳаҳои Деҳлоло ва Хосабой бо иштироки Сарвари давлат Эмомалӣ Раҳмон - 25.09.2020 15:04
Пешвои миллат Эмомалӣ Раҳмон боғи фарҳангӣ-фароғатиро дар маркази ноҳияи Мӯъминобод мавриди баҳрабардорӣ қарор доданд - 25.09.2020 15:03
Сарвари давлат Эмомалӣ Раҳмон бо ҳолати истифодаи замини наздиҳавлигӣ дар манзили истиқоматии шаҳрванд Абдуфаёз Одинаев дар ноҳияи Мӯъминобод шинос шуданд - 25.09.2020 15:02
Президенти мамлакат Эмомалӣ Раҳмон бинои истиқоматиро дар ноҳияи Мӯъминобод мавриди баҳрабардорӣ қарор доданд - 25.09.2020 15:00
Боздиди Пешвои миллат Эмомалӣ Раҳмон аз ҳолати истифодаи замин, ҷамъоварии ҳосили картошка ва намоиши маҳсулоти кишоварзӣ дар мавзеи Гулистони ноҳияи Муъминобод - 25.09.2020 14:58
Сарвари давлат Эмомалӣ Раҳмон дар деҳаи Заркамари ноҳияи Мӯъминобод ба фаъолияти корхонаи Ҷамъияти дорои масъулияти маҳдуди «Дуоб-Р» оғозӣ расмӣ бахшиданд - 25.09.2020 14:56
Дар Хуҷанд Маркази тиҷоратии ““Шаҳри афсонавӣ” ба истифода дода шуд - 25.09.2020 14:22
Вохӯрии раиси Шӯрои ВАО бо донишчуёни кафедраи журналистика ва назарияи тарҷумаи ДДХ - 25.09.2020 09:53
Раиси вилоят собиқадори соҳаи кишоварзӣ Каримҷон Ҷӯраевро аёдат намуд - 24.09.2020 17:06
Шиносоӣ бо рафти ҷамъоварии пахта дар Конибодом - 24.09.2020 17:03

Ҳар кӣ ҷанг орад, ба хуни хеш бозӣ мекунад…

( 0 Овоз )

Хабари шуми нооромии вазъ дар ноҳияҳои сарҳадӣ ва рехтани хуни се сарбози Ватани маҳбубамон дар сарҳади деҳаи Овчиқалъачаи ноҳияи Бобоҷон Ғафуров хеле озордиҳандаю ранҷовар аст. Ҷойи таассуф аст, ки то замоне, ки бар асари воқеоти маълум сарҳадҳои давлати мо бо бародарони узбек баста буд, бо қирғизҳо мушкил надоштем, вале ҳамин ки муносибатҳои ҳамсоягӣ ба роҳ монда шуданд, мушкил бо қирғизҳо ҳам ба вуҷуд омад…Оё намеандешем, ки сабаб дар чист? Киҳо намехоҳанд, ки мардуми як минтақаи бузург дар ҳамзистию осоиштагӣ зиндагӣ намоянд? Кистанд онҳое, ки пешрафту оромии минтақаро намехоҳанд? Кистанд онҳое, ки пешравии ҷомеаи моро дида наметавонанд?

Ба гумони қавӣ ин бадандешиҳо натиҷаи фаъолияти гурўҳҳои алоҳидаи манфиатхоҳу иғвогарест, ки оромию осудагӣ ва сулҳу суботи минтақа барои онон хушоянд нест, вале набояд фаромўш кунанд, ки чунин бадхоҳон ҳатман ба гирдоби хуни худашон ғалтон хоҳанд шуд.

Лаънати халқ бод бар он кас,

Ки зи дунҳиматию беорӣ.

Хўрда шири сафеди модарро,

Даст ёзад ба ҳар сияҳкорӣ.

Мутаассифона, дар бархе аз расонаҳо ба таври яктарафа маънидод кардани кирдорҳои разилона касро ба тааҷҷуб меорад. Ҳол он ки мардуми маҳаллӣ боре дар ёд надоранд, ки байни аҳолии Овчиқалъача ва ҳамсоягони онҳо ихтилофе сар зада бошад, зеро барои мардуми сарҳадии кишвари ҳамсоя Тоҷикистон аз ҳар ҷиҳат манфиатовар буд: онҳо бо истифода аз ҳамзистии осоишта бемалол ба бозорҳои минтақа омада заруриёти рўзгори хешро таъмин мекарданд.

Ҳофиз беҳуда нагуфтааст, ки «ҷанги ҳафтоду ду миллат, ҳамаро узр бинеҳ // Чун надиданд ҳақиқат раҳи афсона заданд».Ҷанг дар ягон давлати дунё барои тасҳили муаммоҳои ҷойдошта мусоидат накардааст. Зеро таърих ҳодисоти зиёдеро дар худ маҳфуз доштааст, ки ҷангҳои бисёрсола дар ниҳоят мардумро хастаю хонахароб сохтааст.

Санаи 17-уми сентябр дар гузаргоҳи марзии «Қизил Бел» мулоқоти Сарвазири Тоҷикистон муҳтарам Қоҳир Расулзода ва ҳамтои қирғизаш Муҳаммадқулӣ Абилғозиев баргузор гардида, зимни мулоқот чораҳои ба эътидол овардани вазъ дар марзи ду кишвар баррасӣ гардид. Ҳардуҷониб дар робита ба задухўрди мусаллаҳонае, ки боиси ҳалокати сарбозон гардид, изҳори таассуф намуда, ба роҳбарони мақомоти маҳаллии ду кишвар дастур доданд, ки ҳамкориҳоро дар тамоми сатҳҳо тақвият бахшида, корҳои фаҳмондадиҳиро дар байни сокинон пурзӯр намоянд.

Мо итминони комил дорем, ки дар ниҳоят ақли солим ғалаба хоҳад кард ва дар ин минтақа оромию осудагии ҳамешагӣ барқарор хоҳадшуд.

Дар ниҳоят, инсоният бояд ба маърифати ин нукта бирасад, ки «замин ҳамчун маскани инсоният ба ҳеч ваҷҳ дар байни фарзандони одам қисмат нахоҳад шуд». Мавлавӣ беҳуда нафармудааст:

Ҳаст берангӣ усули рангҳо,

Сулҳҳо бошад усули ҷангҳо.

Тоҷибой Султонӣ,
адабиётшинос

Шарҳ додан


Защитный код
Нав кардан

ШУМО ДАР: Навиди Суғд Ҳар кӣ ҷанг орад, ба хуни хеш бозӣ мекунад…