Хабарҳо
Паёми табрикии Раиси вилоят бахшида ба Рӯзи Рӯдакӣ - 21.09.2020 13:20
Ширкат дар интихобот қарзи шаҳрвандии мост! - 21.09.2020 11:47
Пешвои миллат Эмомалӣ Раҳмон ба фаъолияти коргоҳи нави дӯзандагии ҶДММ «Нассоҷии Хуҷанд» оғоз бахшиданд - 16.09.2020 09:29
Президенти мамлакат Эмомалӣ Раҳмон бинои 9-ошёнаи истиқоматӣ барои кормандони Раёсати КДАМ дар вилояти Суғдро мавриди баҳрабардорӣ қарор доданд - 16.09.2020 09:32
Пешвои миллат Эмомалӣ Раҳмон Маркази байналмилалии тиҷоратии «Сомон-Плаза»-ро дар шаҳри Хуҷанд ба истифода доданд - 16.09.2020 10:02
Президенти мамлакат Эмомалӣ Раҳмон аз «Хона-музей»-и Нозимҷон Усмонов дар ноҳияи Бобоҷон Ғафуров дидан карданд - 16.09.2020 11:08
Пешвои миллат Эмомалӣ Раҳмон дар ноҳияи Ҷаббор Расулов аз хоҷагии деҳқонии «Деҳқони нав» ва намоиши маҳсулоти кишоварзӣ боздид намуда, ба ҷамъоварии пахта оғоз бахшиданд - 16.09.2020 11:18
Сарвари давлат Эмомалӣ Раҳмон ба корҳои сохтмонӣ дар корхонаи истеҳсоли шиша ва зарфҳои шишагӣ дар ноҳияи Ҷаббор Расулов оғоз бахшиданд - 16.09.2020 11:29
Президенти мамлакат Эмомалӣ Раҳмон ба кишти такрорӣ дар заминҳои ҶСК «Парандапарвар»-и ноҳияи Ҷаббор Расулов оғоз бахшиданд - 16.09.2020 13:56
Ҷаласаи навбатии Ситоди вилоятӣ оид ба пурзӯр намудани тадбирҳои зиддиэпидемиявӣ ва пешгирӣ аз паҳншавии бемории сироятии коронавируси COVID-19 - 17.09.2020 12:09

Шиносоии Раиси вилоят бо рафти бунёди маҷмааи меҳмонхонаҳо дар ноҳияи Айнӣ

( 0 Овоз )

11 сентябр Раиси вилояти Суғд Раҷаббой Аҳмадзода дар доираи сафари корӣ ба ноҳияи Айнӣ рафти корҳои сохтмониро дар маҷмааи меҳмонхонаҳо мавриди таваҷҷуҳ қарор дод.

Маҷмааи меҳмонхонаҳо дар доираи 1300 рӯзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон ва бахшида ба “Солҳои рушди деҳот, сайёҳӣ ва ҳунарҳои мардумӣ” бунёд гардида истодааст. Иншооти мазкур бо мақсади фароҳамсозии шароити мусоид барои сокинон ва меҳмонону сайёҳон бо дастгирии Ҳукумати Ҷумҳурии Тоҷикистон, мақомоти иҷроияи ҳокимияти давлатии вилоят ва саҳмгузории корхонаҳои саноатии дар ноҳияи Айнӣ фаъолиятбаранда сохта мешавад.

Мавқеи ҷуғрофӣ ва табиати нотакрору манзараҳои дилфиреби ноҳияи Айнӣ барои рушди соҳаи сайёҳӣ мусоид аст ва маҳз бо назардошти ҳамин омил барои истироҳату фароғати сайёҳони дохиливу хориҷӣ шароити созгор фароҳам оварда хоҳад шуд.

Тавре зимни шиносоии Раиси вилоят бо рафти корҳо иттилоъ дода шуд, корҳои сохтмониро бунёдкорони ҶДММ “КСМ-278” бар уҳда доранд ва лоиҳаи меҳмонхонаҳоро мутахассисони Корхонаи воҳиди давлатии “Лоиҳакаш” омода намудаанд. Маҷмааи меҳмонхонаҳо аз ду бинои асосӣ ва биноҳои ёрирасон иборат буда, дар ҳудуди иншоот бунёди кӯли сунъӣ, шаршара, фаввораҳо, истгоҳи нақлиёту майдони тенисбозӣ ба нақша гирифта шудааст.

Масоҳати умумии иншооти сохташаванда 16633,91 метри мураббаъро дар бар гирифта, айни замон корҳои сохтмониву бетонрезӣ ҷараён дорад.

Раиси вилоят дар аснои суҳбат бо мутахассисону сохтмончиён ҷиҳати дар сатҳи баланд омода намудани иншоот ва ҳангоми иҷрои корҳо истифода бурдани масолеҳи сохтмонии ватанӣ тавсияҳои судманд дод.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Шиносоии Раиси вилоят бо рафти бунёди маҷмааи меҳмонхонаҳо дар ноҳияи Айнӣ